)
New Delhi: താന്‍ ദിവസവും ഗോമൂത്രം കുടിച്ചിരുന്നു, ഗോമൂത്രമാണ് (Cow Urine) കൊറോണ വൈറസ് ബാധയില്‍ നിന്നും രക്ഷനേടാന്‍ തന്നെ സഹായിച്ചത് എന്ന വെളിപ്പെടുത്തലുമായി BJP MP പ്രഗ്യാ സിംഗ് ഠാക്കൂര്‍...
പതിവായി ഗോമൂത്രം കുടിയ്ക്കുന്നതിലൂടെ ശ്വാസകോശ അണുബാധയില്‍ നിന്നും കൊറോണ വൈറസില്‍നിന്നും രക്ഷനേടാമെന്നും മധ്യപ്രദേശിലെ ഭോപ്പാലില്‍ നിന്നുള്ള BJP MP പ്രഗ്യാ സിംഗ് ഠാക്കൂര്‍ (Pragya Singh Thakur) പറഞ്ഞു.
"ഗോമൂത്രം കുടിയ്ക്കൂ, ഗോമൂത്രം നിങ്ങളെ കോവിഡ് ബാധയില്‍ നിന്നും സംരക്ഷിക്കും, ഗോമൂത്രം കുടിക്കുന്നതിനാല്‍ ഞാന്‍ മരുന്നൊന്നും കഴിക്കാറില്ല. എല്ലാവരും വീട്ടില്‍ പശുവിനെ വളര്‍ത്തണം", അവര്‍ പറഞ്ഞു. ഭോപ്പാലില്‍ നടന്ന ഒരു ചടങ്ങില്‍ സംസാരിക്കവേ ആണ് പ്രഗ്യാ സിംഗ് ഈ രഹസ്യം വെളിപ്പെടുത്തിയത്.
"എന്നെ കാണാനില്ലെന്നും കണ്ടെത്തുന്നവര്‍ക്ക് പ്രതിഫലം നല്‍കുമെന്ന വാഗ്ദാനവുമായി ചിലര്‍ രംഗത്തെത്തിയിട്ടുണ്ട്. നിയമവിരുദ്ധ പ്രവര്‍ത്തനം നടത്തുന്ന അവര്‍ക്ക് മാപ്പില്ല. എന്നാല്‍ ശിക്ഷ നല്‍കുന്നതെല്ലാം ദൈവമാണ്. എന്‍റെ വീട്ടിലിരുന്ന് ഞാന്‍ ജനങ്ങളെ സഹായിക്കുകയാണ്, അവര്‍ കൂട്ടിച്ചേര്‍ത്തു.
തന്‍റെ ലോകസഭ മണ്ഡലമായ ഭോപ്പാലില്‍ ഒരു കോടി വൃക്ഷതൈകൾ നട്ടുപിടിപ്പിക്കുമെന്നും അവർ പ്രതിജ്ഞ ചെയ്തു.
Also Read: കൊവിഡ് വിദഗ്ധ സമിതി അധ്യക്ഷ സ്ഥാനത്ത് നിന്ന് ഡോ. ഷാഹിദ് ജമീൽ രാജിവച്ചു
അതേസമയം, ഗോമൂത്രം ഗുരുതരമായ രോഗങ്ങള്‍ വരെ ഭേദമാക്കുമെന്ന് അവകാശപ്പെട്ടുകൊണ്ട് സാധ്വി പ്രഗ്യാ സിംഗ് ഠാക്കൂര്‍ എത്തുന്നത്‌ ഇതാദ്യമല്ല. തന്‍റെ ക്യാൻസറിനെ സുഖപ്പെടുത്താൻ ഗോമൂത്രവും (Cow Uurine) പഞ്ച്യഗവിയും (Panchyagavy - mixture of cow products) ഏറെ സഹായിച്ചതായി അവര്‍ അവകാശപ്പെട്ടിരുന്നു.
Also Read: കൊറോണയോട് മല്ലടിക്കുന്ന രോഗികൾക്ക് ആശ്വാസം; ഡിആർഡിഒയുടെ മരുന്ന് പുറത്തിറക്കി
എന്നാല്‍, കോവിഡിനെ പ്രതിരോധിക്കാന്‍ ഗോമൂത്ര, ചാണക ചികിത്സകള്‍ ശാസ്ത്രീയമല്ലെന്ന് ഇന്ത്യന്‍ മെഡിക്കല്‍ അസോസിയേഷന്‍ (Indian Medical Association - IMA) കഴിഞ്ഞ ദിവസം ചൂണ്ടിക്കാട്ടിയിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
Newsletter
