നിങ്ങൾ ഗ്രാറ്റുവിറ്റി ലഭിക്കാൻ യോഗ്യനാണോ? അത് എങ്ങനെ കണക്കാക്കാം

ഒരു സ്ഥാപനത്തിൽ അഞ്ച് വർഷത്തെ കാലാവധി പൂർത്തിയാക്കിയ ജീവനക്കാർ ഗ്രാറ്റുവിറ്റി ആനുകൂല്യത്തിന് അർഹരാണ്.1972-ലെ ഗ്രാറ്റുവിറ്റി ആക്ട് പ്രകാരം ജീവനക്കാരന് നിശ്ചിത തുക ജോലിയിൽ നിന്നും വിരമിക്കുമ്പോളോ ജോലിയിൽ നിന്ന് പിരിച്ചുവിടപ്പെടുമ്പോഴോ അവർക്ക് ഗ്രാറ്റുവിറ്റി തുക നൽകും.

എന്നാൽ ഗ്രാറ്റുവിറ്റി നിയമത്തിലെ സെക്ഷൻ 4 അനുസരിച്ച്, ഒരു വ്യക്തിയുടെ മരണമോ അംഗവൈകല്യമോ കാരണം തൊഴിൽ അവസാനിപ്പിക്കുന്ന സന്ദർഭങ്ങളിൽ തുടർച്ചയായി അഞ്ച് വർഷത്തെ സേവനത്തിന്റെ ആവശ്യകത ബാധകമല്ല. ഇങ്ങനെ വന്നാൽ നോമിനിക്കോ ജീവനക്കാരന്റെ നിയമപരമായ അവകാശിക്കോ ഗ്രാറ്റുവിറ്റി പേയ്‌മെന്റ് ലഭിക്കും.

ഫാക്ടറികൾ, ഖനികൾ, എണ്ണപ്പാടങ്ങൾ, തോട്ടങ്ങൾ, തുറമുഖങ്ങൾ, റെയിൽവേ, മോട്ടോർ ഗതാഗത സ്ഥാപനങ്ങൾ, ബിസിനസ്സുകൾ, സ്റ്റോറുകൾ, 10-ൽ കൂടുതൽ ജീവനക്കാരുള്ള സ്ഥലങ്ങൾ എന്നിവയുൾപ്പെടെ എല്ലാ സംഘടനകളും 1972-ലെ ഗ്രാറ്റുവിറ്റി നിയമത്തിന് വിധേയമാണ്. 

ടൈം ഫ്രെയിം

നിലവിലുള്ള നിയമങ്ങൾ അനുസരിച്ച്, ഗ്രാറ്റുവിറ്റി അടയ്‌ക്കേണ്ട തീയതി മുതൽ 30 ദിവസമാണ് ഗ്രാറ്റുവിറ്റിക്ക് ജീവനക്കാരന് അപേക്ഷിക്കാൻ ഉള്ളത്. 30 ദിവസത്തിന് ശേഷം സമർപ്പിക്കുന്ന അപേക്ഷ ഒരു തൊഴിലുടമക്ക് നിരസിക്കാൻ കഴിയില്ല. ഗ്രാറ്റുവിറ്റി തുകയ്ക്കുള്ള അപേക്ഷ ലഭിച്ച് 15 ദിവസത്തിനകം തൊഴിലുടമ കുടിശ്ശികയുള്ള തുകയും പേയ്‌മെന്റ് തീയതിയും കണക്കാക്കണം,ഗ്രാറ്റുവിറ്റി അപേക്ഷ നിരസിക്കപ്പെട്ടാൽ, തൊഴിലുടമ കാരണം ബോധ്യപ്പെടുത്തണം

ഗ്രാറ്റുവിറ്റി കണക്കുകൂട്ടൽ 

ഒരു ജീവനക്കാരന് ലഭിക്കുന്ന ഗ്രാറ്റുവിറ്റിയുടെ തുക നിശ്ചയിക്കുന്നത് അവരുടെ സേവന ദൈർഘ്യവും ഏറ്റവും പുതിയ ശമ്പളവും അനുസരിച്ചാണ്. അടിസ്ഥാന ശമ്പളവും ക്ഷാമബത്തയും അടിസ്ഥാനമാക്കിയാണ് ഇത് നിർണ്ണയിക്കുന്നത്. ഗ്രാറ്റുവിറ്റികൾ കണക്കാക്കാൻ, എട്ട് വർഷമോ ഏഴ് മാസമോ എന്നത് പരിഗണിക്കാതെ ഒരു ജീവനക്കാരന്റെ മൊത്തം സേവന സമയം ഒമ്പത് വർഷമായി കണക്കാക്കും. 

ഗ്രാറ്റുവിറ്റി കണക്കാക്കൽ 

15/26 * ജോലി പൂർത്തിയാക്കിയ വർഷങ്ങളുടെ എണ്ണം * അവസാനം നേടിയ വേതനം (അടിസ്ഥാന ശമ്പളവും ക്ഷാമബത്തയും). ഗ്രാറ്റുവിറ്റി നിയമത്തിന്റെ പരിധിയിൽ വരാത്ത സ്ഥാപനങ്ങളുടെ ജീവനക്കാർക്കും ഗ്രാറ്റുവിറ്റി പേയ്‌മെന്റ് ലഭ്യമാണ്

നികുതി ഒഴിവ്

സർക്കാർ ഉദ്യോഗസ്ഥർക്ക് ലഭിക്കുന്ന എല്ലാ ഗ്രാറ്റുവിറ്റികൾക്കും ആദായനികുതിയിൽ നിന്ന് പൂർണമായ ഇളവിന് അർഹതയുണ്ട്. ജീവനക്കാർ 1972-ലെ ഗ്രാറ്റുവിറ്റി നിയമത്തിൽ ഉൾപ്പെട്ടിട്ടുണ്ടോ ഇല്ലയോ എന്നതിനെ ആശ്രയിച്ച്, ഗ്രാറ്റുവിറ്റികളുടെ ആദായനികുതി നിയന്ത്രണങ്ങൾ സ്വകാര്യ മേഖലയിലെ തൊഴിലാളികൾക്കും ബാധകമാണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...