Hdfc Fixed Deposit : ബൾക്ക് എഫ്ഡികളുടെ പലിശ നിരക്ക് ഉയർത്തി എച്ച്ഡിഎഫ്സി

ഇന്ത്യയിലെ ഏറ്റവും വലിയ സ്വകാര്യ മേഖല ബാങ്ക് എച്ച്‌ഡിഎഫ്‌സി തങ്ങളുടെ ബൾക്ക് ഫിക്സഡ് ഡെപ്പോസിറ്റുകളുടെ പലിശ നിരക്ക് ഉയർത്തി. 2 കോടി രൂപ മുതൽ 5 കോടി രൂപ വരെയുടെ നിക്ഷേപങ്ങൾക്കാണ് ഇത്. ബാധകം. ആർബിഐയുടെ റിപ്പോ നിരക്ക് വർദ്ധനയ്ക്ക് അനുസൃതമായാണ് ഇതിൽ മാറ്റം വരുത്തുന്നത്. നിരക്ക് ഫെബ്രുവരി 8-ന് 25 ബേസിസ് പോയിൻറ് വർധിപ്പിച്ച് 6.50 ശതമാനമാക്കി. ഫെബ്രുവരി 17 മുതൽ ഇത് പ്രാബല്യത്തിൽ വന്നിട്ടുണ്ട്.

7 ദിവസം മുതൽ 10 വർഷം വരെയുള്ള നിക്ഷേപങ്ങളുടെ പലിശ നിരക്ക് സാധാരണക്കാർക്ക് 4.75% മുതൽ 7.00% വരെയും മുതിർന്ന പൗരന്മാർക്ക് 5.25% മുതൽ 7.75% വരെയുമാണ് ബാങ്ക് വാഗ്ദാനം ചെയ്യുന്നത്. നിലവിൽ 46 മുതൽ 60 ദിവസം വരെയുള്ള നിക്ഷേപങ്ങൾക്ക് 5.75% പലിശയും 61 മുതൽ 89 ദിവസത്തേക്കുള്ള നിക്ഷേപങ്ങൾക്ക് 6.00% പലിശയും ബാങ്ക് വാഗ്ദാനം ചെയ്യുന്നു.

90 ദിവസം മുതൽ 6 മാസം വരെയുള്ള ഫിക്സഡ് ഡിപ്പോസിറ്റുകൾക്ക് ഇപ്പോൾ 6.50% പലിശ ലഭിക്കും, അതേസമയം 6 മാസം മുതൽ 1 ദിവസം മുതൽ 9 മാസം വരെ കാലാവധിയുള്ളവയ്ക്ക് ഇപ്പോൾ 6.65% പലിശയും  9 മാസം 1 ദിവസം മുതൽ 1 വർഷം വരെ കാലാവധിയുള്ള ബൾക്ക് സ്ഥിര നിക്ഷേപങ്ങൾക്ക്, ബാങ്ക് 6.75% പലിശ നിരക്കും വാഗ്ദാനം ചെയ്യുന്നു, 1 വർഷം മുതൽ 15 മാസം വരെ കാലാവധിക്ക് ഇപ്പോൾ 7.00% പലിശ നിരക്കാണ് നൽകുന്നത്.

15 മാസം മുതൽ 2 വർഷം വരെയുള്ള നിക്ഷേപ കാലയളവിന് 7.15% പലിശ നിരക്കും 2 വർഷം 1 ദിവസം മുതൽ 10 വർഷം വരെയുള്ള നിക്ഷേപ കാലയളവിന് 7.00% പലിശ നിരക്കും നൽകുമെന്ന് എച്ച്ഡിഎഫ്‌സി ബാങ്ക് അറിയിച്ചു.ബാങ്ക് വെബ്‌സൈറ്റ് അനുസരിച്ച്, മുതിർന്ന പൗരന്മാർക്ക് 7 ദിവസം മുതൽ 5 വർഷം വരെ കാലാവധിയുള്ള എച്ച്‌ഡിഎഫ്‌സി ബാങ്കിന്റെ ബൾക്ക് ഫിക്‌സഡ് ഡിപ്പോസിറ്റുകളുടെ പതിവ് നിരക്കുകളേക്കാൾ 0.50% അധിക പലിശ നിരക്ക് ലഭിക്കും. കൂടാതെ 60 വയസ്സിൽ കുറയാത്ത ഇന്ത്യൻ താമസക്കാരായ മുതിർന്ന പൗരന്മാർക്കും വിരമിച്ച ജീവനക്കാർക്കും അധിക പലിശ നിരക്ക് ആനുകൂല്യങ്ങൾക്ക് അർഹതയുണ്ട്.

 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...