)
Egg Benefits: മുട്ട ഏറെ പോഷകഗുണങ്ങള്‍ അടങ്ങിയതാണ് എന്ന് നമുക്കറിയാം. ഏതു കാലാവസ്ഥയിലും, അതായത്, തണുപ്പായാലും ചൂടായാലും ദിവസവും ഓരോ മുട്ട കഴിയ്ക്കണം എന്നാണ് ആരോഗ്യ വിദഗ്ധര്‍ പറയുന്നത്.
ഏതു പ്രായക്കാരും എതു കാലാവസ്ഥയിലും മുട്ട കഴിയ്ക്കണം. മുട്ടയില്‍ അടങ്ങിയിരിയ്കുന്ന വിറ്റാമിനുകളും ധാതുക്കളും പല ആരോഗ്യ പ്രശ്നങ്ങളിൽ നിന്നും നമ്മെ സംരക്ഷിക്കും. വളരുന്ന പ്രായത്തില്‍ കുട്ടികള്‍ മുട്ട ദിവസവും കഴിച്ചിരിയ്ക്കണം. മുട്ടയില്‍ ധാരാളം പ്രോട്ടീന്‍ അടങ്ങിയിരിയ്ക്കുന്നു. ഇത് ആരോഗ്യത്തിന് മാത്രമല്ല, പേശികളെ ശക്തിപ്പെടുത്തുന്നതിനും ഏറെ ഉപയോഗപ്രദമാണ്.
Also Read: Edible Oil Price Cut: പാചക എണ്ണ ലിറ്ററിന് 10 രൂപ കുറഞ്ഞു, പുതിയ നിരക്ക് അറിയാം
പ്രായഭേദമെന്യേ എല്ലാവരും മുട്ട കഴിയ്ക്കണം എന്നാണ് ആരോഗ്യ വിദഗ്ധര്‍ പറയുന്നത്. എന്നാല്‍, നിങ്ങള്‍ക്കറിയുമോ 40 വയസിന് മുകളില്‍ പ്രായമുള്ളവര്‍ നിര്‍ബന്ധമായും ദിവസവും മുട്ട കഴിച്ചിരിയ്ക്കണം. ആരോഗ്യ വിദഗ്ധര്‍ പറയുന്നതനുസരിച്ച് വാർദ്ധക്യ പ്രശ്‌നങ്ങളെ മറികടക്കാൻ മുട്ട വളരെ ഉപയോഗപ്രദമാണ്.
മുട്ട പ്രോട്ടീൻ, വിറ്റാമിന്‍ , ധാതുക്കള്‍ കൊണ്ട് സമ്പന്നമാണ്. അതിനാല്‍ 40 വയസ് കഴിഞ്ഞവര്‍ ദിവസവും ഒരു മുട്ട കഴിയ്ക്കുന്നത് ശീലമാക്കുന്നത് നല്ലതാണ്. ദിവസവും ഒരു മുട്ട കഴിക്കുന്നത് എല്ലുകളെ ബലപ്പെടുത്താനും പേശികളെ ശക്തിപ്പെടുത്താനും സഹായിയ്ക്കും.
40 വയസിനു ശേഷം ദിവസവും മുട്ട കഴിക്കുന്നതിന്‍റെ ഗുണങ്ങൾ അറിയാം (Benefits of having egg daily)
പ്രായം കൂടുന്നതനുസരിച്ച് നമ്മുടെ ശരീരം പല വിധത്തിലുള്ള ആരോഗ്യ പ്രശ്നങ്ങള്‍ പ്രകടിപ്പിച്ചു തുടങ്ങും. ഇത്തരം ആരോഗ്യ പ്രശ്നങ്ങളില്‍ ഏറ്റവും ഗുരുതരമായത് അസ്ഥി വേദനയാണ്. ദിവസവും മുട്ട കഴിച്ചാൽ എല്ലുകൾക്ക് ബലം ലഭിക്കുകയും ഇതിലെ വിറ്റാമിൻ ഡിയും കാൽസ്യവും എല്ലുകളുടെ ആരോഗ്യം നിലനിർത്തുകയും ചെയ്യും
പ്രായം കൂടുന്തോറും മെറ്റബോളിസം ദുർബലമാകാൻ തുടങ്ങുന്നു. ദിവസവും ഒരു മുട്ട കഴിച്ചാൽ, മെറ്റബോളിസം ശക്തമാക്കാൻ സാധിക്കും.
പ്രായം വര്‍ധിക്കുന്നതനുസരിച്ച് ശരീരത്തിൽ അനീമിയ, അതായത് രക്തക്കുറവ് എന്ന പ്രശ്നം ഉടലെടുക്കുന്നത് സ്വാഭാവികമാണ്. ശരീരത്തിലെ ഇരുമ്പിന്‍റെ അഭാവമാണ് ഈ പ്രശ്നത്തിന് കാരണം. മുട്ടയ്ക്കുള്ളിൽ ധാരാളം ഇരുമ്പ് കാണപ്പെടുന്നു. അതിനാല്‍ ദിവസവും ഒരു മുട്ട കഴിയ്ക്കുന്നത്
ശരീരത്തിലെ രക്തത്തിന്‍റെ അഭാവം നികത്താൻ മാത്രമല്ല, അനീമിയ എന്ന പ്രശ്നത്തിൽ നിന്ന് ആരോഗ്യത്തെ സംരക്ഷിക്കാനും കഴിയും.
പ്രായം കൂടുമ്പോൾ ഹൃദയ സംബന്ധമായ പ്രശ്നങ്ങൾ ഉടലെടുക്കാം. 40 വയസിന് മുകളില്‍ പ്രായമുള്ളവര്‍ സ്ഥിരമായി മുട്ട കഴിച്ചാൽ ഹൃദയ സംബന്ധമായ പ്രശ്നങ്ങൾ തരണം ചെയ്യാന്‍ സാധിക്കും.
ദിവസവും ഒരു മുട്ട കഴിയ്ക്കുന്നത് ആരോഗ്യത്തിനു ഏറെ ഗുണകരമാണ്. അതിനാല്‍, ഭക്ഷണക്രമത്തില്‍ ഉള്‍പ്പെടുത്താന്‍ ശ്രദ്ധിക്കാം
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
Newsletter
