ഒരു മാസം, സോപ്പ് ബോക്സുകളിൽ നിന്നും പിടികൂടിയത് 46 കോടിയുടെ ഹെറോയിൻ; ആസാമിൽ മയക്കുമരുന്ന് കള്ളക്കടത്തുകാരെ പൂട്ടാൻ പോലീസ്

ഗുവാഹത്തി: 18 കോടി രൂപ വിലമതിക്കുന്ന ഹെറോയിനുമായി ആറ് പേരെ  അസം പോലീസിന്റെ സ്പെഷ്യൽ ടാസ്ക് ഫോഴ്സ് അറസ്റ്റ് ചെയ്തു. ഇതിൽ  മൂന്ന് പേർ മണിപ്പൂരിലെ ചുരചന്ദ്പൂർ സ്വദേശികളും മൂന്ന് പേർ അസം സ്വദേശികളുമാണ്. സെപ്റ്റംബർ 11 അർദ്ധരാത്രിയാണ് ഇവരെ ഗുവാഹത്തിയിൽ നിന്നും അറസ്റ്റ് ചെയ്തത്. മണിപ്പൂരിൽ നിന്ന് മിസോറാം വഴിയും അസമിലെ ബരാക് വാലി മേഖലയിലൂടെയുമാണ് മയക്കുമരുന്ന് എത്തിച്ചതെന്ന് എസ്ടിഎഫ് വൃത്തങ്ങൾ അറിയിച്ചു.  പശ്ചിമ ബംഗാളിലെവിടെയെങ്കിലും മയക്കു മരുന്ന് എത്തിക്കാനായിരുന്നു ഇവരുടെ പദ്ധതി. പോലീസിന് ലഭിച്ച വിവരത്തെ തുടർന്ന് തിരച്ചിലിലാണ് സംശയാസ്പദമായ സാഹചര്യത്തിൽ ഇവരെ കാറിൽ നിന്നും പിടികൂടിയത്

നേരത്തെ സെപ്റ്റംബർ 10-ന് ഗുവാഹത്തി സിറ്റി പോലീസ് 527 സോപ്പ് ബോക്സുകളിലായി കടത്താൻ ശ്രമിച്ച 198.2 കിലോ മയക്കുമരുന്ന് പിടികൂടിയിരുന്നു. 21 കോടി രൂപയാണ്. പിടിച്ചെടുത്ത മരുന്നുകളുടെ വിപണി മൂല്യം മണിപ്പൂരിൽ നിന്ന് മറ്റ് സംസ്ഥാനങ്ങളിലേക്ക് കടത്താൻ ശ്രമിച്ച മയക്കു മരുന്നാണ്. കള്ളക്കടത്തുകാർ മിസോറാം, അസമിലെ ബരാക് വാലി മേഖല, മേഘാലയ എന്നിവിടങ്ങൾ വഴി സഞ്ചരിച്ച് ഗുവാഹത്തിയിൽ എത്തിയതായി സിറ്റി പോലീസ് അറിയിച്ചു. 

ഓഗസ്റ്റ് 31 ന് അസം പോലീസ് ഒരു അന്തർസംസ്ഥാന മയക്കുമരുന്ന് റാക്കറ്റ് വിജയകരമായി പിടികൂടുകയും കാച്ചർ ജില്ലയിൽ നിന്ന് ഏഴ് കോടി രൂപ വിലമതിക്കുന്ന ഹെറോയിൻ പിടിച്ചെടുക്കുകയും ചെയ്തിരുന്നു.രഹസ്യ വിവരത്തിന്റെ അടിസ്ഥാനത്തിൽ കാച്ചർ പൊലീസ് നടത്തിയ റെയ്ഡിൽ ഒരു വീട്ടിൽ നിന്നും ഏഴ് കോടി രൂപ വിലമതിക്കുന്ന 7.1 കിലോഗ്രാം ഹെറോയിനാണ് പിടിച്ചെടുത്തത്. 3.7 കിലോഗ്രാം ഭാരമുള്ള 100 സോപ്പ് ബോക്സുകളിലായാണ് ഹെറോയിൻ നിറച്ചിരുന്നത്.

മണിപ്പൂരിൽ നിന്ന് അനധികൃതമായി കടത്തിയ ഹെറോയിൻ ആണെന്ന് പൊലീസ് വൃത്തങ്ങൾ അറിയിച്ചു. ഓഗസ്റ്റ് 24 ന് മണിപ്പൂരിലെ ചുരചന്ദ്പൂർ, കാങ്പോക്പി ജില്ലകളിൽ നിന്നുള്ള നാല് മയക്കുമരുന്ന് കള്ളക്കടത്തുകാർ അസമിലെ കാച്ചർ ജില്ലയിൽ നിന്ന് മയക്കുമരുന്ന് കടത്തുന്നതിനിടെ പിടിയിലായിരുന്നു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...