PM Kisan Samman Nidhi Yojana : പിഎം കിസാൻ സമ്മാൻ നിധി യോജനയുടെ 13-ാം ഗഡു ഉടൻ; അതിന് മുമ്പ് ഇക്കാര്യം കർഷകർ നിർബന്ധമായി ചെയ്തിരിക്കണം

ന്യൂ ഡൽഹി : പ്രധാനമന്ത്രി കിസാൻ സമ്മാൻ നിധി യോജനയുടെ 13 ഗഡുവിനായി കർഷകർ കാത്തിരിക്കുകയാണ്. ഒക്ടോബർ 17നാണ് കർഷകർക്ക് ദീപാവലി സമ്മാനമായി മോദി സർക്കാർ പിഎം കിസാന്റെ 12-ാം ഗഡു നൽകിയത്. ഈ പദ്ധതി പ്രകാരം വർഷത്തിൽ കർഷകന് 6,000 രൂപ 2000 വീതം മൂന്ന് ഗഡുക്കളായി കേന്ദ്ര സർക്കാർ നൽകും. സർക്കാർ നേരിട്ടാണ് കർഷകരുടെ ബാങ്കിലേക്ക് പണം നിക്ഷേപിക്കുന്നത്. 16,000 കോടി രൂപയാണ് പിഎം കിസാനിലൂടെ കേന്ദ്ര സർക്കാർ കർഷകർക്കായി നൽകിയത്. ചെറുകിട ഇടത്തരം കർഷകർക്കായിട്ടുള്ള സർക്കാരിന്റെ പദ്ധതികയാണ് പിഎം കിസാൻ സമ്മാൻ നിധി യോജന.

13-ാം ഗഡു ലഭിക്കുന്നതിന് മുമ്പ് നിർബന്ധമായി കർഷകർ തങ്ങളുടെ ഇ-കെവൈസി അപ്ഡേറ്റ് ചെയ്യേണ്ടതാണ്. ഗഡുക്കൾ ലഭിക്കുന്നതിനായി സമയസമയങ്ങളിൽ കെവൈസി അപ്ഡേറ്റ് ചെയ്യേണ്ടതാണ്. ഇല്ലെങ്കിൽ സർക്കാരിന്റെ സേവനം ലഭിക്കുന്നതിനെ ബാധിച്ചേക്കും. പിഎം കിസാന്റെ വെബ്സൈറ്റ് പ്രകാരം ഈ സ്കീമിലൂടെ പണം ലഭിക്കണമെങ്കിൽ നിർബന്ധമായും ഇ-കെവൈസി നടത്തേണ്ടതാണ്. ഇത് പിഎം കിസാന്റെ വെബ്സൈറ്റിലൂടെ സാധിക്കുന്നതാണ്.

ALSO READ : Old Pension vs National Pension Scheme : പഴയ പെൻഷൻ സ്കീമും എൻപിഎസും തമ്മിലുള്ള വ്യത്യാസമെന്ത്? ഏതാണ് കൂടുതൽ ഗുണകരം?

പിഎം കിസാൻ സമ്മാൻ നിധി യോജന: എങ്ങനെ ഇ-കെവൈസി നടത്താം?

-പിഎം കിസന്റെ ഔദ്യോഗിക വെബ്സൈറ്റിൽ പ്രവേശിക്കുക. തുടർന്ന് കർഷകരുടെ കോളത്തിൽ കിസാൻ ഇ-കെവിസി എന്ന ലിങ്കിൽ ക്ലിക്ക് ചെയ്യുക.

-തുടർന്ന് നിങ്ങളുടെ ആധാറിന്റെ നമ്പർ രേഖപ്പെടുത്തുക.

- ശേഷം തെളിഞ്ഞ് വരുന്ന ക്യാപ്ച്ചെ നൽകിയിരിക്കുന്ന കോളത്തിൽ കൃത്യമായി രേഖപ്പെടുത്തുക.

- സേർച്ച് ബട്ടണിൽ ക്സിക്ക് ചെയ്യുക. തുടർന്ന് നിങ്ങളുടെ രജിസ്റ്റേർഡ് ഫോൺ നമ്പർ നൽകുക.

- ആ നമ്പറിലേക്ക് ഒരു ഒടിപി ലഭിക്കും. അത് രേഖപ്പെടുത്തി. സബ്മിറ്റ് ഫോർ ഓഥറൈസേഷനിൽ ക്ലിക്ക് ചെയ്യുക.

സുരക്ഷ ക്രമീകരണത്തിന്റെ ഭാഗമായിട്ടാണ് കേന്ദ്ര സർക്കാർ ഇ-കെവൈസി നിർബന്ധമാക്കിയിരിക്കുന്നത്. ഇ-കെവൈസി സമർപ്പിച്ചില്ലെങ്കിൽ സ്കീമിന്റെ ഗുണഫലങ്ങൾ ലഭിക്കില്ല. ബയോമെട്രിക് സംവിധാനത്തിലൂടെ ഇ-കെവൈസി നടത്തുകയാണെങ്കിൽ 15 രൂപ ഈടാക്കുന്നതാണ്. 

2019 മുതലാണ് മോദി സർക്കാർ കർഷകരുടെ ഉന്നമനത്തിനായി പ്രധാനമന്ത്രി കിസാൻ സമ്മാൻ നിധി സ്കീം അവതരിപ്പിക്കുന്നത്. രാജ്യത്തെ നിർധരായ കർഷകരിലേക്ക് സർക്കാരിന്റെ ആനികൂല്യം നേരിട്ടെത്തിക്കുക ലക്ഷ്യത്തോടെ കേന്ദ്രം ഈ സ്കീം അവതരിപ്പിച്ചത്. പദ്ധതി പ്രകാരം കർഷകർക്ക് വർഷത്തിൽ മൂന്ന് ഇൻസ്റ്റാൽമെന്റായി 6000 രൂപയ്ക്ക് കർഷകർക്ക് നേരിട്ട് ബാങ്കിലൂടെ നൽകും. ഒരു സാമ്പത്തിക വർഷത്തിൽ ഏപ്രിൽ-ജൂലൈ, ഓഗസ്റ്റ്- നവംബർ, ഡിസംബർ മാർച്ച് മാസങ്ങളിലായിട്ടാണ് സർക്കാർ കർഷകർക്ക് ധനസഹായം നൽകുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...