Pigeon Feather: ಪಾರಿವಾಳ ಗರಿಗಳಿಂದ ಹರಿದು ಬರುತ್ತೆ ಹಣದ ಸುರಿಮಳೆ!

ಪಾರಿವಾಳದ ಗರಿಗಳು ಮನೆಯಲ್ಲಿ ಹಣದ ಹೊಳೆಯನ್ನು ಹರಿಸಬಹುದು. ಕೇಳುವುದಕ್ಕೆ ವಿಚಿತ್ರವೆನಿಸಿದರೂ ಇದು ಸತ್ಯ. ಜ್ಯೋತಿಷ್ಯದಲ್ಲಿ ಪಾರಿವಾಳದ ಗರಿಗಳಿಗೆ ಸಂಬಂಧಿಸಿದ ಪ್ರಬಲ ಮಾಹಿತಿಯನ್ನು ನೀಡಲಾಗಿದೆ. ಪಾರಿವಾಳದ ಗರಿಗಳು ಬಹಳಷ್ಟು ಹಣವನ್ನು ತರುತ್ತದೆ. ಹಿಂದೂ ಧರ್ಮಗ್ರಂಥಗಳು ಮತ್ತು ಜ್ಯೋತಿಷ್ಯದಲ್ಲಿ ಕೆಲವು ಪ್ರಾಣಿ-ಪಕ್ಷಿಗಳನ್ನು ಬಹಳ ಮಂಗಳಕರವೆಂದು ಪರಿಗಣಿಸಲಾಗಿದೆ. ಅವುಗಳು ಮನೆಗೆ ಬರುವುದು ಅಥವಾ ಅವುಗಳಿಂದ ಕಂಡುಬರುವ ಯಾವುದೇ ಚಿಹ್ನೆಗಳಾದರೂ ಸರಿ ಅದನ್ನು ಮಂಗಳಕರ ಘಟನೆಯ ಅಂಶವಾಗುತ್ತದೆ ಎಂದು ಹೇಳಲಾಗುತ್ತದೆ. ಇಂದು ನಾವು ಪಾರಿವಾಳಗಳಿಗೆ ಸಂಬಂಧಿಸಿದ ಅಂತಹ ಚಿಹ್ನೆಗಳು ಮತ್ತು ಪರಿಹಾರಗಳ ಬಗ್ಗೆ ಮಾತನಾಡಲಿದ್ದೇವೆ.

ಇದನ್ನೂ ಓದಿ: ಇಲ್ಲಿ ಪೆಟ್ರೋಲ್ ಗಿಂತ ದುಬಾರಿಯಾಯಿತು ಸಿಎನ್‌ಜಿ

ಮನೆಗೆ ಪಾರಿವಾಳ ಬಂದರೆ ಶುಭ: 
ಮನೆಗೆ ಪಾರಿವಾಳ ಬಂದರೆ ಅದನ್ನು ತುಂಬಾ ಒಳ್ಳೆಯದು ಎಂದು ಪರಿಗಣಿಸಲಾಗುತ್ತದೆ. ಮನೆಗೆ ಪಾರಿವಾಳದ ಆಗಮನವು ಕೆಲವು ಒಳ್ಳೆಯ ಸುದ್ದಿಗಳನ್ನು ಪಡೆಯುವ ಪೂರ್ವಭಾವಿ ಸೂಚನೆ ಎನ್ನಲಾಗುತ್ತದೆ. ಇದಲ್ಲದೆ, ಪಾರಿವಾಳದ ಗರಿಯನ್ನು ಸಹ ಬಹಳ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಇದನ್ನು ಸಮೃದ್ಧಿಯ ಸಂಕೇತವೆಂದು ಹೇಳಲಾಗುತ್ತದೆ. ಪಾರಿವಾಳದ ಗರಿಗಳಿಗೆ ಸಂಬಂಧಿಸಿದ ಕೆಲವು ಕ್ರಮಗಳು ಹಣದ ಮಳೆಯನ್ನು ಸುರಿಸಬಹುದು ಎಂದು ಹೇಳಲಾಗುತ್ತದೆ. ಪಾರಿವಾಳವು ಮನೆಯಲ್ಲಿ ಮೊಟ್ಟೆಯಿಟ್ಟರೆ, ಅದು ಮುಂಬರುವ ಒಳ್ಳೆಯ ದಿನಗಳ ಸಂಕೇತವಾಗಿರುತ್ತದೆ.

