ಪೊಲೀಸಪ್ಪನಿಂದ ಪತ್ನಿಗೆ ವರದಕ್ಷಿಣೆ ಕಿರುಕುಳ.. ರಕ್ಷಣೆ ನೀಡಬೇಕಿದ್ದ ಆರಕ್ಷಕನಿಂದಲೇ ಟಾರ್ಚರ್!

Tumkuru : ಟ್ರಾಫಿಕಲ್ಲಿ ನಿಂತು ಎಡಕ್ಕೆ ಚಲಿಸಿ, ಬಲಕ್ಕೆ ಚಲಿಸಿ ಎಂದು ವಾಹನ ಸವಾರರಿಗೆ ದಾರಿ ತೋರುವ ಈ ಟ್ರಾಫಿಕ್ ಪೊಲೀಸ್ ಪೇದೆಯ ಸಂಸಾರದ ದಾರಿಯೇ ತಪ್ಪಿದೆ. ಹೌದು, ತುಮಕೂರು ಸಂಚಾರಿ ಠಾಣೆಯ ಪೊಲೀಸ್ ಪೇದೆಯಾಗಿರುವ  ಸುನಿಲ್ ಕುಮಾರ್ ತನ್ನ ಪತ್ನಿ ಸಹನಾಗೆ ವರದಕ್ಷಿಣೆ ಕಿರುಕುಳ ನೀಡುತಿದ್ದಾನಂತೆ. 

ಹಾಗಾಗಿ ಪತ್ನಿ ಸಹನಾ ಮಹಿಳಾ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾಳೆ. ಸುನಿಲ್ ಕುಮಾರ್ ತುಮಕೂರಿನ ಆದರ್ಶ ನಗರದಲ್ಲಿ ಮನೆಕಟ್ಟುತಿದ್ದು ಮನೆ ಕಂಪ್ಲೀಟ್ ಮಾಡಬೇಕಾದರೆ 24 ಲಕ್ಷ ರೂ ಬೇಕಾಗಿದ್ದು ತವರು ಮನೆಯಿಂದ ವರದಕ್ಷಿಣೆ ತೆಗೆದುಕೊಂಡು ಬಾ ಎಂದು ಕಿರುಕುಳ ನೀಡುತ್ತಿದ್ದಾನಂತೆ. 

ಪೊಲೀಸ್ ಲಾಠಿಯಿಂದ ನಿತ್ಯ ಸಹಾನಾಗೆ ಸುನಿಲ್ ಹೊಡೆಯುತಿದ್ದಾನಂತೆ. ಇದರ ಪರಿಣಾಮ ಸಹನಾಳ ಪೃಷ್ಠ ಭಾಗಕ್ಕೆ ಬಾಸುಂಡೆ ಎದ್ದಿದೆ. ಮಚ್ಚು ಕುತ್ತಿಗೆಗೆ ಹಿಡಿದು ಸಾಯಿಸುತ್ತೇನೆ ಎಂದು ಬೆದರಿಕೆ ಹಾಕುತ್ತಿದ್ದಾನಂತೆ. ಈ ಕಿರುಕುಳದಿಂದ ನೊಂದ ಸಹನಾ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಮೂಲಕ ಮಹಿಳಾ ಠಾಣೆಗೆ ದೂರು ನೀಡಿದ್ದಾಳೆ.

ಇದನ್ನೂ ಓದಿ-"ಇನ್ನು ನಿಮ್ಮ ಈ ಆಟಗಳು ನಡೆಯವುದಿಲ್ಲ ಮಿಸ್ಟರ್ ಮೋದಿಜೀ"

ಅಂದಹಾಗೆ ಸುನಿಲ್ ಮದುವೆಯಾಗಿದ್ದು ಸ್ವತಃ ಸೋದರ ಮಾವನ ಮಗಳನ್ನು. ಕಳೆದ ಒಂದೂವರೆ ವರ್ಷದ ಹಿಂದೆ ಅರಸೀಕೆರೆಯಲ್ಲಿ ಸಹನಾ ಕುಟುಂಬದವರು ಸುಮಾರು 18 ಲಕ್ಷ ರೂ ಖರ್ಚು ಮಾಡಿ ಅದ್ದೂರಿಯಾಗಿ ಮದುವೆ ಮಾಡಿಕೊಟ್ಟಿದ್ರು. 25 ಗ್ರಾಂ ಚಿನ್ನದ ಸರ, 12 ಗ್ರಾಂನ ಚಿನ್ನದ ಉಂಗುರ, 30 ಗ್ರಾಮ್ ನ ಬಳೆ ವರದಕ್ಷಿಣೆಯಾಗಿ ಕೊಡಿಸಿದ್ದಾರೆ. 

ಈ ನಡುವೆ ಮದುವೆಗೆ ಮೂರು ದಿನ ಬಾಕಿ ಇರುವಾಗ ಸಹನಾಗೆ ಬ್ರೈನ್ ಟ್ಯೂಮರ್ ಕಾಣಿಸಿಕೊಂಡಿತ್ತಂತೆ. ಈ ವಿಚಾರ ಗೊತ್ತಿದ್ದರೂ ವರದಕ್ಷಿಣೆ ಆಸೆಗೆ ಮದುವೆಯಾಗಿದ್ದಾನೆ. ಸಹನಾ ಈಗ ಚಿಕಿತ್ಸೆಯಲ್ಲಿ ಇದ್ದರೂ ನಿರ್ದಯಿ ಸುನಿಲ್ ವರದಕ್ಷಿಣೆಗಾಗಿ ಪೀಡಿಸುತಿದ್ದಾನಂತೆ.

ಸಹನಾ ಕೊಟ್ಟ ದೂರಿನನ್ವಯ ಮಹಿಳಾ ಠಾಣೆಯಲ್ಲಿ ದೂರು ದಾಖಲಾಗಿದೆ. ಪತಿಯನ್ನು ಬಂಧಿಸುವಂತೆ ಪತ್ನಿ ಪಟ್ಟು ಹಿಡಿದಿದ್ದಾಳೆ. ಒಟ್ಟಾರೆ ