Jio, Airtel, Vi: ಸದ್ಯ ಕೋಟ್ಯಾಂತರ ಬಳಕೆದಾರರ ನೆಚ್ಚಿನ ಟೆಲಿಕಾಂ ಪ್ಯಾಕೇಜ್‌ಗಳಾದ ಅನ್ಲಿಮಿಟೆಡ್ ಕಾಲ್, ದೈನಂದಿನ ಡೇಟಾ ಯ...
)
ಅನ್ಲಿಮಿಟೆಡ್ ಕರೆ ಸೌಲಭ್ಯದ ಮೂಲಕ ದೇಶದಲ್ಲಿ ಟೆಲಿಕಾಂ ಕ್ರಾಂತಿಯನ್ನೇ ಸೃಷ್ಟಿಸಿದ್ದ ರಿಲಯನ್ಸ್ ಜಿಯೋ ಶೀಘ್ರದಲ್ಲೇ ಈ ಪ್ಲಾನ್ಸ್ ನಿಲ್ಲಿಸಲಿದೆಯೇ? ಏರ್ಟೆಲ್, ವೋಡಾಫೋನ್-ಐಡಿಯಾ ಕೂಡ ಇದಕ್ಕೆ ಸಾಥ್ ನೀಡುತ್ತವೆಯೇ? ಇತ್ತೀಚೆಗೆ ಇಂತಹದೊಂದು ಊಹಾಪೋಹ ಎಲ್ಲೆಡೆ ಹರಿದಾಡುತ್ತಿದೆ.
)
ವಾಸ್ತವವಾಗಿ, ದೇಶದ ಪ್ರಸಿದ್ದ ಟೆಲಿಕಾಂ ಕಂಪನಿಗಳಾದ ರಿಲಯನ್ಸ್ ಜಿಯೋ, ಏರ್ಟೆಲ್, ವೋಡಾಫೋನ್-ಐಡಿಯಾ ಇತ್ತೀಚೆಗಷ್ಟೇ ತಮ್ಮ ಅನಿಯಮಿತ ಡೇಟಾ ಮತ್ತು ಕರೆ ಯೋಜನೆಗಳಲ್ಲಿನ ಸಂಭವನೀಯ ಬದಲಾವಣೆ ಬಗ್ಗೆ ಭಾರತೀಯ ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಗೆ ಪ್ರತಿಕ್ರಿಯಿಸಿವೆ.
)
ಪ್ರಿಪೇಯ್ಡ್ ಪ್ಲಾನ್ಸ್ ಗಳ ಸಂಭವನೀಯ ಬದಲಾವಣೆ ಬಗ್ಗೆ ಟ್ರಾಯ್ ಗೆ ಪ್ರತಿಕ್ರಿಯಿಸಿರುವ ಜಿಯೋ, ಏರ್ಟೆಲ್, ವೋಡಾಫೋನ್-ಐಡಿಯಾ ಕಂಪನಿಗಳು ತಮ್ಮ ರೀಚಾರ್ಜ್ ಯೋಜನೆಗಳ ಪ್ರಸ್ತುತ ರಚನೆಯನ್ನು ಸಮರ್ಥಿಸಿಕೊಂಡಿವೆ.
)
ಈ ಕುರಿತಂತೆ ಟ್ರಾಯ್'ಗೆ ಪ್ರತಿಕ್ರಿಯಿಸಿರುವ ಏರ್ಟೆಲ್ ಕಂಪನಿ ಪ್ರಸ್ತುತ ಅಸ್ತಿತ್ವದಲ್ಲಿರುವ ಪ್ಲಾನ್ಗಳು ಯಾವುದೇ ಗುಪ್ತ ಶುಲ್ಕಗಳಿಲ್ಲದೆ ಧ್ವನಿ, ಡೇಟಾ ಮತ್ತು ಎಸ್‌ಎಮ್‌ಎಸ್ ಸೇವೆಗಳನ್ನು ಒದಗಿಸುತ್ತವೆ. ಇವು ಸರಳ ಮತ್ತು ಬಳಕೆದಾರ ಸ್ನೇಹಿ ಪ್ಲಾನ್ಗಳು ಎಂದು ತಿಳಿಸಿದೆ.