ಹಣವನ್ನು ಪಡೆಯಲು ಪಾರಿವಾಳದ ಗರಿಗಳಿಗೆ ಪರಿಹಾರಗಳು:
ನಿಮ್ಮ ಮನೆಯಲ್ಲಿ ಪಾರಿವಾಳ ತನ್ನ ಗರಿಗಳನ್ನು ತಾನಾಗಿಯೇ ಬಿಟ್ಟರೆ ಅದು ತುಂಬಾ ಶುಭ. ಅದನ್ನು ಬಿಳಿ ಅಥವಾ ಕೆಂಪು ಬಟ್ಟೆಯಲ್ಲಿ ಕಟ್ಟಿಕೊಳ್ಳಿ. ನಂತರ, ಲಕ್ಷ್ಮಿ ದೇವಿಯನ್ನು ಮನಸ್ಸಿನಲ್ಲಿ ಧ್ಯಾನಿಸುತ್ತಾ, ಅದರ ಮೇಲೆ ಕೆಂಪು ದಾರವನ್ನು ಸುತ್ತಿ ಮತ್ತು ಹಣವಿಡುವ ಸ್ಥಳದಲ್ಲಿ ಇರಿಸಿ. ಹೊರಗಿನವರಿಗೆ ಕಾಣಿಸದಂತೆ ನೋಡಿಕೊಳ್ಳಿ. ಹೀಗೆ ಮಾಡುವುದರಿಂದ ನಿಮಗೆ ಹಣದ ಕೊರತೆ ಆಗುವುದಿಲ್ಲ.

ಇದನ್ನೂ ಓದಿ: ಸೌದಿ ಬಳಿಕ ಈ ದೇಶದಲ್ಲೂ ಪತ್ತೆಯಾಯ್ತು 4500 ವರ್ಷಗಳಷ್ಟು ಹಳೆಯದಾದ ಪ್ರಾಚೀನ ದೇವಾಲಯ!

ನೀವು ಸಾಲದ ಹೊರೆಯಿಂದ ತೊಂದರೆಗೀಡಾಗಿದ್ದರೆ ಪಾರಿವಾಳದ 3 ರೆಕ್ಕೆಗಳನ್ನು ತೆಗೆದುಕೊಳ್ಳಿ. ಅವುಗಳನ್ನು ಮನೆಯ ವಿವಿಧ ಭಾಗಗಳಲ್ಲಿ ಇರಿಸಿ. ಇದರಿಂದ ಪರಿಹಾರ ಸಿಗಲಿದೆ. ಉದಾಹರಣೆಗೆ, ಒಂದು ರೆಕ್ಕೆಯನ್ನು ಲಿವಿಂಗ್ ರೂಮಿನಲ್ಲಿ ಇರಿಸಿ, ಇನ್ನೊಂದು ಅಡುಗೆ ಮನೆಯ ಉತ್ತರ ಭಾಗದಲ್ಲಿ ಮತ್ತು ಮೂರನೆಯದನ್ನು ಮಲಗುವ ಕೋಣೆಯ ಪೂರ್ವ ಮೂಲೆಯಲ್ಲಿ ಇರಿಸಿ. ಈ ಕಾರಣದಿಂದಾಗಿ, ಮನೆಯಲ್ಲಿ ಸಂತೋಷ, ಶಾಂತಿ ಮತ್ತು ಸಮೃದ್ಧಿ ಉಂಟಾಗುತ್ತದೆ. 

(ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ಊಹೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಅದನ್ನು ಖಚಿತಪಡಿಸುವುದಿಲ್ಲ.)

 

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.