)
ചെന്നൈ: രാഷ്ട്രീയ പ്രവേശനത്തിനൊരുങ്ങുന്ന തമിഴ് സൂപ്പർതാരം രജനികാന്തുമായി ബി.ജെ.പി എം.പി പൂനം മഹാജൻ കൂടിക്കാഴ്ച നടത്തി. ചെന്നൈയിലെ പോയസ് ഗാർഡനിലുള്ള രജനിയുടെ വീട്ടിലായിരുന്നു കൂടിക്കാഴ്ച. ഇതോടെ സ്റ്റൈല്‍ മന്നന്‍ രജനികാന്തും ബി.ജെ.പി ടിക്കറ്റില്‍ രാഷ്ട്രീയ പ്രവേശനം നടത്തുമെന്നുള്ള അഭ്യൂഹങ്ങള്‍ വര്‍ധിക്കുന്നു.
താൻ കണ്ടതിൽവെച്ച് ഏറ്റവും എളിമയുള്ള ദമ്പതികൾ എന്ന പ്രതികരണത്തോടെ രജനീകാന്തിനോടും ഭാര്യ ലതയോടുമൊപ്പമുള്ള ചിത്രങ്ങൾ പൂനം മഹാജന്‍ ട്വിറ്ററിൽ പങ്കുവെച്ചു. 'ഗ്ളോബൽ സിറ്റിസൺ’ എന്ന വിദ്യാഭ്യാസ പദ്ധതിയിൽ രജനീകാന്ത് ഭാഗമാകുമെന്ന് പ്രതീക്ഷിക്കുന്നതായും പൂനം പറഞ്ഞു.
രജനികാന്ത് ബി.ജെ.പിയിലേക്കെന്ന അഭ്യൂഹങ്ങൾ നിലനിൽക്കുന്ന സാഹചര്യത്തിലാണ് ബി.ജെ.പി യുവജന സംഘടനയുടെ ദേശീയ അധ്യക്ഷയുടെ സന്ദർശനം. എന്നാൽ ചെന്നൈയിൽ ബി.ജെ.പി യുവജന റാലിയിൽ പങ്കെടുക്കാനെത്തിയ പൂനം ഉപചാരത്തിന്‍റെ ഭാഗമായാണ് രജനികാന്തിനെയും കുടുംബത്തെയും സന്ദർശിച്ചതെന്ന് ബി.ജെ.പി വൃത്തങ്ങൾ അറിയിച്ചു. മുന്‍ കേന്ദ്രമന്ത്രി പ്രമോദ് മഹാജന്‍റെ മകളായ പൂനം, പിതാവിന്‍റെ ഉറ്റ സുഹൃത്ത് എന്ന നിലയിലാണ് രജനിയെ സന്ദര്‍ശിച്ചതെന്നും വിശദീകരിച്ചു.
Newsletter
