National Nutrition Week 2023: ​ഗർഭകാലത്ത് പോഷകാഹാരങ്ങൾ പ്രധാനം; ഈ ഭക്ഷണങ്ങൾ മറക്കാതെ കഴിക്കുക

മനുഷ്യ ശരീരത്തിൽ പോഷകാഹാരത്തിന്റെ പ്രാധാന്യത്തെക്കുറിച്ച് അവബോധം സൃഷ്ടിക്കുന്നതിനായി എല്ലാ വർഷവും സെപ്റ്റംബർ ഒന്ന് മുതൽ സെപ്റ്റംബർ ഏഴ് വരെ ദേശീയ പോഷകാഹാര വാരമായി ആചരിക്കുന്നു. ഇന്ത്യയിൽ ഇത് ആചരിക്കുന്നതിന്റെ ലക്ഷ്യം ശരിയായ പോഷകാഹാരത്തിന്റെ ആവശ്യകതയെക്കുറിച്ചും പോഷകാഹാരക്കുറവ് മൂലമുണ്ടാകുന്ന ആരോഗ്യപ്രശ്നങ്ങളെക്കുറിച്ചും ജനങ്ങളെ ബോധവൽക്കരിക്കുക എന്നതാണ്.

ഗർഭകാലത്ത് സ്ത്രീകൾക്ക് പരമാവധി പോഷകാഹാരം ആവശ്യമാണ്. ഗർഭിണിയായിരിക്കുമ്പോൾ, സ്ത്രീകളുടെ ഭക്ഷണക്രമം എപ്പോഴും നിരീക്ഷിക്കപ്പെടേണ്ടതാണ്. വിറ്റാമിനുകളും ധാതുക്കളും അടങ്ങിയ സമീകൃത ഭക്ഷണം കഴിക്കുന്നത് കുഞ്ഞിന്റെ വളർച്ചയ്ക്ക് സഹായിക്കുന്നതിൽ പ്രധാനപ്പെട്ടതാണ്. ​ഗർഭിണികൾ പോഷകാഹാരം കഴിക്കേണ്ടത് പ്രധാനമാണ്. ​ഗർഭകാലത്തെ വിവിധ ന്യൂട്രിയന്റുകളുടെ കുറവ് നികത്താൻ ഇത് പ്രധാനമാണ്. ഗർഭിണികൾക്ക് അത്യാവശ്യമായ അഞ്ച് ന്യൂട്രിയന്റുകൾ ഏതെന്നും അവ ഏതൊക്കെ ഭക്ഷണങ്ങളിൽ നിന്ന് ലഭിക്കുമെന്നും നോക്കാം.

ഫോളേറ്റ്

ഗർഭാവസ്ഥയിൽ ധാരാളം ഫോളേറ്റ് കഴിക്കുന്നത് ​ഗർഭസ്ഥ ശിശുവിന്റെ മൊത്തത്തിലുള്ള വളർച്ചയെ പിന്തുണയ്ക്കുന്നു. അതുപോലെ തന്നെ വൈജ്ഞാനിക വൈകല്യങ്ങളുടെ സാധ്യത കുറയ്ക്കുന്നു. പ്രത്യേകിച്ച് കുഞ്ഞിന്റെ തലച്ചോറിലും നട്ടെല്ലിലുമുള്ള ന്യൂറൽ ട്യൂബ് വൈകല്യങ്ങൾക്കുള്ള സാധ്യത കുറയ്ക്കുന്നു. ഓറഞ്ച്, അവോക്കാഡോ എന്നിവ ഫോളേറ്റിന്റെ മികച്ച ഉറവിടങ്ങളാണ്.

