SBI vs Post office : ಉಳಿತಾಯ ಖಾತೆ ತೆರೆಯುವ ಮುನ್ನ ತಿಳಿಯಿರಿ ಯಾವುದರಲ್ಲಿದೆ ಅಧಿಕ ಲಾಭ

ಪ್ರಸ್ತುತ, ಗ್ರಾಹಕರು ಎಸ್‌ಬಿಐನಲ್ಲಿ ಉಳಿತಾಯ ಖಾತೆ ತೆರೆದರೆ, 2.70 ಶೇ ದಷ್ಟು ವಾರ್ಷಿಕ ಬಡ್ಡಿ ಪಡೆಯುತ್ತಾರೆ.  ಅದೇ ಅಂಚೆ ಕಚೇರಿಯ ಉಳಿತಾಯ ಖಾತೆಯಲ್ಲಿ ವಾರ್ಷಿಕ 4% ಬಡ್ಡಿ ಸಿಗುತ್ತದೆ.

ಎಸ್‌ಬಿಐನಲ್ಲಿ ಉಳಿತಾಯ ಖಾತೆ ತೆರೆದರೆ ಎಟಿಎಂ, ಪಾಸ್‌ಬುಕ್ ಹೊರತುಪಡಿಸಿ, 10 ಚೆಕ್ ಲೀಫ್  ಉಚಿತವಾಗಿ ಸಿಗುತ್ತದೆ.  ಮೊಬೈಲ್ ಬ್ಯಾಂಕಿಂಗ್, ಎಸ್‌ಎಂಎಸ್ ಬ್ಯಾಂಕಿಂಗ್, ಇಂಟರ್ನೆಟ್ ಬ್ಯಾಂಕಿಂಗ್ ಸೇವೆಯನ್ನು ಕೂಡಾ ಪಡೆಯಬಹುದು. ನೀವು YONO ಅಪ್ಲಿಕೇಶನ್‌ನ ವೈಶಿಷ್ಟ್ಯಗಳು ಸಹ ಲಭ್ಯವಿರುತ್ತದೆ. ಇದರಲ್ಲಿ ಮಿನಿಮಮ್ ಬ್ಯಾಲೆನ್ಸ್ ಉಳಿಸಿಕೊಳ್ಳಬೇಕಾಗುತ್ತದೆ. ಪೋಸ್ಟ್ ಆಫೀಸ್ ಉಳಿತಾಯ ಖಾತೆಯಲ್ಲಿ ಚೆಕ್ ಬುಕ್, ಎಟಿಎಂ ಕಾರ್ಡ್, ಇ-ಬ್ಯಾಂಕಿಂಗ್, ಮೊಬೈಲ್ ಬ್ಯಾಂಕಿಂಗ್ ಸೌಲಭ್ಯವೂ ಲಭ್ಯವಿದೆ. ಇದರಲ್ಲಿಯೂ   ಮಿನಿಮಮ್ ಬ್ಯಾಲೆನ್ಸ್  ಉಳಿಸಿಕೊಳ್ಳುವುದು ಅಗತ್ಯ. ಹಣಕಾಸು ವರ್ಷದ ಕೊನೆಯಲ್ಲಿ ಮಿನಿಮಮ್ ಬ್ಯಾಲೆನ್ಸ್  ೫೦೦ ರೂ ಉಳಿಯದೇ ಹೋದರೆ ೧೦೦ ರೂ ಚಾರ್ಜ್ ಮಾಡಲಾಗುತ್ತದೆ.   

ಎಸ್‌ಬಿಐನಲ್ಲಿ ಹಲವು ರೀತಿಯ ಉಳಿತಾಯ ಖಾತೆಗಳಿವೆ. ಸಾಮಾನ್ಯವಾಗಿ, 1000 ರೂ.ಗೆ ಉಳಿತಾಯ ಖಾತೆಯನ್ನು ತೆರೆಯಬಹುದು. ಇದರಲ್ಲಿ ಹಣವನ್ನು ಠೇವಣಿ ಇಡಲು ಯಾವುದೇ ಮಿತಿಯಿಲ್ಲ.  ಅಂಚೆ ಕಚೇರಿಯಲ್ಲಿ ಕೇವಲ 500 ರೂಗಳಿಗೆ ಉಳಿತಾಯ ಖಾತೆಯನ್ನು ತೆರೆಯಬಹುದು. ಇದರಲ್ಲಿಯೂ  ಠೇವಣಿಗೆ ಯಾವುದೇ ಮಿತಿಯಿಲ್ಲ.

ಬ್ಯಾಂಕಿನಲ್ಲಿ ಅಥವಾ ಅಂಚೆ ಕಚೇರಿಯಲ್ಲಿ ಎಲ್ಲಿಯೇ ಖಾತೆ ತೆರೆದರು, ಉಳಿತಾಯದ ಮೇಲಿನ ಬಡ್ಡಿಗೆ ಒಂದು ಮಿತಿಯ ನಂತರ ತೆರಿಗೆ ಪಾವತಿಸಬೇಕಾಗುತ್ತದೆ.  ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 80 ಟಿಟಿಎ ಅಡಿಯಲ್ಲಿ,  10,000 ರೂ.ವರೆಗಿನ ಆದಾಯದ ಮೇಲೆ ತೆರಿಗೆ ವಿಧಿಸಲಾಗುವುದಿಲ್ಲ.  ಅದಕ್ಕಿಂತ ಹೆಚ್ಚಿನ ಬಡ್ಡಿ ಪಡೆದರೆ ಸ್ಲ್ಯಾಬ್ ಪ್ರಕಾರ ತೆರಿಗೆ ಪಾವತಿಸಬೇಕಾಗುತ್ತದೆ. ಎಸ್‌ಬಿಐ ಮತ್ತು ಅಂಚೆ ಕಚೇರಿ ಎರಡೂ ಉಳಿತಾಯ ಖಾತೆಗೆ ಇದು ಅನ್ವಯಿಸುತ್ತದೆ.