Karthikeya 2: അനുപമ പരമേശ്വരൻ നായികയായെത്തുന്ന 'കാർത്തികേയ 2' ജൂലൈ 22ന് തിയേറ്ററുകളിലേക്ക്

കാർത്തികേയ എന്ന ചിത്രത്തിന്റെ രണ്ടാം ഭാഗമായ കാർത്തികേയ-2 ന്റെ മോഷൻ പോസ്റ്റർ പുറത്തിറക്കി. നിഖിൽ-ചന്ദു മൊണ്ടേട്ടി കൂട്ടുകെട്ടിൽ ഒരുങ്ങുന്ന ചിത്രം ജൂലൈ 22ന് തിയേറ്ററുകളിലേക്കെത്തും. ഡോ. കാർത്തികേയ നടത്തുന്ന യാത്രയുടേതാണ് മോഷൻ പോസ്റ്ററിലെ ദൃശ്യം. ശ്രീകൃഷ്ണന്റെ ദ്വാരക നഗരത്തിന്റെ ചരിത്രത്തിലേക്കാണ് അദ്ദേഹം പ്രവേശിക്കുന്നത്. മലയാളി നടി അനുപമ പരമേശ്വരനാണ് ചിത്രത്തിൽ നായികയായി എത്തുന്നത്. ബോളിവുഡ് താരം അനുപം ഖേറും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

ചന്തു മൊണ്ടേട്ടിയാണ് ചിത്രത്തിന്റെ കഥയും തിരക്കഥയും സംവിധാനവും നിർവഹിച്ചിരിക്കുന്നത്. പീപ്പിൾസ് മീഡിയ ഫാക്ടറിയും അഭിഷേക് അഗർവാൾ ആർട്സ് ബാനറും ചേർന്നാണ് ചിത്രം നിർമിക്കുന്നത്. ടി ജി വിശ്വ പ്രസാദ്, അഭിഷേക് അഗർവാൾ എന്നിവരാണ് ചിത്രത്തിന്റെ നിർമാതാക്കൾ. വിവേക് ​​കുച്ചിഭോട്ലയാണ് ചിത്രത്തിന്റെ സഹ നിർമാതാവ്. നിഖിൽ, അനുപമ പരമേശ്വരൻ എന്നിവരാണ് ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നത്.

ALSO READ: Thuramukham Release: തുറമുഖം റിലീസ് വീണ്ടും മാറ്റി; കാരണം ഇതാണ്, വെളിപ്പെടുത്തി ​ഗീതു മോഹൻദാസ്

അനുപം ഖേർ, ശ്രീനിവാസ റെഡ്ഡി, പ്രവീൺ, ആദിത്യ മീനൻ, തുളസി, സത്യ, വിവ ഹർഷ, വെങ്കട്ട് തുടങ്ങിയവർ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. കാലഭൈരവയാണ് ചിത്രത്തിനായി ​ഗാനങ്ങൾ ഒരുക്കിയിരിക്കുന്നത്. കാർത്തിക് ഘട്ടമനേനിയാണ് ചിത്രത്തിന്റെ ഛായാ​ഗ്രാഹകൻ. സാഹി സുരേഷ് കലാസംവിധാനം നിർവഹിച്ചിരിക്കുന്നു. പിആർഒ ആതിര ദിൽജിത്ത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...