Apple Cider Vinegar: ആപ്പിൾ സിഡെർ വിനെ​ഗറിന്റെ അത്ഭുതപ്പെടുത്തുന്ന ​ഗുണങ്ങൾ അറിയാം

ശരീരഭാരം കുറയ്ക്കാൻ ആപ്പിൾ സിഡെർ വിനെഗർ ഒരു മികച്ച പ്രതിവിധിയാണ്. ആപ്പിൾ സിഡെർ വിനെഗർ ശരീരത്തിലെ വിഷാംശം നീക്കം ചെയ്യുന്നതിനും സഹായിക്കുന്നു. നിരവധി ആരോ​ഗ്യ ​ഗുണങ്ങളാണ് ആപ്പിൾ സിഡെർ വിനെ​ഗറിനുള്ളത്. ആരോ​ഗ്യ ​ഗുണങ്ങൾക്കൊപ്പം തന്നെ, മറ്റ് ഉപയോ​ഗങ്ങളും ആപ്പിൾ സിഡെർ വിനെഗറിനുണ്ട്. എന്താണ് ആപ്പിൾ സിഡെർ വിനെഗറിന്റെ അത്ഭുത ​ഗുണങ്ങളെന്ന് നോക്കാം.

ആപ്പിൾ സിഡെർ വിനെഗറിൽ അസറ്റിക് ആസിഡ് എന്ന ഘടകം അടങ്ങിയിട്ടുണ്ട്. യീസ്റ്റ് ചേർത്ത് ആപ്പിൾ പുളിപ്പിച്ചാണ് ഈ വിനാഗിരി തയ്യാറാക്കുന്നത്. ഇത് ആപ്പിളിലെ പഞ്ചസാരയെ അസറ്റിക് ആസിഡാക്കി മാറ്റുന്നു. അസറ്റിക് ആസിഡ് രക്തസമ്മർദ്ദം കുറയ്ക്കുന്നതിൽ ഒരു പ്രധാന പങ്ക് വഹിക്കുന്നുണ്ട്. നല്ല ഗുണമേന്മയുള്ള ഓർഗാനിക് ആപ്പിൾ സിഡെർ വിനെഗർ ഉപയോഗിക്കുന്നതാണ് നല്ലത്. ഇതിൽ ആരോ​ഗ്യത്തിന് ഗുണം ചെയ്യുന്ന ബാക്ടീരിയകളും എൻസൈമുകളും പ്രോട്ടീനുകളും അടങ്ങിയിരിക്കുന്നു.

ALSO READ: Vegan Diet: വീ​ഗൻ ഡയറ്റിലേക്ക് മാറാൻ തീരുമാനിച്ചോ? ഇക്കാര്യങ്ങൾ അറിഞ്ഞിരിക്കാം

വസ്ത്രങ്ങൾക്ക് ആപ്പിൾ സിഡെർ വിനെ​ഗർ: അലക്കുമ്പോൾ അൽപ്പം ആപ്പിൾ സിഡെർ വിനെഗർ ഉപയോ​ഗിക്കുന്നത് ദുർഗന്ധം പെട്ടെന്ന് മാറുന്നതിന് സഹായിക്കും. 

മുടിയുടെ ആരോ​ഗ്യത്തിന്: ആപ്പിൾ സിഡെർ വിനെഗറിന് ആന്റി-ഇൻഫ്ലമേറ്ററി ഗുണങ്ങളുണ്ട്. ഇത് താരൻ ഇല്ലാതാക്കും. രണ്ട് ടേബിൾസ്പൂൺ ആപ്പിൾ സിഡെർ വിനെഗർ 16 ഔൺസ് വെള്ളത്തിൽ ചേർത്ത് നിങ്ങളുടെ തലയിൽ പുരട്ടുക. അഞ്ച് മിനിറ്റിന് ശേഷം തണുത്ത വെള്ളത്തിൽ മുടിയും തലയോട്ടിയും കഴുകുക.

ഫേസ് മാസ്ക്: ഒരു ടേബിൾ സ്പൂൺ തേൻ ഒരു ടേബിൾസ്പൂൺ ആപ്പിൾ സിഡെർ വിനെ​ഗറുമായി കലർത്തുക. ഈ മാസ്ക് നിങ്ങളുടെ മുഖത്ത് പുരട്ടുക. 15-20 മിനിറ്റ് വിശ്രമിക്കാൻ അനുവദിക്കുക. ഇതിന് ശേഷം, കഴുകിക്കളയുക.

ALSO READ: Gastric Cancer: വിവിധ തരത്തിലുള്ള ആമാശയ കാൻസറുകളും ലക്ഷണങ്ങളും

ശരീരഭാരം കുറയ്ക്കാൻ: ദിവസവും രാവിലെ ആപ്പിൾ സിഡെർ വെള്ളത്തോടൊപ്പം ചേർത്ത് കഴിക്കുന്നത് ശരീരഭാരം കുറയ്ക്കാൻ സഹായിക്കും. ശരീരഭാരം കുറയ്ക്കാൻ ആപ്പിൾ സിഡെർ വിനെ​ഗർ ഫലപ്രദമാണ്.

സിങ്ക് വൃത്തിയാക്കുന്നതിന്: ഒരു ടേബിൾസ്പൂൺ ആപ്പിൾ സിഡെർ വിനെഗർ സിങ്കിലേക്ക് ഒഴിച്ചാൽ സിങ്കിൽ നിന്ന് ഉണ്ടാകുന്ന പഴയ ഭക്ഷണാവശിഷ്ടങ്ങളുടെ ദുർ​ഗന്ധം എളുപ്പത്തിൽ മാറിക്കിട്ടും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...