Vivo ಜೊತೆ ಅಗ್ಗದ 4G ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಿದ Jio, ಪಡೆಯಿರಿ 4500 ರೂ. ಲಾಭ

ನವದೆಹಲಿ: ಗ್ರಾಹಕರನ್ನು ಸೆಳೆಯಲು ರಿಲಯನ್ಸ್ ಜಿಯೋ ಆಗಾಗ್ಗೆ ಹೊಸ ಹೊಸ ಕೊಡುಗೆಗಳನ್ನು ಪರಿಚಯಿಸುತ್ತಿರುತ್ತದೆ. ಕಂಪನಿಯು ಈಗ ಮೊಬೈಲ್ ತಯಾರಕ ವಿವೊ ಜೊತೆ ಕೈಜೋಡಿಸುವ ಮೂಲಕ ಅಗ್ಗದ 4G ಸ್ಮಾರ್ಟ್‌ಫೋನ್ ಅನ್ನು ಪರಿಚಯಿಸಿದೆ. ಇದಲ್ಲದೆ ಗ್ರಾಹಕರು ಈ ಹೊಸ ಸ್ಮಾರ್ಟ್‌ಫೋನ್ ಖರೀದಿಸುವಾಗ 4500 ರೂ.ಗಳ ಹೆಚ್ಚುವರಿ ಪ್ರಯೋಜನಗಳನ್ನು ಸಹ ಪಡೆಯುತ್ತಾರೆ.

ಜಿಯೋ ಪರಿಚಯಿಸಿರುವ 4G ಸ್ಮಾರ್ಟ್‌ಫೋನ್ ಬೆಲೆ ತಿಳಿಯಿರಿ:

ಟೆಕ್ ಸೈಟ್ 91mobile ಪ್ರಕಾರ, ರಿಲಯನ್ಸ್ ಜಿಯೋ ಇತ್ತೀಚೆಗೆ ಈ ಹೊಸ ಕೊಡುಗೆಯನ್ನು ಬಿಡುಗಡೆ ಮಾಡಿದೆ. ಇದರ ಅಡಿಯಲ್ಲಿ ನೀವು ಕೇವಲ 7999 ರೂ.ಗಳಿಗೆ ಹೊಸ ವಿವೋ ವೈ 1 ಎಸ್ (Vivo Y1S) ಸ್ಮಾರ್ಟ್‌ಫೋನ್ ಪಡೆಯುತ್ತೀರಿ. ಈ ಹ್ಯಾಂಡ್‌ಸೆಟ್ 4G ತಂತ್ರಜ್ಞಾನವನ್ನು ಹೊಂದಿರುವ ಅಗ್ಗದ ಸ್ಮಾರ್ಟ್‌ಫೋನ್ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: Jio Offers: 100 ರೂ.ಗಿಂತ ಕಡಿಮೆ ಬೆಲೆಯಲ್ಲಿ ಸಿಗುತ್ತಿದೆ ಈ ಎಲ್ಲಾ ಸೌಲಭ್ಯ

4500 ರೂ.ಗಳ ಹೆಚ್ಚುವರಿ ಪ್ರಯೋಜನ:
ಲಭ್ಯವಾಗಿರುವ ಮಾಹಿತಿಯ ಪ್ರಕಾರ, ರಿಲಯನ್ಸ್ ಜಿಯೋ (Reliance Jio) ಈ ಹೊಸ ಹ್ಯಾಂಡ್‌ಸೆಟ್ ಖರೀದಿಗೆ 4500 ರೂ.ಗಳ ಪ್ರತ್ಯೇಕ ಲಾಭವನ್ನು ನೀಡುತ್ತಿದೆ. ಹೊಸ ಸ್ಮಾರ್ಟ್‌ಫೋನ್ ಖರೀದಿಸಿದ ನಂತರ ಗ್ರಾಹಕರು 90 ದಿನಗಳವರೆಗೆ 99 ರೂ.ಗಳಿಗೆ ಶೆಮರೂ ಒಟಿಟಿ (Shemaroo OTT) ಚಂದಾದಾರಿಕೆಯನ್ನು ಪಡೆಯುತ್ತಾರೆ. ಅಲ್ಲದೆ ಕಂಪನಿಯು ಕೇವಲ 149 ರೂ.ಗಳಿಗೆ ಒನ್ ಟೈಮ್ ಸ್ಕ್ರೀನ್ ರಿಪ್ಲೇಸ್ಮೆಂಟ್ ಗ್ಯಾರಂಟಿಯನ್ನು ಸಹ ನೀಡುತ್ತಿದೆ. ಹೆಚ್ಚುವರಿ ಲಾಭಕ್ಕಾಗಿ ಜಿಯೋ ಗ್ರಾಹಕರು 249 ರೂಪಾಯಿಗೆ ರೀಚಾರ್ಜ್ ಮಾಡಬೇಕಾಗುತ್ತದೆ.

