PUBG New State: ಕೇವಲ ಒಂದೇ ವಾರದಲ್ಲಿ ಸೃಷ್ಟಿಸಿದೆ ಈ ದಾಖಲೆ

ದೆಹಲಿ: ಭಾರತದಲ್ಲಿ PUBG ಆಟವನ್ನು ನಿಷೇಧಿಸಿದ ನಂತರ ನಿರಾಶೆಗೊಂಡಿರುವವರಿಗೆ ಶೀಘ್ರದಲ್ಲೇ ಒಳ್ಳೆಯ ಸುದ್ದಿ ಸಿಗಲಿದೆ. ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ PUBG ನ್ಯೂ ಸ್ಟೇಟ್ ಪೂರ್ವ-ನೋಂದಣಿ ಪ್ರಾರಂಭವಾಗಿದೆ, ಇದರ ಜನಪ್ರಿಯತೆ ಬಹಳ ವೇಗವಾಗಿ ಹೆಚ್ಚುತ್ತಿದೆ. ದಾಖಲೆಯ ಯಶಸ್ಸಿನಿಂದಾಗಿ, ಈ ಆಟವು ಪ್ರಾರಂಭವಾಗುವ ಮೊದಲು ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಮುಖ್ಯಾಂಶಗಳನ್ನು ಪಡೆಯುತ್ತಿದೆ.

7 ದಿನಗಳಲ್ಲಿ 50 ಲಕ್ಷಕ್ಕೂ ಹೆಚ್ಚು ನೋಂದಣಿ

ಕಳೆದ ತಿಂಗಳು ಫೆಬ್ರವರಿ 25 ರಂದು ಕ್ರಾಫ್ಟನ್ ಕಂಪನಿಯು ಪೂರ್ವ-ನೋಂದಣಿಗಾಗಿ PUBG ನ್ಯೂ ಸ್ಟೇಟ್ ಆಟವನ್ನು ಗೂಗಲ್ ಪ್ಲೇ ಸ್ಟೋರ್ ಮತ್ತು ಐಒಎಸ್ ಸ್ಟೋರ್‌ನಲ್ಲಿ ಬಿಡುಗಡೆ ಮಾಡಿತ್ತು. ಕೇವಲ 7 ದಿನಗಳಲ್ಲಿ, ಈ ವಿಡಿಯೋ ಗೇಮ್‌ಗೆ ಪ್ರಪಂಚದಾದ್ಯಂತ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ. ಒಂದು ವಾರದಲ್ಲಿ 50 ಲಕ್ಷಕ್ಕೂ ಹೆಚ್ಚು ಜನರು ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ (Google Play Store) ನೋಂದಾಯಿಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಇದನ್ನೂ ಓದಿ - PUBG Mobile: ಭಾರತದಲ್ಲಿ New State Game ಯಾವಾಗ ಪ್ರಾರಂಭವಾಗಲಿದೆ?

PUBG ನ್ಯೂ ಸ್ಟೇಟ್ ಧಮಾಲ್ :
ನ್ಯೂ ಸ್ಟೇಟ್ ಆಟದ ಜನಪ್ರಿಯತೆ ಬಹಳ ವೇಗವಾಗಿ ಹೆಚ್ಚುತ್ತಿದೆ. ಇದರ ಹಿಂದಿನ ಒಂದು ಕಾರಣವೆಂದರೆ ಇದನ್ನು PUBG ಆಟದಂತೆ ವಿನ್ಯಾಸಗೊಳಿಸಲಾಗಿದೆ. ಕೆಲವು ಜನರು ಇದಕ್ಕೆ PUBG ಮೊಬೈಲ್ 2 (PUBG Mobile 2) ಎಂಬ ಹೆಸರನ್ನು ಸಹ ನೀಡುತ್ತಿದ್ದಾರೆ. PUBG ನ್ಯೂ ಸ್ಟೇಟ್ ಬಳಕೆದಾರರಲ್ಲಿ ಕ್ರೇಜ್ ಕಾಣಿಸಿಕೊಳ್ಳುವ ರೀತಿ, ಶೀಘ್ರದಲ್ಲೇ PUBG ನ್ಯೂ ಸ್ಟೇಟ್ ಮುಂಚೂಣಿಯಲ್ಲಿದೆ ಎಂದು ತೋರುತ್ತದೆ.