)
ಪ್ರಸ್ತುತ ಪ್ರಿಪೇಯ್ಡ್ ಪ್ಲಾನ್ಗಳ ಕುರಿತಂತೆ ರಿಲಯನ್ಸ್ ಜಿಯೋ ಸಮೀಕ್ಷೆ ನಡೆಸಿದ್ದು ಇದರಲ್ಲಿ 91% ಚಂದಾದಾರರು ಇವು ಅತ್ಯಂತ ಕೈಗೆಟುಕುವ ಪ್ಲಾನ್ಗಳು ಎಂದು ಭಾವಿಸಿರುವುದಾಗಿ ಉಲ್ಲೇಖಿಸಿದೆ.
)
ಕೇವಲ ಅನ್ಲಿಮಿಟೆಡ್ ಕರೆಗಳು ಮಾತ್ರವಲ್ಲದೆ ಈ ತಂತ್ರಜ್ಞಾನ ಯುಗದಲ್ಲಿ ಡೇಟಾ ಸೇವೆಗಳು ಕೂಡ ಬಹು ಮುಖ್ಯ. ಇದಕ್ಕೆ ಪ್ರಿಪೇಯ್ಡ್ ಪ್ಲಾನ್ಗಳಲ್ಲಿ ಒದಗಿಸುವ ಡೇಟಾ ಅನುಕೂಲಕರವಾಗಿದೆ ಎಂದು ಜಿಯೋ, ಏರ್ಟೆಲ್, ವಿಐ ಕಂಪನಿಗಳು ಪ್ರತಿಪಾದಿಸಿರುವುದಾಗಿ ತಿಳಿದುಬಂದಿದೆ.
)
ಪ್ರತ್ಯೇಕ ರೀಚಾರ್ಜ್ ಯೋಜನೆಗಳು ಗ್ರಾಹಕರು ತಮಗೆ ಅನುಕೂಲವಾದಂತೆ ಯೋಜನೆಗಳನ್ನು ರಿಚಾರ್ಜ್ ಮಾಡಿಸಿಕೊಳ್ಳಲು ಅನುವು ಮಾಡಿಕೊಡುತ್ತವೆ. ಇನ್ನೂ ಬಹು ಪ್ರತ್ಯೇಕ ರೀಚಾರ್ಜ್‌ಗಳ ಅಗತ್ಯವಿಲ್ಲದೆಯೇ ಸಮಗ್ರ ಸೇವೆಯನ್ನು ಒದಗಿಸುವ ಉದ್ಯಮದ ಏಕೀಕೃತ ನಿಲುವು ಪ್ರಸ್ತುತ ಬಳಕೆದಾರರ ಅನುಭವವನ್ನು ತೊಂದರೆಗೊಳಿಸಬಹುದು ಎನ್ನಲಾಗಿದೆ.
)
ಅನ್ಲಿಮಿಟೆಡ್ ಕಾಲ್, ಡೇಟಾ ಪ್ಲಾನ್ಗಳನ್ನು ಕೊನೆಗೊಳಿಸುವ ನಿಟ್ಟಿನಲ್ಲಿ TRAI ಯಾವುದೇ ನಿರ್ಧಾರವನ್ನು ಕೈಗೊಂಡಿಲ್ಲ. ಆದಾಗ್ಯೂ, ಈ ಚರ್ಚೆ ಇನ್ನೂ ಕೂಡ ನಡೆಯುತ್ತಿದ್ದು, ಒಂದೊಮ್ಮೆ ಈ ನಿಟ್ಟಿನಲ್ಲಿ ಬದಲಾವಣೆಗಳು ಬಂದಿದ್ದೇ ಆದಲ್ಲಿ ಭಾರತದ ಟೆಲಿಕಾಂ ಉದ್ಯಮದ ಚಿತ್ರಣವೇ ಬದಲಾಗುವ ಸಂಭವವಿದೆ.
Newsletter