ವಿವೋ ವೈ 1 ಎಸ್ ವೈಶಿಷ್ಟ್ಯಗಳು (Vivo Y1s features)
Vivo Y1s ಸ್ಮಾರ್ಟ್‌ಫೋನ್ (Smartphone) 720 x 1520 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಹೊಂದಿರುವ 6.22 ಇಂಚಿನ ಎಚ್‌ಡಿ + ಫುಲ್‌ವ್ಯೂ ಎಲ್ಸಿಡಿ ಡಿಸ್ಪ್ಲೇಯನ್ನು ಬೆಂಬಲಿಸುತ್ತದೆ. ವಿವೋ ವೈ 1 ಎಸ್ (Vivo Y1s) ಅನ್ನು ಆಂಡ್ರಾಯ್ಡ್ 10 ನಲ್ಲಿ ಪರಿಚಯಿಸಲಾಗಿದೆ. ಇದು ಫಂಟೌಚ್ ಓಎಸ್ 10.5 ನೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಅಂತೆಯೇ ಈ ಫೋನ್‌ನಲ್ಲಿ ಸಂಸ್ಕರಣೆಗಾಗಿ ಮೀಡಿಯಾಟೆಕ್‌ನ ಹೆಲಿಯೊ ಪಿ 35 ಚಿಪ್‌ಸೆಟ್ ಇರುತ್ತದೆ.

ಇದನ್ನೂ ಓದಿ: Free Calling ಹಾಗೂ Free Data ಸೇವೆ ಸ್ಥಗಿತಗೊಳ್ಳಲಿದೆಯೇ? ಈ ವರದಿ ತಪ್ಪದೆ ಓದಿ

ಭಾರತೀಯ ಮಾರುಕಟ್ಟೆಯಲ್ಲಿ ಈ ಫೋನ್ 2 ಜಿಬಿ ರಾಮ್ ಮೆಮೊರಿಯಲ್ಲಿ ಬಿಡುಗಡೆಯಾಗಿದ್ದು, ಇದು 32 ಜಿಬಿ ಆಂತರಿಕ ಸಂಗ್ರಹಣೆಯನ್ನು ಬೆಂಬಲಿಸುತ್ತದೆ. ಮೈಕ್ರೊ ಎಸ್ಡಿ ಕಾರ್ಡ್ ಮೂಲಕವೂ ಫೋನ್‌ನ ಮೆಮೊರಿಯನ್ನು ಹೆಚ್ಚಿಸಬಹುದು. ವಿವೊ ವೈ 1 ಎಸ್ ಡ್ಯುಯಲ್ ಸಿಮ್ ಫೋನ್ ಆಗಿದ್ದು ಅದು 4 ಜಿ ವೋಲ್ಟಿಇ ಅನ್ನು ಬೆಂಬಲಿಸುತ್ತದೆ. ಈ ಫೋನ್‌ನ ಆಯಾಮಗಳು 135.11 x 75.09 x 8.28 mm ಮತ್ತು 161 ಗ್ರಾಂ ತೂಕವಿರುತ್ತದೆ.