Gayatri Mantra: ಈ ಮಂತ್ರವ ಅತ್ಯಂತ ಶಕ್ತಿಶಾಲಿ ಎಂದು ಪರಿಗಣಿಸಲು ಇದೇ ಮುಖ್ಯ ಕಾರಣ

Gayatri Mantra: ಮಂತ್ರಗಳಿಗೆ ಹೆಚ್ಚಿನ ಶಕ್ತಿಯಿದೆ, ಆದ್ದರಿಂದ ದೇವರ ಪೂಜೆಯಲ್ಲಿ ಮಂತ್ರಗಳನ್ನು ಪಠಿಸುವುದಕ್ಕೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡಲಾಗುತ್ತದೆ. ಪ್ರತಿ ದೇವ-ದೇವತೆಗೆ ವಿಭಿನ್ನ ಮಂತ್ರಗಳಿವೆ, ಆ ದೇವತೆಗಳನ್ನು ಸಂತೋಷಪಡಿಸುವ ಮತ್ತು ಆಶೀರ್ವದಿಸುವ ಪಠಣ. ಈ ಮಂತ್ರಗಳು ಜೀವನದಲ್ಲಿ ಸಂತೋಷ, ಸಮೃದ್ಧಿ ಮತ್ತು ಯಶಸ್ಸನ್ನು ತರುತ್ತವೆ. ಎಲ್ಲಾ ರೀತಿಯ ದುಃಖ ಮತ್ತು ತೊಂದರೆಗಳನ್ನು ನಿವಾರಿಸುತ್ತದೆ. ಇವುಗಳಲ್ಲಿ ಕೆಲವು ಮಂತ್ರಗಳು ವಿಶೇಷವಾಗಿ ಶಕ್ತಿಯುತವಾಗಿವೆ ಎಂದು ಹೇಳಲಾಗುತ್ತದೆ. ಇವುಗಳಲ್ಲಿ ಗಾಯತ್ರಿ ಮಂತ್ರಕ್ಕೆ (Gayatri Mantra) ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗಿದೆ. 

24 ಅಕ್ಷರಗಳಿಂದ ರಚಿಸಲ್ಪಟ್ಟ ಅತ್ಯಂತ ಶಕ್ತಿಶಾಲಿ ಮಂತ್ರ :

ಗಾಯತ್ರಿ ಮಂತ್ರವನ್ನು (Gayatri Mantra) ಗ್ರಂಥಗಳಲ್ಲಿ ಅತ್ಯಂತ ಶಕ್ತಿಶಾಲಿ ಎಂದು ವಿವರಿಸಲಾಗಿದೆ. ಅಷ್ಟೇ ಅಲ್ಲ, ಇದನ್ನು ಮಹಾಮಂತ್ರ (Mahamantra) ಎಂದು ಕರೆಯಲಾಗುತ್ತದೆ. 'ಓಂ ಭೂ ಭುವ: ಸ್ವ: ತತ್ಸವಿತುರ್ವರೇಣ್ಯಂ ಭರ್ಗೋ ದೇವಸ್ಯ ಧೀಮಹಿ ಧ್ಯೋ ಯೋ ನ: ಪ್ರಚೋದಯಾತ್' ಎಂಬ ಗಾಯತ್ರಿ ಮಂತ್ರವು 24 ಅಕ್ಷರಗಳಿಂದ ಕೂಡಿದೆ. ಈ ಮಂತ್ರದ ಅರ್ಥವನ್ನು ಅರ್ಥಮಾಡಿಕೊಂಡು, ಅದನ್ನು ಏಕಾಗ್ರತೆಯಿಂದ ಜಪಿಸಿದರೆ, ವ್ಯಕ್ತಿಯ ದೇಹವು ಧನಾತ್ಮಕ ಶಕ್ತಿಯಿಂದ ತುಂಬಿರುತ್ತದೆ. ಈ 24 ಅಕ್ಷರಗಳು ಇಪ್ಪತ್ತನಾಲ್ಕು ಅವತಾರಗಳು, ಇಪ್ಪತ್ತನಾಲ್ಕು ಋಷಿಗಳು, ಇಪ್ಪತ್ನಾಲ್ಕು ಶಕ್ತಿಗಳು, ಇಪ್ಪತ್ತನಾಲ್ಕು ಸಿದ್ಧಿಗಳ ಸಂಕೇತವಾಗಿದೆ. ಈ ಮಂತ್ರವನ್ನು ಪಠಿಸುವುದರಿಂದ ಅನೇಕ ಪ್ರಯೋಜನಗಳಿವೆ, ಸಿದ್ಧಿಗಳು ಪ್ರಾಪ್ತಿಯಾಗುತ್ತವೆ. 

