ശ്രീനഗര്: ജമ്മുകശ്മീരില് ഗ്രനേഡ് ആക്രമണം. അഞ്ചുപേര്ക്ക് പരിക്കേറ്റതായി റിപ്പോര്ട്ട്.
ശ്രീനഗറിലെ ഹരി സിംഗ് ഹൈ സ്ട്രീറ്റ് മേഖലയിലാണ് ഗ്രനേഡ് ആക്രമണം നടന്നത്. സംഭവത്തെ തുടര്ന്ന് പൊലീസ് അന്വേഷണം ആരംഭിച്ചിട്ടുണ്ട്.
#Terrorists lobbed a #grenade at #HSH #Street #Srinagar. 05 #civilians injured. All are stated to be #stable. Area under #cordon. #Search in the #area is in progress. @JmuKmrPolice
— Kashmir Zone Police (@KashmirPolice) October 12, 2019
പരിക്കേറ്റവരില് മൂന്ന് പ്രദേശവാസികളുടെ നില ഗുരുതരമാണെന്ന് സ്ഥിരീകരിക്കാത്ത റിപ്പോര്ട്ട് ഉണ്ട്. കൂടുതല് വിവരങ്ങള് ലഭിച്ചിട്ടില്ല.
ഒക്ടോബര് 5 ന് അനന്ത്നാഗ് ജില്ലാ മജിസ്ട്രേറ്റ് ഓഫീസിനു പുറത്തും സമാനമായ് ആക്രമണം നടന്നിരുന്നു. അന്ന് 14 പേര്ക്ക് പരിക്കേറ്റിരുന്നു.
ബൈക്കിലെത്തിയ ഭീകരര് ഡെപ്യൂട്ടി കമ്മീഷണര് ഓഫീസിന് പുറത്തെ പൊലീസ് വാഹനത്തിന് നേരെ എറിഞ്ഞ ഗ്രനേഡ് ലക്ഷ്യം തെറ്റി റോഡില് വീഴുകയായിരുന്നുവെന്നാണ് റിപ്പോര്ട്ട്.