ദീപിക പദുകോണിന് പിന്തുണയുമായി തൃണമൂല്‍ എംപി ഡെറക് ഒ'ബ്രിയൻ

ന്യൂഡല്‍ഹി: അക്രമത്തിനിരയായ വിദ്യാര്‍ത്ഥികള്‍ക്ക് ഐക്യദാര്‍ഢ്യം പ്രഖ്യാപിച്ച് ബോളിവുഡ് നടി ദീപിക പദുകോണ്‍ JNU ക്യാമ്പസില്‍ എത്തിയത് വന്ന വിവാദത്തിന് വഴി തെളിച്ചിരുന്നു. 

ബിജെപിയും സോഷ്യല്‍ മീഡിയയും ഈ വിഷയത്തില്‍ രണ്ട് തട്ടിലാണ്. പുതിയ സിനിമയുടെ പ്രചാരണമാണ് ദീപികയുടെ ലക്ഷ്യമെന്നും JNUവില്‍ പോയതിന്‍റെ പ്രത്യാഘാതം അനുഭവിക്കേണ്ടി വരുമെന്ന് ചില ബിജെപി നേതാക്കള്‍ പ്രസ്താവിക്കുമ്പോള്‍ ജനാധിപത്യ രാജ്യത്ത് ആര്‍ക്കും എവിടെയും പോകാം, അഭിപ്രായം പറയാമെന്നും കേന്ദ്രമന്ത്രി പ്രകാശ്‌ ജാവദേക്കര്‍ വ്യക്തമാക്കി.

എന്നാല്‍, ഈ വിഷയത്തില്‍ തൃണമൂല്‍ കോണ്‍ഗ്രസ്‌ പ്രത്യേക നിലപാട് വ്യക്തമാക്കിയിരുന്നില്ല. എന്നാല്‍, തൃണമൂല്‍ കോണ്‍ഗ്രസ്‌ നേതാവും എംപിയുമായ ഡെറക് ഒ'ബ്രിയൻ ദീപികയ്ക്ക് പിന്തുണയുമായി രംഗത്തെത്തി. 
 
ദീപികയുടെ ചിത്രമായ "Chhapaak" ന്‍റെ 2 ടിക്കറ്റ് തനിക്കൊപ്പം ജോലി ചെയ്യുന്ന രണ്ട് പേര്‍ക്ക് നല്‍കിയാണ്‌ അദ്ദേഹം പിന്തുണ പ്രഖ്യാപിച്ചത്. ഈ വിവരം ട്വീറ്റ് ചെയ്ത അദ്ദേഹം #IStandwithDeepika ടാഗും ഉപയോഗിച്ചിരുന്നു. 

ചൊ​വ്വാ​ഴ്ച വൈ​കി​ട്ട് 7.30ന് ​എത്തിയ ദീ​പി​ക സ​ബ​ര്‍​മ​തി ഹോ​സ്റ്റ​ലി​ല്‍ വി​ദ്യാ​ര്‍​ഥി​ക​ളെ സന്ദര്‍ശിച്ചശേഷം ക്യാമ്പസില്‍നിന്നും മടങ്ങി.

അതേസമയം, വി​ദ്യാ​ര്‍​ഥി​ക​ളെ അ​ഭി​സം​ബോ​ധ​ന ചെ​യ്ത് അവര്‍ സം​സാ​രി​ച്ചി​ല്ല. ക​ഴി​ഞ്ഞ ദി​വ​സം ഉ​ണ്ടാ​യ അ​ക്ര​മ​ത്തി​ല്‍ പ​രി​ക്കേ​റ്റ വി​ദ്യാ​ര്‍​ഥി യൂ​ണി​യ​ന്‍ പ്ര​സി​ഡ​ന്‍റ് ഐ​ഷി ഘോ​ഷും പ​ങ്കെ​ടു​ത്തി​രു​ന്നു. വി​ദ്യാ​ര്‍​ഥി​ക​ള്‍​ക്കൊ​പ്പം ദീ​പി​ക പ​തി​ന​ഞ്ച് മി​നി​റ്റോ​ളം ചെ​ല​വ​ഴി​ച്ചു. വി​ദ്യാ​ര്‍​ഥി നേ​താ​ക്ക​ള്‍ ചി​ല​രു​മാ​യി താ​രം സം​സാ​രി​ച്ചു

ഇന്ന് റിലീസാകുന്ന ചിത്രമായ "Chhapaak" ന്‍റെ പ്ര​ച​ര​ണത്തിനായാണ് ദീപിക ഡല്‍ഹിയില്‍ എത്തിയത്. ര​ണ്ടു ദി​വ​സം ഡ​ല്‍​ഹി​യി​ല്‍ ഉ​ണ്ടാ​യി​രു​ന്ന ദീപിക ചിത്രത്തിന്‍റെ പ്രചാരണ പരിപാടികള്‍ അവസാനിപ്പിച്ചശേഷമാണ് JNU സന്ദര്‍ശിച്ചത്.