കര്‍"നാടകം": യെദ്ദ്യൂരപ്പ ഇന്ന് വിശ്വാസവോട്ട് തേടും

ബം​ഗ​ളൂ​രു: കര്‍ണാടകയുടെ 19ാമത് മുഖ്യമന്ത്രിയായി കഴിഞ്ഞ വെള്ളിയാഴ്ച അധികാരമേറ്റ ബി.​എ​സ്. യെ​ദി​യൂ​ര​പ്പ ഇന്ന് സഭയില്‍ വിശ്വാസവോട്ട് തേടും.

രാ​വി​ലെ പ​തി​നൊ​ന്നി​നാ​ണു മു​ഖ്യ​മ​ന്ത്രി വി​ശ്വാ​സ പ്ര​മേ​യം അ​വ​ത​രി​പ്പി​ക്കു​ക. 

അതേസമയം, കേ​വ​ല​ഭൂ​രി​പ​ക്ഷ​ത്തി​നു വേ​ണ്ട 105 അം​ഗ​ങ്ങ​ളു​ടെ പി​ന്തു​ണ ബി​ജെ​പി​ക്കു​ള്ള​തി​നാ​ല്‍ വി​ശ്വാ​സ വോ​ട്ട് സ​ര്‍​ക്കാ​രി​ന് ഒരു വെ​ല്ലു​വി​ളി​യല്ല. 

17 പേ​രെ സ്പീക്കര്‍ അ​യോ​ഗ്യ​രാ​ക്കി​യ​തോ​ടെ ക​ര്‍​ണാ​ട​ക നി​യ​മ​സ​ഭ​യു​ടെ അം​ഗ​ബ​ലം 207 ആ​യി. കേ​വ​ല ഭൂ​രി​പ​ക്ഷ​ത്തി​ന് ഇ​നി വേണ്ടത് വെറും 104 പേ​രു​ടെ പി​ന്തു​ണയാണ്. ഒ​രു സ്വ​ത​ന്ത്ര​ന്‍ ഉ​ള്‍​പ്പെ​ടെ 106 പേ​രു​ടെ പി​ന്തു​ണ​യു​ള്ള യെദ്ദ്യൂരപ്പ സ​ര്‍​ക്കാ​രിന് നി​ഷ്പ്ര​യാ​സം വി​ശ്വാ​സ​വോ​ട്ട് നേടാന്‍ കഴിയും. 

പ്ര​തി​പ​ക്ഷ​ത്ത് കോ​ണ്‍​ഗ്ര​സി​ന് 66 (നോ​മി​നേ​റ്റ​ഡ് അം​ഗം ഉ​ള്‍​പ്പെ​ടെ)​ അം​ഗ​ങ്ങ​ളാ​ണു​ള്ള​ത്. ജെ​ഡി-​എ​സി​ന് 34 ഉം ​ബി​എ​സ്പി​ക്ക് ഒ​റ്റ അം​ഗ​വു​മാ​ണു​ള്ള​ത്. എന്നാല്‍, വോ​ട്ടെ​ടു​പ്പി​ല്‍​നി​ന്നു വി​ട്ടു​നി​ന്നുവെന്ന കാരണത്താല്‍ ബി​എ​സ്പി അം​ഗം എ​ന്‍. മ​ഹേ​ഷി​നെ പാ​ര്‍​ട്ടി​യി​ല്‍​നി​ന്നു പു​റ​ത്താ​ക്കി​യി​രി​ക്കു​ക​യാ​ണ്.

അതേസമയം, വി​മ​ത എം​എ​ല്‍​എ​മാ​രെ കൂ​റു​മാ​റ്റ നി​രോ​ധ​ന നി​യ​മ​പ്ര​കാ​രം സ്പീ​ക്ക​ര്‍ കെ.​ആ​ര്‍. ര​മേ​ശ്കു​മാ​ര്‍ അ​യോ​ഗ്യരാക്കി. ഇ​വ​ര്‍​ക്ക് 15-ാം നി​യ​മ​സ​ഭ​യു​ടെ കാ​ലാ​വ​ധി അ​വ​സാ​നി​ക്കു​ന്ന 2023 വ​രെ തിരഞ്ഞെ​ടു​പ്പി​ല്‍ മ​ത്സ​രി​ക്കാ​നാ​വി​ല്ല. സ്പീ​ക്ക​റു​ടെ തീ​രു​മാ​നം നി​യ​മ​വി​രു​ദ്ധ​മാ​ണെ​ന്നും ഇ​തി​നെ​തി​രേ സു​പ്രീം​കോ​ട​തി​യെ സ​മീ​പി​ക്കു​മെ​ന്നും അ​യോ​ഗ്യ​നാ​ക്ക​പ്പെ​ട്ട ജെ​ഡി​എ​സ് എം​എ​ല്‍​എ എ.​എ​ച്ച്‌. വി​ശ്വ​നാ​ഥ് പ​റ​ഞ്ഞു.

അ​തേ​സ​മ​യം, സ്പീ​ക്ക​ര്‍ കെ.​ആ​ര്‍. ര​മേ​ഷ് കു​മാ​റി​നെ നീ​ക്കാ​ന്‍ ബി​ജെ​പി പ്ര​മേ​യം കൊ​ണ്ടു​വ​രാ​ന്‍ സാ​ധ്യ​ത​യു​ണ്ടെ​ന്നും, എന്നാല്‍, വിശ്വാസവോട്ടെടുപ്പിന് ശേഷം സ്പീക്കര്‍ രാജിവയ്ക്കുമെന്നും റിപ്പോര്‍ട്ടുകള്‍ പുറത്തുവരുന്നുണ്ട്.

2018 മെയില്‍ നടന്ന തിരഞ്ഞെടുപ്പില്‍ ‍105 സീറ്റാണ് ബിജെപി നേടിയത്. തുടര്‍ന്ന് ഏറ്റവും വലിയ ഒറ്റക്കക്ഷിയായ ബിജെപി, യെദ്ദ്യൂരപ്പയുടെ നേതൃത്വത്തില്‍ രൂപീകരിച്ച സര്‍ക്കാര്‍ വെറും 6 ദിവസമാണ് അധികാരത്തിലിരുന്നത്. സഭയില്‍ ഭൂരിപക്ഷം തെളിയിക്കാനാകാതെ അദ്ദേഹം രാജി വയ്ക്കുകയായിരുന്നു.