പെരുമ്പാവൂർ: മനുഷ്യാവകാശ പ്രവര്ത്തകന് ജോമോന് പുത്തന്പുരക്കലിനെതിരെ നിയമനടപടി സ്വീകരിക്കുമെന്ന് പെരുമ്പാവൂരില് കൊല്ലപ്പെട്ട നിയമ വിദ്യാര്ഥിനി ജിഷയുടെ അമ്മ രാജേശ്വരി. തന്നെയും യു.ഡി.എഫ് കണ്വീനര് പി.പി തങ്കച്ചനെയും ചേർത്ത് അടിസ്ഥാന രഹിതമായ കഥകളാണ് ജോമോൻ പ്രചരിപ്പിക്കുന്നത്. തന്നെ ഒരു തവണ പോലും ജോമോൻ കാണാൻ വന്നിട്ടില്ലെന്നും രാജേശ്വരി വ്യക്തമാക്കി.
ഇന്നലെ കൊല്ലപ്പെട്ട ജിഷയുടെ കൊലപാതകവുമായി ബന്ധപ്പെട്ട് യു .ഡി .എഫ് കണ്വീനര് പി .പി തങ്കച്ചനെതിരെ ഗുരുതര ആരോപണങ്ങളുമായി പൊതുപ്രവര്ത്തകന് ജോമോന് പുത്തന്പുരയ്ക്കല് രംഗതെത്തിയിരുന്നു. പി .പി തങ്കച്ചനെതിരെ മകളാണ് ജിഷയെന്നും ഇക്കാര്യം ലോകം അറിയാതിരിക്കാന് അദ്ദേഹത്തിന്റെ അറിവോടെ ജിഷയെ കൊലപ്പെടുത്തുകയായിരുന്നുവെന്നും ജോമോന് പുത്തന് പുരക്കല് ആരോപിച്ചിരുന്നു ,ഇക്കാര്യം ചൂണ്ടി കാട്ടി മുഖ്യമന്ത്രിക്ക് നല്കിയ കത്തും അദ്ദേഹം തന്റെ ഫേസ് ബുക്ക് പ്രൊഫൈലില് പോസ്റ്റ് ചെയ്തിരുന്നു.
എന്നാല് ജോമോൻ പുത്തൻ പുരയ്ക്കലിന്റേത് വ്യക്തിഹത്യയാണെന്നും നിയമ നടപടികൾ സ്വീകരിക്കുമെന്നും പി .പി തങ്കച്ചന് ഇന്ന് ഇതിനോട് പ്രതികരിച്ചു പെരുമ്പാവൂരില് ഇടതുപക്ഷം തോറ്റതിന്റെ വിരോധം തീര്ക്കുകയാണെന്നും അദ്ദേഹം പറഞ്ഞു. ജിഷയുടെ അമ്മ ഒരാവശ്യത്തിനും തന്റെ വീട്ടില് വന്നിട്ടില്ല. ജിഷ കൊല്ലപ്പെട്ടശേഷം അമ്മ രാജേശ്വരി ആശുപത്രിയില് കഴിഞ്ഞപ്പോഴാണ് അവരെ സന്ദര്ശിച്ചത്. കെ.പി.സി.സിയുടെ ധനസഹായം കൈമാറാനും ആശുപത്രിയില് പോയിരുന്നു. അടിസ്ഥാനരഹിതമായ പ്രചാരണം നടത്തുന്നത് ശരിയല്ല. ഇതൊന്നുമല്ല രാഷ്ട്രിയമെന്നും അദ്ദേഹം പറഞ്ഞു.