കാൽസ്യം

കുഞ്ഞിന്റെ എല്ലുകളുടെയും പല്ലുകളുടെയും ശക്തമായ വളർച്ചയ്ക്ക് ഗർഭകാലത്ത് കാത്സ്യം അത്യാവശ്യമാണ്. ഇത് ഉയർന്ന രക്തസമ്മർദ്ദത്തിന്റെ സാധ്യത കുറയ്ക്കുകയും ആരോഗ്യകരമായ മസ്തിഷ്ക വികസനം പ്രോത്സാഹിപ്പിക്കുകയും ചെയ്യുന്നു. ആവശ്യത്തിന് കാത്സ്യം ലഭിക്കാൻ, നിങ്ങളുടെ ഭക്ഷണത്തിൽ ഇരുണ്ട ഇലക്കറികൾ, മത്തി, തൈര് എന്നിവ ചേർക്കുക.

ALSO READ: Ghee: ദിവസവും നെയ്യ് കഴിച്ചാൽ ശരീരത്തിൽ ഈ മാറ്റങ്ങൾ ഉണ്ടാകും... ശ്രദ്ധിക്കണം

ഇരുമ്പ്

ഗർഭകാലത്ത് ഇരുമ്പിന്റെ കുറവ് സാധാരണമാണ്. ചുവന്ന രക്താണുക്കൾ നിലനിർത്താൻ ഇരുമ്പ് ആവശ്യമാണ്, ഇത് കുഞ്ഞിന്റെ വളർച്ചയ്ക്കും അമ്മയുടെ പ്ലാസന്റ പ്രവർത്തനത്തിനും അത്യന്താപേക്ഷിതമാണ്. ഗർഭിണികളായ സ്ത്രീകൾ ഇരുമ്പ് ലഭിക്കുന്നതിന് ചുവന്ന മാംസം, വേവിച്ച കക്കയിറച്ചി, പയർ, മറ്റ് സസ്യാഹാര സ്രോതസ്സുകൾ എന്നിവ ഭക്ഷണത്തിൽ ഉൾപ്പെടുത്തണം.

അയോഡിൻ

തൈറോയ്ഡ് ഗ്രന്ഥിയുടെ ആരോഗ്യത്തിനും പ്രവർത്തനത്തിനും ആവശ്യമായ ധാതുവാണ് അയോഡിൻ. നിങ്ങളുടെ തൈറോയിഡ് ശരീരത്തിലെ പല സുപ്രധാന പ്രക്രിയകളിലും ഉൾപ്പെട്ടിരിക്കുന്ന ഹോർമോണുകൾ ഉത്പാദിപ്പിക്കുന്നു. ശരീരത്തിന്റെ മെറ്റബോളിസത്തെ നിയന്ത്രിക്കുന്നതിന് ഈ ധാതു ആവശ്യമാണ്‌. പാലുൽപ്പന്നങ്ങൾ, സീഫുഡ്, അയോഡൈസ്ഡ് ടേബിൾ ഉപ്പ് എന്നിവയാണ് അയോഡിന്റെ ചില മികച്ച ഉറവിടങ്ങൾ.

വിറ്റാമിൻ എ

​ഗർഭിണികളായ അമ്മമാർക്ക് ആവശ്യമായ മറ്റൊരു പ്രധാന പോഷകാഹാരമാണ് വിറ്റാമിൻ എ. ഇത് കുഞ്ഞിന്റെ ചർമ്മം, കാഴ്ച ശക്തി എന്നിവയെ മികച്ചതായി നിലനിർത്തുന്നതിന് സഹായിക്കുന്നു. ഇത് കുഞ്ഞിന്റെ എല്ലുകളുടെ രൂപീകരണത്തെ മികച്ചതാക്കുകയും അമ്മയുടെയും കുഞ്ഞിന്റെയും പ്രതിരോധ സംവിധാനങ്ങളെ പിന്തുണയ്ക്കുകയും ചെയ്യുന്നു. കാരറ്റ്, മുട്ട, തൈര്, മധുരക്കിഴങ്ങ് എന്നിവ വിറ്റാമിൻ എയുടെ മികച്ച സ്രോതസുകളിൽ ചിലതാണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...