ಡಿಯೊ 125 ಬಿಡುಗಡೆ ಮಾಡಿದ ಹೋಂಡಾ ! ಅಗ್ಗದ ಬೆಲೆಗೆ ಸೂಪರ್ ವೈಶಿಷ್ಟ್ಯ ಹೊಂದಿರುವ ಸ್ಕೂಟರ್ ಇದು

Honda Dio 125 Price & Features : ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ ಡಿಯೊ 125 ಅನ್ನು ಬಿಡುಗಡೆ ಮಾಡುವ ಮೂಲಕ ತನ್ನ ಸ್ಕೂಟರ್ ಪೋರ್ಟ್‌ಫೋಲಿಯೊವನ್ನು ವಿಸ್ತರಿಸಿದೆ. ಇದು ಆಕ್ಟಿವಾ 125 ಮತ್ತು ಗ್ರಾಜಿಯಾ ನಂತರ ಭಾರತದಲ್ಲಿ ಹೋಂಡಾದ ಮೂರನೇ 125cc ಸ್ಕೂಟರ್ ಆಗಿದೆ. ಇದಕ್ಕಾಗಿ ಬುಕ್ಕಿಂಗ್ ಕೂಡಾ ಆರಂಭವಾಗಿದೆ. ಶೀಘ್ರದಲ್ಲೇ ವಿತರಣೆ ಪ್ರಾರಂಭವಾಗುವ ಸಾಧ್ಯತೆಯಿದೆ. ಮಾರುಕಟ್ಟೆಯಲ್ಲಿ, ಡಿಯೋ 125 ಹೀರೋ ಮೆಸ್ಟ್ರೋ ಎಡ್ಜ್ 125, ಟಿವಿಎಸ್ ಎನ್‌ಟಾರ್ಕ್ 125, ಯಮಹಾ ರೇಜರ್ ಮತ್ತು ಸುಜುಕಿ ಅವೆನ್ಸಿಸ್ ಇತ್ಯಾದಿಗಳೊಂದಿಗೆ ಸ್ಪರ್ಧಿಸುತ್ತದೆ. 

ಹೋಂಡಾ ಡಿಯೋ 125 ರೂಪಾಂತರಗಳು, ಬೆಲೆ ಮತ್ತು ಎಂಜಿನ್ : 
ಹೊಸ ಹೋಂಡಾ ಡಿಯೋ 125 ಅನ್ನು  ಸ್ಟ್ಯಾಂಡರ್ಡ್ ಮತ್ತು ಸ್ಮಾರ್ಟ್ ಎನ್ನುವ ಎರಡು ರೂಪಾಂತರಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಇವುಗಳ ಬೆಲೆ ಕ್ರಮವಾಗಿ  83,400 ರೂ. ಮತ್ತು  91,300 ರೂ. ಆಗಿದೆ. ಹೊಸ ಹೋಂಡಾ ಡಿಯೊ 125 123.97cc, ಸಿಂಗಲ್-ಸಿಲಿಂಡರ್, ಏರ್-ಕೂಲ್ಡ್, ಫ್ಯೂಯಲ್ ಇಂಜೆಕ್ಟೆಡ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು 8.19 bhp ಮತ್ತು 10.4 Nm ಅನ್ನು ಜನರೇಟ್ ಮಾಡುತ್ತದೆ. ಇದನ್ನು CVT ಯೊಂದಿಗೆ ಜೋಡಿಸಲಾಗಿದೆ. 

ಇದನ್ನೂ ಓದಿ : Smart Toilet: ಈ ಟಾಯ್ಲೆಟ್ ನಲ್ಲಿ ಯೂರಿನ್ ಟೆಸ್ಟ್ ಆಗುವುದಲ್ಲದೆ, ರೋಗಗಳ ಪತ್ತೆಯೂ ಸಾಧ್ಯವಾಗುತ್ತದೆಯಂತೆ

ಹೋಂಡಾ ಡಿಯೊ 125 ನ ವೈಶಿಷ್ಟ್ಯಗಳು : 
ಹೆಚ್ಚುವರಿಯಾಗಿ, ಇದರಲ್ಲಿ ಸ್ಪೋರ್ಟಿ ಎಕ್ಸಾಸ್ಟ್ ನೋಟ್‌ಗಾಗಿ ಡ್ಯುಯಲ್ ಔಟ್‌ಲೆಟ್ ಮಫ್ಲರ್ ಅನ್ನು ನೀಡಲಾಗಿದೆ. ಡಿಯೊ 125 ಆಲ್-ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಹೋಂಡಾದ ಎಚ್-ಸ್ಮಾರ್ಟ್ ಕೀ, ಅಲಾಯ್  ವ್ಹೀಲ್ ನೊಂದಿಗೆ ಮುಂಭಾಗದ ಡಿಸ್ಕ್ ಬ್ರೇಕ್, 18-ಲೀಟರ್ ಅಂಡರ್-ಸೀಟ್ ಸ್ಟೋರೇಜ್ ಸ್ಥಳದಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ.

ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ ಹೇಳಿಕೆ : 
ಸ್ಕೂಟರ್ ಬಿಡುಗಡೆ ಕುರಿತು ಮಾತನಾಡಿದ ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾದ ಅಧ್ಯಕ್ಷ ಮತ್ತು ಸಿಇಒ ಟ್ಸುಟ್ಸುಮು ಒಟಾನಿ, ಹೋಂಡಾ ಡಿಯೊ 125 ಅನ್ನು ಯುವ ಭಾರತೀಯರ ಆಕಾಂಕ್ಷೆಗಳನ್ನು ಪೂರೈಸಲು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ ಎಂದು ಹೇಳಿದ್ದಾರೆ. 

ಇದನ್ನೂ ಓದಿ : BSNL ಗ್ರಾಹಕರಿಗೊಂದು ಬ್ಯಾಡ್ ನ್ಯೂಸ್ !

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/38l6m8543Vk?feature=share
Instagram Link -  https://bit.ly/3LyfY2l 
Sharechat Link - https://bit.ly/3LCjokI ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.