ಈ ಮಂತ್ರದ ಅರ್ಥವೇನೆಂದರೆ, ನಾವು ಆ ಜೀವಸ್ವರೂಪ, ದುಃಖ-ನಾಶಕ, ಆನಂದ-ಸ್ವರೂಪ, ಶ್ರೇಷ್ಠ, ಅದ್ಭುತ, ಪಾಪ-ನಾಶಕ, ಈಶ್ವರ-ಸ್ವರೂಪವನ್ನು ಧ್ಯಾನಿಸಬೇಕು. ಆ ಭಗವಂತ ನಮ್ಮ ಬುದ್ಧಿಯನ್ನು ಸನ್ಮಾರ್ಗದಲ್ಲಿ ಪ್ರೇರೇಪಿಸಲಿ ಎಂಬುದಾಗಿದೆ.

ಇದನ್ನೂ ಓದಿ- Money Tree: ನಿಮ್ಮನ್ನು ಶ್ರೀಮಂತರನ್ನಾಗಿಸುತ್ತದೆ ಮನೆಯಲ್ಲಿರುವ ಈ 2 ಮರ, ಗಿಡಗಳು

ಗಾಯತ್ರಿ ಮಂತ್ರವನ್ನು ಹೇಗೆ ಪಠಿಸುವುದು ?
ಗಾಯತ್ರಿ ಮಂತ್ರವನ್ನು (Gayatri Mantra) ಪಠಿಸಲು 3 ಸಮಯವನ್ನು ಉತ್ತಮ ಎಂದು ಪರಿಗಣಿಸಲಾಗುತ್ತದೆ. ಮೊದಲನೆಯದಾಗಿ, ಸೂರ್ಯೋದಯಕ್ಕೆ ಮುಂಚಿನ ಸಮಯದಿಂದ ಸೂರ್ಯೋದಯದವರೆಗೆ. ಎರಡನೆಯದಾಗಿ, ಮಧ್ಯಾಹ್ನ ಮತ್ತು ಮೂರನೆಯ ಸಮಯ, ಸೂರ್ಯಾಸ್ತದ ಹಿಂದಿನ ಸಮಯದಿಂದ ಸಂಜೆ ಸೂರ್ಯಾಸ್ತದವರೆಗೆ. ಆದರೆ ಮಂತ್ರವನ್ನು ಸರಿಯಾಗಿ ಪಠಿಸಬೇಕು ಎಂಬುದನ್ನು ನೆನಪಿನಲ್ಲಿಡಿ. ಅಲ್ಲದೆ, ಜಪಕ್ಕಾಗಿ, ಕುಶನ ಆಸನದ ಮೇಲೆ ಪೂರ್ವ ಅಥವಾ ಪಶ್ಚಿಮಕ್ಕೆ ಮುಖ ಮಾಡಿ ಕುಳಿತುಕೊಳ್ಳಿ ಮತ್ತು ತುಳಸಿ ಅಥವಾ ಶ್ರೀಗಂಧದ ಮಾಲೆಯೊಂದಿಗೆ ಜಪಿಸಬೇಕು.

ಇದನ್ನೂ ಓದಿ- Putrada Ekadashi: ಇಂದು ಈ ಕೆಲಸ ಮಾಡುವುದರಿಂದ ಮಕ್ಕಳಿಗೆ ಸಂಬಂಧಿಸಿದ ನಿಮ್ಮ ಪ್ರತಿ ಆಸೆಯೂ ಈಡೇರುತ್ತೆ

ಗಾಯತ್ರಿ ಮಂತ್ರವನ್ನು ಪಠಿಸುವುದರಿಂದ ಆಗುವ ಪ್ರಯೋಜನಗಳು :
>> ಗಾಯತ್ರಿ ಮಂತ್ರವನ್ನು ಪಠಿಸುವುದರಿಂದ ಮನಸ್ಸು ಶಾಂತವಾಗುತ್ತದೆ.
>> ಒತ್ತಡ ನಿವಾರಣೆಯಾಗುತ್ತದೆ ಮತ್ತು ಕೋಪವನ್ನು ನಿಯಂತ್ರಿಸಲಾಗುತ್ತದೆ. 
>> ಈ ಮಂತ್ರವು ಅಪಾರವಾದ ಯಶಸ್ಸನ್ನು ನೀಡಲಿದೆ. 
>> ಗಾಯತ್ರಿ ಮಂತ್ರವನ್ನು ಪಠಿಸುವ ಮೂಲಕ, ಸೂರ್ಯನು ಜಾತಕದಲ್ಲಿ ಬಲಶಾಲಿಯಾಗುತ್ತಾನೆ ಮತ್ತು ಅದು ಶುಭ ಫಲಿತಾಂಶಗಳನ್ನು ನೀಡಲು ಪ್ರಾರಂಭಿಸುತ್ತದೆ. 
>> ಗಾಯತ್ರಿ ಮಂತ್ರದ ಪಠಣವು ವೃತ್ತಿಜೀವನದಲ್ಲಿ ಬಲವಾದ ಪ್ರಗತಿಗೆ ಕಾರಣವಾಗುತ್ತದೆ. 
>> ಈ ಮಂತ್ರವು ರೋಗಗಳನ್ನು ತೊಡೆದುಹಾಕುತ್ತದೆ ಮತ್ತು ಜೀವನದ ಎಲ್ಲಾ ತೊಂದರೆಗಳನ್ನು ಕೊನೆಗೊಳಿಸುತ್ತದೆ. 

ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ZEE ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ. 

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.