ജനപ്രീതിയിൽ മുമ്പന്‍ ഉമ്മൻചാണ്ടി!!

തിരുവനന്തപുരം: സംസ്ഥാന ഭരണം മാറി മൂന്ന് വര്‍ഷം കഴിഞ്ഞിട്ടും മുൻ മുഖ്യമന്ത്രി ഉമ്മൻചാണ്ടിയുടെ ജനപ്രീതിക്ക് ഇടിവില്ല!!

ലോക്സഭാ തിരഞ്ഞെടുപ്പിന് മുന്നോടിയായി വിവിധ ഏജൻസികള്‍ നടത്തിയ അഭിപ്രായ സര്‍വ്വേയില്‍ ഏറ്റവും കൂടുതൽ ഇഷ്ടപ്പെടുന്ന സംസ്ഥാന നേതാവ് ആരെന്ന ചോദ്യത്തിന് 24% പേരാണ് ഉമ്മൻചാണ്ടിയുടെ പേര് നിര്‍ദ്ദേശിച്ചത്. 

അതേസമയം, ജനപിന്തുണയിൽ ഉമ്മൻചാണ്ടിയ്ക്ക് തൊട്ടുപിന്നില്‍ വിഎസ് അച്യുതാനന്ദനാണ്. 21% പേരാണ് വിഎസിനെ പിന്തുണച്ചത്. സര്‍വ്വേയില്‍ മൂന്നാം സ്ഥാനത്താണ് സംസ്ഥാന മുഖ്യമന്ത്രി പിണറായി വിജയം യാടം നേടിയത്. 18% പേരാണ് പിണറായിയെ ഇഷ്ടപ്പെടുന്നത്. 

സംസ്ഥാനത്തെ മുതിര്‍ന്ന നേതാക്കളുടെ ജനപിന്തുണ ചുവടെ:-  

ഉമ്മൻ ചാണ്ടി.24%
വിഎസ് അച്യുതാനന്ദൻ.21%
പിണറായി വിജയൻ.18%
രമേശ് ചെന്നിത്തല.8%
കെ സുരേന്ദ്രൻ.6%
പി എസ് ശ്രീധരൻ പിള്ള.5%
പി കെ കുഞ്ഞാലിക്കുട്ടി.4%
കുമ്മനം രാജശേഖരൻ.4%
കോടിയേരി ബാലകൃഷ്ണൻ.2%
കാനം രാജേന്ദ്രൻ.1%
ശോഭാ സുരേന്ദ്രൻ.1%

മേഖലാ അടിസ്ഥാനത്തില്‍ തെക്കന്‍ കേരളത്തില്‍ ആണ് ഉമ്മന്‍ചാണ്ടിക്ക് കൂടുതല്‍ പിന്തുണ. ഈ മേഖലയിലെ 30% പേര്‍ക്കും ഉമ്മന്‍ചാണ്ടിയോടാണ് താത്പര്യം. വടക്കന്‍ കേരളത്തിലും മധ്യകേരളത്തിലും 21% പേര്‍ വീതം ചാണ്ടിക്കൊപ്പമാണ്. തെക്കന്‍ കേരളത്തില്‍ 28% പേരുടെ പിന്തുണയുള്ള വിഎസിനെ വടക്കന്‍ കേരളത്തില്‍ 15% പേരും, മധ്യകേരളത്തില്‍ 20% പേരും പിന്തുണയ്ക്കുന്നു. 

ബിജെപി നേതാക്കളില്‍ ജനപിന്തുണയില്‍ മുന്നില്‍ സംസ്ഥാന സെക്രട്ടറി കെ.സുരേന്ദ്രനാണ്. സംസ്ഥാനതലത്തില്‍ ആറ്%  ജനങ്ങളും അദ്ദേഹത്തെ ഇഷ്ടപ്പെടുന്നു. മേഖല തിരിച്ചുള്ള കണക്കില്‍ വടക്കന്‍ ജില്ലകളിലെ 9% പേരും മധ്യമേഖലയിലെ 5% പേരും സുരേന്ദ്രനെ തുണയ്ക്കുന്നു. എന്നാല്‍ തെക്കന്‍കേരളത്തില്‍ അദ്ദേഹത്തിന്‍റെ ജനപിന്തുണ 2% മാത്രമാണ്.