Ntikkakkakkoru Premandaarnnu Review: ബാല്യകാലത്ത് പ്രണയിച്ചിരുന്നവർ വീണ്ടും കണ്ടുമുട്ടുമ്പോൾ!!! 'ന്റിക്കാക്കാക്കൊരു പ്രേമണ്ടാർന്ന്' റിവ്യൂ

ഭാവനയുടെ മലയാളത്തിലേക്കുള്ള തിരിച്ചുവരവിനെ കുറിക്കുന്ന സിനിമയാണ് ന്റിക്കാക്കാക്കൊരു പ്രേമണ്ടാർന്ന്. ഷറഫുദ്ദീനാണ് ചിത്രത്തിൽ നായക കഥാപാത്രത്തെ അവതരിപ്പിച്ചത്. ബാല്യകാലത്ത് പ്രണയിച്ചവർ പിന്നീട് ജീവിതത്തിന്റെ ഒരു ഘട്ടത്തിൽ വീണ്ടും കണ്ടുമുട്ടുമ്പോൾ സംഭവിക്കുന്ന കാര്യങ്ങളാണ് ചിത്രം പറയുന്നത്. ഒരു ലളിതമായ കഥയാണ് ചിത്രം പറയുന്നത്. സിനിമയിലെ ​ഗാനങ്ങൾ ഈ ചിത്രത്തെ മറ്റൊരു തലത്തിലേക്ക് കൊണ്ടുപോകുന്നു. ന്റിക്കാക്കാക്കൊരു പ്രേമണ്ടാർന്ന് ഒരു മികച്ച ഫീൽ ഗുഡ് സിനിമയാണ്.

ജിമ്മി എന്ന കഥാപാത്രത്തെയാണ് ഷറഫുദ്ദീൻ അവതരിപ്പിക്കുന്നത്. നിത്യ എന്നാണ് ഭാവനയുടെ കഥാപാത്രത്തിന്റെ പേര്. ജിമ്മിയുടെയും നിത്യയുടെയും ജീവിതമാണ് കഥ കൈകാര്യം ചെയ്യുന്നത്. ഇത് വെറുമൊരു പ്രണയകഥയല്ല, മറിച്ച് ജിമ്മിയുടെയും അവന്റെ കുടുംബത്തിന്റെയും അവന്റെ അഭിലാഷത്തിന്റെയും നിത്യയുടെയും കഥയാണ്. പ്രണയം, ജീവിതം, കുടുംബം എന്നിവയെക്കുറിച്ചെല്ലാം ലളിതമായി പറയുന്ന ചിത്രം. 

Also Read: Pranaya Vilasam Review: മനുഷ്യനെ മനുഷ്യനാക്കി മാറ്റുന്ന പ്രണയം; 'പ്രണയ വിലാസം' റിവ്യൂ

 

വർഷങ്ങൾക്ക് ശേഷം ജിമ്മിയും നിത്യയും വീണ്ടും കണ്ടുമുട്ടുമ്പോൾ വിവാഹമോചിതയാണ് നിത്യ. ഒരു മകളുമുണ്ട്. മാനസികവും ഗാർഹികവും ബാലപീഡനവും പോലുള്ള ഗുരുതരമായ വിഷയങ്ങളും ചിത്രത്തിൽ പ്രതിപാദിക്കുന്നുണ്ട്. ഇവ നമ്മിൽ അവശേഷിപ്പിക്കുന്ന വേദനയും വൈകാരിക ആഘാതവും പ്രേക്ഷകരെ തിരിച്ചറിയാൻ പ്രേരിപ്പിക്കുന്ന വിധത്തിൽ സൂക്ഷ്മമായി അഭിസംബോധന ചെയ്യുന്നുണ്ട്. സഹോദരബന്ധം, ടോക്സിക് റിലേഷൻഷിപ്പ് എന്നിവയും ചിത്രം കാണിച്ചുതരുന്നു.

ഭാവനയും ഷറഫുദ്ദീനും അവരുടെ വേഷങ്ങൾ മികച്ച രീതിയിൽ തന്നെ കൈകാര്യം ചെയ്തിട്ടുണ്ട്. ചിത്രത്തിൽ അഭിനയിച്ച മറ്റ് കഥാപാത്രങ്ങൾ എല്ലാവരും തന്നെ അവരവരുടെ വേഷം ​ഗംഭീരമാക്കി. അനാർക്കലി നാസറിന്റെ ഫിദയും ഒരുപോലെ രസകരമായ കഥാപാത്രമായിരുന്നു. സംവിധായകൻ ആദിൽ മൈമൂനാത്ത് അഷറഫ് തന്റെ ആദ്യ ചിത്രത്തിലൂടെ ശ്രദ്ധേയനായിരിക്കുകയാണ്. പോൾ മാത്യൂസ്, നിഷാന്ത് രാംടെകെ, ജോക്കർ ബ്ലൂസ് എന്നിവർ ചേർന്നാണ് ചിത്രത്തിന് സംഗീതം ഒരുക്കിയിരിക്കുന്നത്. ബിജിബാൽ പശ്ചാത്തല സംഗീതം നിർവഹിച്ചു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...