ಚಾಮರಾಜನಗರದ ಗ್ರಾಮಕ್ಕೆ ಆನೆ ಲಗ್ಗೆ- ಬೈಕ್, ಮರ, ಮನೆ ಗೇಟ್ ಧ್ವಂಸ

ಆನೆಯೊಂದು ಗ್ರಾಮಕ್ಕೆ ನುಗ್ಗಿ ದಾಂಧಲೆ ಎಬ್ಬಿಸಿದ ಘಟನೆ ಚಾಮರಾಜನಗರ ಜಿಲ್ಲೆಯ ಹನೂರು ತಾಲೂಕಿನ ಮರೂರು ಗ್ರಾಮದಲ್ಲಿ ನಡೆದಿದೆ. 

ಮಲೆಮಹದೇಶ್ವರ ಬೆಟ್ಟದ ತಪ್ಪಲಿನ‌ ಗ್ರಾಮ ಇದಾಗಿದ್ದು ಒಂಟಿ ಸಲಗವೊಂದು ರಾತ್ರಿ ಗ್ರಾಮಕ್ಕೆ ಲಗ್ಗೆ ಇಟ್ಟು ನಾಗಣ್ಣ ಎಂಬವರ ಮನೆ ಮುಂದೆ ನಿಲ್ಲಿಸಿದ್ದ ಬೈಕ್ ಹಾಗೂ ಗೇಟ್ ನ್ನು ತುಳಿದು ಹಾನಿ ಮಾಡಿದೆ. 

ಇನ್ನು , ಹಲಸಿನ ಮರವನ್ನು ಮುರಿದು ಹಾಕಿದ್ದು ಫಸಲು ಕೂಡ ಹಾನಿಯಾಗಿದೆ.‌ 

ಆನೆಯ ದಾಳಿ ಶಬ್ದ ಕೇಳುತ್ತಿದ್ದಂತೆ ಜಾಗೃತರಾಗುವ ಗ್ರಾಮಸ್ಥರು‌ ನಿತ್ಯ ರಾತ್ರಿ  ಕಾಡಿನತ್ತ ಓಡಿಸುತ್ತಿದ್ದಾರೆ. 

ನಿತ್ಯ ಆನೆಯ ಆತಂಕದಲ್ಲೇ ಗ್ರಾಮಸ್ಥರು  ಬದುಕುತ್ತಿದ್ದು ಅರಣ್ಯ ಇಲಾಖೆಗೆ ಮನವಿ ಮಾಡಿದರೂ ಯಾವುದೇ ಪ್ರಯೋಜನ ಆಗಿಲ್ಲ ಎಂದು ತಿಳಿದುಬಂದಿದೆ.