)
പ്രഭാസും പൂജാ ഹെഗ്‌ഡെയും അഭിനയിക്കുന്ന'രാധേ ശ്യാം' ഈ വർഷത്തെ ഏറ്റവും പ്രതീക്ഷയോടെ കാത്തിരിക്കുന്ന പാൻ-ഇന്ത്യ ചിത്രങ്ങളിലൊന്നാണ്. മൂന്നാം തരംഗത്തെ തുടർന്ന് സിനിമയുടെ റിലീസ് നീണ്ടുപോയിരുന്നു. എന്നാൽ ആരാധകർ ഇനിയും കാത്തിരിക്കേണ്ടതില്ല എന്നാണ് പുതിയ പോസ്റ്ററിലൂടെ വ്യക്തമാകുന്നത്. 2022 മാർച്ച് 11 ആണ് പുതിയ റിലീസ് തീയതിയായി നിർമാതാക്കൾ തിരഞ്ഞെടുത്തത്.
പുതിയ പോസ്റ്ററിനൊപ്പമാണ് നിർമ്മാതാക്കൾ റിലീസ് തീയതി പ്രഖ്യാപിച്ചത്. പ്രഭാസിന്റെ ഔദ്യോഗിക സോഷ്യല്‍ മീഡിയ അക്കൗണ്ട് വഴിയാണ് പുതിയ പോസ്റ്ററും തിയതിയും ആരാധകരുമായി പങ്കുവെച്ചത്. രാജ്യത്തിനകത്തും പുറത്തും ഒട്ടേറെ ആരാധകരുള്ള നടനാണ് പ്രഭാസ്. വിക്രം ആദിത്യ എന്ന കഥാപാത്രത്തയാണ് പ്രഭാസ് അവതരിപ്പിക്കുന്നത്.
രാധേശ്യാം സംവിധാനം ചെയ്യുന്നത് പ്രമുഖ സംവിധായകന്‍ രാധാകൃഷ്‍ണ കുമാര്‍ ആണ്. തെലുങ്ക്, ഹിന്ദി, തമിഴ്, മലയാളം എന്നീ നാല് ഭാഷകളിലാണ് എത്തുക. തെലുങ്ക് സിനിമാ രംഗത്തെ പ്രമുഖ നിര്‍മ്മാണ കമ്പനിയായ ഗോപി കൃഷ്‍ണ മൂവീസും യുവി ക്രിയേഷനും ചേര്‍ന്നാണ് ചിത്രം നിര്‍മ്മിക്കുന്നത്. ശ്രീകര്‍ പ്രസാദാണ് എഡിറ്റിംഗ് നിര്‍വഹിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
Newsletter
