IRCTC ticket cancellation | ട്രെയിൻ റദ്ദാക്കിയോ? ഓൺലൈൻ ടിക്കറ്റെടുത്തവർക്ക് ഉടൻ റീഫണ്ട്

മൂടൽമഞ്ഞുള്ള കാലാവസ്ഥയും മറ്റ് പല കാരണങ്ങളും കാരണം കുറച്ചു ദിവസങ്ങളായി നിരവധി ട്രെയിനുകൾ റദ്ദാക്കുന്നുണ്ട്. ഇതിലൂടെ പലർക്കും ടിക്കറ്റ് ബുക്ക് ചെയ്ത പണം നഷ്ടപ്പെടാറുമുണ്ടാകാം. എന്നാൽ നിങ്ങളുടെ കൈവശം ഇ-ടിക്കറ്റ് ഉണ്ടെങ്കിൽ ട്രെയിൻ റദ്ദാക്കിയാൽ നിങ്ങൾക്ക് ഉടൻ റീഫണ്ട് ലഭിക്കും. ടിക്കറ്റ് ക്യാൻസലേഷനായി എവിടെയും പോകേണ്ട ആവശ്യമില്ല. കൂടാതെ, ടിക്കറ്റ് ഡെപ്പോസിറ്റ് രസീത് (TDR) ഫയൽ ചെയ്യേണ്ട ആവശ്യവും വരുന്നില്ല.

അതേസമയം ട്രെയിൻ 3 മണിക്കൂറിൽ കൂടുതൽ വൈകുകയും യാത്രക്കാർക്ക് യാത്ര ചെയ്യാൻ കഴിയാതിരിക്കുകയും ചെയ്താൽ, ട്രെയിൻ പുറപ്പെടുന്നതിന് മുമ്പ് TDR ഫയൽ ചെയ്യേണ്ടതുണ്ട്. 

Also Read: Indian Railways: ഓൺലൈൻ ടിക്കറ്റുകൾക്കായി IRCTC പുതിയ നിയമങ്ങൾ കൊണ്ടുവന്നു, ശ്രദ്ധിക്കുക! 

എങ്ങനെ ടിഡിആർ ഫയൽ ചെയ്യാം?

IRCTC വെബ്സൈറ്റിലോ മൊബൈൽ ആപ്പിലോ ലോഗിൻ ചെയ്യുക

തുടർന്ന് My Accountൽ പോയി My Transaction എന്ന ഓപ്ഷൻ തിരഞ്ഞെടുക്കുക

അതിന് ശേഷം ഫയൽ TDR ക്ലിക്ക് ചെയ്യുക.

കൗണ്ടർ ടിക്കറ്റ് റദ്ദാക്കാൻ ഓൺലൈനായി ഈ ലിങ്കിൽ ക്ലിക്ക് ചെയ്യുക - https://www.operations.irctc.co.in/ctcan/SystemTktCanLogin.jsf

നിങ്ങളുടെ PNR നമ്പർ, ട്രെയിൻ നമ്പർ, Captcha എന്നിവ പൂരിപ്പിച്ച ശേഷം, Cancellation Rules ബോക്‌സിൽ ടിക്ക് ചെയ്യുക.

തുടർന്ന് സബ്മിറ്റ് ബട്ടണിൽ ക്ലിക്ക് ചെയ്യുക

ടിക്കറ്റ് ബുക്ക് ചെയ്യുമ്പോൾ ഫോമിൽ നിങ്ങൾ നൽകിയ നമ്പറിലേക്ക് ഒടിപി ലഭിക്കും

OTP നൽകിയ ശേഷം സബ്മിറ്റ് എന്നതിൽ ക്ലിക്ക് ചെയ്യുക

നിങ്ങളുടെ PNR-ന്റെ വിശദാംശങ്ങൾ നിങ്ങൾക്ക് കാണാൻ കഴിയും.

PNR വിശദാംശങ്ങൾ പരിശോധിച്ച ശേഷം, Cancel Ticket ഓപ്ഷനിൽ ക്ലിക്ക് ചെയ്യുക

നിങ്ങൾക്ക് റീഫണ്ട് തുക പേജിൽ കാണാൻ കഴിയും

ബുക്കിംഗ് ഫോമിൽ നൽകിയിരിക്കുന്ന നമ്പറിൽ നിങ്ങൾക്ക് PNR-ന്റെയും റീഫണ്ടിന്റെയും വിവരങ്ങളുള്ള ഒരു സ്ഥിരീകരണ സന്ദേശവും ലഭിക്കും

Also Read: IRCTC | ദൂരെ യാത്രയ്ക്ക് ട്രെയിൻ ടിക്കറ്റ് ബുക്ക് ചെയ്യുകയാണോ? ഇത്രയും സാധനങ്ങൾ കൂടെ നിങ്ങൾക്ക് കിട്ടും

ഏതെങ്കിലും ഒരു ദിവസം ട്രെയിനുകൾ റദ്ദാക്കിയാൽ ഇന്ത്യൻ റെയിൽവേ അതിന്റെ വെബ്‌സൈറ്റിൽ റദ്ദാക്കിയ ട്രെയിനുകളുടെ ഒരു ലിസ്റ്റ് പുറത്തിറക്കുന്നത് ട്രെയിൻ യാത്രക്കാർ ശ്രദ്ധിക്കേണ്ടതാണ്. റദ്ദാക്കിയ ട്രെയിനുകളെക്കുറിച്ചുള്ള വിവരങ്ങൾ NTES ആപ്പിലും ഉണ്ട്. യാത്രയ്ക്ക് മുമ്പ് ട്രെയിൻ സ്റ്റാറ്റസ് അറിയാൻ യാത്രക്കാർ റെയിൽവേ വെബ്‌സൈറ്റ് പരിശോധിക്കണം.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.