Health Tips: നാൽപ്പതുകളിലും എല്ലുകളുടെ ആരോ​ഗ്യം മികച്ചതായി നിലനിർത്താം; ശ്രദ്ധിക്കേണ്ടത് ഇക്കാര്യങ്ങൾ

സന്ധികളിലും കൈകാലുകളിലും വേദനയുള്ളതായി പ്രായമായവർ പരാതിപ്പെടുന്നത് എത്ര തവണ നാം കേട്ടിട്ടുണ്ട്? നിരവധി തവണ, അല്ലേ? നമുക്ക് പ്രായമാകുമ്പോൾ, നമ്മുടെ എല്ലുകളും അവയവങ്ങളും ദുർബലമാകുന്നു. പ്രായമാകുമ്പോൾ ചലനശേഷിയിലും ശാരീരിക പ്രവർത്തനങ്ങളിലും ഉണ്ടാകുന്ന വ്യത്യാസങ്ങളും ദൃശ്യമാണ്.

അതിനാൽ, നമ്മുടെ എല്ലുകളും സന്ധികളും ആരോ​ഗ്യത്തോടെ നിലനിർത്തേണ്ടത് പ്രധാനമാണ്. പ്രായത്തിനനുസരിച്ച് നമ്മുടെ എല്ലുകളുടെയും സന്ധികളുടെയും ആരോ​ഗ്യം ദുർബലമാകുകയും ചലനശേഷി കുറയുകയും വേദനയും അസ്വസ്ഥതയും ഉണ്ടാക്കുകയും ചെയ്യും. എല്ലുകളുടെയും സന്ധികളുടെയും ആരോഗ്യം മെച്ചപ്പെടുത്താൻ സഹായിക്കുന്ന ചില കാര്യങ്ങളെക്കുറിച്ച് അറിയാം.

സജീവമായി തുടരുക: എല്ലുകളുടെയും പേശികളുടെയും ആരോ​ഗ്യത്തെക്കുറിച്ച് പറയുമ്പോൾ മനസ്സിൽ സൂക്ഷിക്കേണ്ട പ്രധാന കാര്യങ്ങളിലൊന്ന് സജീവമായി തുടരുക എന്നതാണ്. യന്ത്രങ്ങളെപ്പോലെ തന്നെ മനുഷ്യശരീരവും പ്രവർത്തനരഹിതമായിരിക്കുമ്പോൾ ക്ഷയിക്കുന്നു. അതുപോലെ, സന്ധികളുടെ ചലനം നിലനിർത്തേണ്ടത് പ്രധാനമാണ്. കൂടുതൽ നേരം ഒരിടത്ത് ഒരേ സ്ഥാനത്ത് ഇരിക്കുന്നത് ഒഴിവാക്കുക. അര മണിക്കൂർ മുതൽ ഒരു മണിക്കൂർ വരെ സമയത്തിനുള്ളിൽ അൽപമെങ്കിലും നടക്കുക എന്നിവ പ്രധാനമാണ്.

ശരീരഭാരം നിയന്ത്രിക്കുക: ആരോ​ഗ്യം മികച്ചതായി നിലനിർത്തുന്നതിൽ ശരീരഭാരത്തിന് വലിയ സ്ഥാനമുണ്ട്. നമ്മുടെ സന്ധികൾ ശരീരത്തിന്റെ ഭാരം വഹിക്കുന്നു. അതിനാൽ, അധിക ഭാരം അല്ലെങ്കിൽ പൊണ്ണത്തടി പലപ്പോഴും കാൽമുട്ട്, പുറം, ഇടുപ്പ് എന്നിവിടങ്ങളിൽ വേദനയുണ്ടാകുന്നതിലേക്ക് നയിക്കുന്നു. ആരോഗ്യകരമായ ഭാരം നിലനിർത്തേണ്ടത് പ്രധാനമാണ്.

ALSO READ: Weight Loss: ഡയറ്റും വ്യായാമവും വേണ്ട.... ശരീരഭാരം കുറയ്ക്കാം ഇങ്ങനെ

ഭക്ഷണക്രമം: ശരീരത്തിന്റെ ഒപ്റ്റിമൽ പ്രവർത്തനത്തിന് ആരോഗ്യകരമായ ഭക്ഷണം കഴിക്കേണ്ടത് പ്രധാനമാണ്. വിറ്റാമിൻ ഡി, വിറ്റാമിൻ സി, പ്രോട്ടീൻ എന്നിവ അടങ്ങിയ ഭക്ഷണങ്ങൾ കഴിക്കുക.

ചിട്ടയായ ശാരീരിക പ്രവർത്തനങ്ങൾ: ആരോഗ്യകരമായ ജീവിതശൈലിയുടെ പ്രധാന നിയമങ്ങളിലൊന്നാണ് വ്യായാമം. കൈകാലുകൾ, പേശികൾ, സന്ധികൾ എന്നിവ ചലനാത്മകവും വഴക്കമുള്ളതുമായി നിലനിർത്താൻ വ്യായാമം സഹായിക്കുന്നു.

ശരീരത്തിൽ ആവശ്യത്തിന് ജലാംശം നിലനിർത്തുക: ജോയിന്റ് തരുണാസ്ഥിക്ക് വെള്ളം പ്രധാനമാണ്. നമ്മൾ ശരീരത്തിൽ ആവശ്യത്തിന് ജലാംശം നിലനിർത്തുമ്പോൾ, നമ്മുടെ ശരീരം സന്ധികൾക്കായി സിനോവിയൽ ദ്രാവകം ഉത്പാദിപ്പിക്കുന്നു. അത് സന്ധികളെ ആരോ​ഗ്യത്തോടെ നിലനിർത്തുന്നു.

വാം-അപ്പ്, കൂൾ-ഡൗൺ പ്രക്രിയ: ശാരീരിക പ്രവർത്തനങ്ങളിൽ ഏർപ്പെടുന്നതിന് മുമ്പ് ശരീരത്തെ വാം-അപ്പ് ചെയ്യേണ്ടത് അത്യാവശ്യമാണ്. വ്യായാമത്തിന് മുൻപായി പേശികളെ സജ്ജമാക്കാൻ ഇത് സഹായിക്കുന്നു. ഇത് പരിക്കിന്റെ സാധ്യതയും കുറയ്ക്കുന്നു. അതുപോലെ, വ്യായാമത്തിന് ശേഷം, ശരീരം റിലാക്സ് ചെയ്യാനും ശ്രദ്ധിക്കണം.

ശരിയായ വ്യായാമരീതികൾ പിന്തുടരുന്നുവെന്ന് ഉറപ്പാക്കുക: വ്യായാമങ്ങൾ, യോഗ, ഫിറ്റ്നസ് എന്നിവ പ്രധാനമാണ്, എന്നാൽ ഏറ്റവും പ്രധാനപ്പെട്ടത് ഇതിന്റെ കൃത്യതയാണ്. വ്യായാമം കൃത്യമായി ചെയ്യുക എന്നതാണ് ഏറ്റവും പ്രധാനം. അല്ലാത്തപക്ഷം, ഇത് പരിക്കുകൾക്ക് കാരണമാവുകയും സന്ധികൾക്കും എല്ലുകൾക്കും ആയാസം വർധിപ്പിക്കുകയും ചെയ്യും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...