ന്യൂഡല്ഹി: പ്രശസ്ത നിര്മ്മാതാവും സംവിധായകനുമായ സഞ്ജയ് ലീല ബൻസാലിയുടെ ബോളിവുഡ് ചിത്രം പത്മാവതിന് രാജസ്ഥാന്, ഗുജറാത്ത്, മധ്യപ്രദേശ്, ഹരിയാന എന്നീ സംസ്ഥാനങ്ങള് പ്രഖ്യാപിച്ച വിലക്ക് നീക്കി സുപ്രീം കോടതി. ഇതോടെ രാജ്യമൊട്ടാകെ ചിത്രം അനുമതി നിര്മ്മാതാക്കള്ക്ക് ലഭിച്ചു.
കൂടാതെ, എല്ലാ സംസ്ഥാനങ്ങള്ക്കും ക്രമസമാധാനപാലനത്തിനുള്ള ഉത്തരവാദിത്തം ഭരണഘടന ചുമത്തിയിട്ടുണ്ടെന്നും, സിബിഎഫ്സി അനുമതി നല്കിയ ചിത്രം പ്രദർശിപ്പിക്കുമ്പോൾ അസ്വാഭാവിക സംഭാവങ്ങള് ഉണ്ടായാല് അത് തടയേണ്ട ഉത്തരവാദിത്വം സംസ്ഥാന സര്ക്കാരിനാണ് എന്നും സുപ്രീംകോടതി ഓര്മ്മപ്പെടുത്തി.
ഇന്നലെയാണ് നാലു സംസ്ഥാനങ്ങള് ചിത്രം റിലീസ് ചെയ്യുന്നത് വിലക്കിയതിനെ തുടര്ന്ന് നിര്മ്മാതാക്കള് സുപ്രീം കോടതിയെ സമീപിച്ചത്. രാജസ്ഥാന്, ഗുജറാത്ത്, മധ്യപ്രദേശ്, ഹരിയാന എന്നീ സംസ്ഥാനങ്ങളാണ് ചിത്രം പ്രദര്ശിപ്പിക്കുന്നത് വിലക്കിയിരിക്കുന്നത്.
സെൻസർ ബോർഡ് ചിത്രത്തിന് പ്രദര്ശനാനുമതി നല്കിയതിനുശേഷമാണ് ജനുവരി 25ന് ചിത്രം റിലീസ് ചെയ്യാന് നിര്മ്മാതാക്കള് തീരുമാനിച്ചത്. സെൻസർ ബോർഡിന്റെ നിര്ദ്ദേശപ്രകാരം അവശ്യ മാറ്റങ്ങള് ചിത്രത്തിലും, ചലച്ചിത്രത്തിന്റെ പേരിലും വരുത്തിയിരുന്നു.
രാജ്പുത് സമുദായം അഭിമാനം കൊള്ളുന്ന റാണി പത്മിനിയുടെ ചരിത്രത്തെ അവഹേളിക്കുന്ന രീതിയില് ചിത്രീകരിച്ചു എന്നാണ് ഈ സമുദായക്കാരുടെ പരാതി.
ജനുവരി 25ന് ഈ ചിത്രം ഹിന്ദി, തെലുങ്ക്, തമിഴ് ഭാഷകളില് ചിത്രം പ്രദര്ശനത്തിനെത്തും.
പത്മാവതി എന്ന സിനിമയില് ദീപിക പദുകോണ് മുഖ്യ കഥാപാത്രമായ റാണി പത്മവതിയെ അവതരിപ്പിക്കുന്നു. റാവൽ രത്തൻ സിംഗായി ഷാഹിദ് കപൂറും സുൽത്താൻ അലാവുദ്ദീൻ ഖിൽജിയായി രൺവീർ സിംഗും അഭിനയിക്കുന്നു.
ഒരു വർഷത്തോളമെടുത്ത് 190 കോടി രൂപ ചെലവിലാണ് ഈ ചിത്രം നിർമ്മിച്ചിരിക്കുന്നത്.
Supreme Court stays notification by Madhya Pradesh, Haryana, Rajasthan and Gujarat, grants green signal to release of the film #Padmaavat. pic.twitter.com/Aqsi4x9meX
— ANI (@ANI) January 18, 2018
Supreme Court, in its interim order said, all states are constitutionally obliged to maintain law and order and prevent any untoward incident during the screening of the film across India, a permission granted by CBFC. #Padmaavat
— ANI (@ANI) January 18, 2018