ಇದನ್ನೂ ಓದಿ - PUB-G New State Launched: ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ PUB-G New State ಡೌನ್‌ಲೋಡ್ ಮಾಡುವುದು ಹೇಗೆ? ಇಲ್ಲಿದೆ ವಿವರ

ಭಾರತದಲ್ಲಿ  ಸಹ PUBG ನ್ಯೂ ಸ್ಟೇಟ್ : 
ಇತ್ತೀಚೆಗೆ, PUBG ನ್ಯೂ ಸ್ಟೇಟ್ ಆಟದ ಹಿಂದಿ ಆಡಿಯೊ ಕೋಡ್ ಫೈಲ್ ಅನ್ನು ಅಧಿಕೃತ ವೆಬ್‌ಸೈಟ್‌ನಲ್ಲಿ ನೋಡಲಾಗಿದೆ, ಇದು ಶೀಘ್ರದಲ್ಲೇ ಭಾರತದಲ್ಲಿ ಬಿಡುಗಡೆಗೊಳ್ಳಬಹುದು ಎಂದು ನಿರೀಕ್ಷಿಸಲಾಗಿದೆ. ಪ್ರಸ್ತುತ ಕ್ರಾಫ್ಟನ್ ಕಂಪನಿ ಭಾರತ, ಚೀನಾ ಮತ್ತು ವಿಯೆಟ್ನಾಂ ಹೊರತುಪಡಿಸಿ ಇತರ ದೇಶಗಳಿಗೆ ನ್ಯೂ ಸ್ಟೇಟ್ ಆಟಕ್ಕೆ ನೋಂದಣಿಯನ್ನು ತೆರೆಯಿತು. ಇತ್ತೀಚೆಗೆ ಹೊರಬಂದ ವರದಿಯ ಪ್ರಕಾರ, ಕ್ರಾಫ್ಟನ್ /PUBG ಮೊಬೈಲ್ ಕಾರ್ಪ್ ಪ್ರಸ್ತುತ ಭಾರತ ಸರ್ಕಾರ ಮತ್ತು ಎಂಇಟಿಟಿ ಅಧಿಕಾರಿಗಳೊಂದಿಗೆ ಪಬ್ಜಿ ಮೊಬೈಲ್ ಇಂಡಿಯಾವನ್ನು ಮರುಪ್ರಾರಂಭಿಸಲು ಮಾತನಾಡುತ್ತಿದೆ. ಭಾರತ ಸರ್ಕಾರದಿಂದ ಅನುಮೋದನೆ ಪಡೆದ ನಂತರ ಇದನ್ನು ಭಾರತದಲ್ಲಿ ಬಿಡುಗಡೆ ಮಾಡಲಾಗುವುದು. ಕಳೆದ ವರ್ಷ ನವೆಂಬರ್‌ನಲ್ಲಿ, PUBG ಮೊಬೈಲ್ ಇಂಡಿಯಾವನ್ನು ಭಾರತದಲ್ಲಿ ಮರುಪ್ರಾರಂಭಿಸುವುದಾಗಿ ಘೋಷಿಸಲಾಯಿತು, ಅದರ ನಂತರ ಬಳಕೆದಾರರಲ್ಲಿ ಭಾರತದಲ್ಲಿ ಈ ಆಟದ ಲಾಂಚ್ ಬಗ್ಗೆ ಸಾಕಷ್ಟು ಕುತೂಹಲವಿದೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe 
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.