ലക്നോ: 'മനുഷ്യർ പ്രാധാന്യമുള്ളവര് തന്നെ, അതേപോലെ തന്നെയാണ് പശുക്കളും. രണ്ടും പ്രകൃതിയിൽ ഒരേപോലെ പങ്കു വഹിക്കുന്നവര്. എല്ലാവരും സംരക്ഷിക്കപ്പെടും...'
രാജ്യത്തെ ആള്ക്കൂട്ട കൊലപാതകങ്ങള്, പശു ജാഗ്രത എന്നീ കാര്യങ്ങളില് തന്റെ നിലപാട് വ്യക്തമാക്കുകയായിരുന്നു ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്.
സര്ക്കാര് എല്ലാവർക്കും സംരക്ഷണം നൽകുമെന്ന് സൂചിപ്പിച്ച അദ്ദേഹം, ഓരോ വ്യക്തിക്കും ഓരോ സമുദായത്തിനും മറ്റുള്ളവരോട് ആദരവുണ്ടായിരിക്കേണ്ടത് അവരവരുടെ ഉത്തരവാദിത്തമാണെന്നും പറഞ്ഞു.
പ്രധാനമന്ത്രി നരേന്ദ്ര മോദിയെ ലോക്സഭയില് കോണ്ഗ്രസ് അദ്ധ്യക്ഷന് രാഹുല് ഗാന്ധി കെട്ടിപ്പിടിച്ച നടപടിയേയും ആദിത്യനാഥ് നേരെത്തെ വിമര്ശിച്ചിരുന്നു.
രാഹുലിന്റെ കെട്ടിപ്പിടുത്തം രാഷ്ട്രീയ നാടകമാണെന്ന് ആരോപിച്ച യോഗി ആദിത്യനാഥ് ഇത്തരം രീതികള് തനിക്ക് അംഗീകരിക്കാനാവില്ലെന്നും വ്യക്തമാക്കി. തന്നെ കെട്ടിപ്പിടിക്കുന്നതിന് മുന്പ് രാഹുല് പത്തുതവണയെങ്കിലും ചിന്തിക്കേണ്ടിവരുമെന്നും അദ്ദേഹം മുന്നറിയിപ്പ് നല്കിയിരുന്നു.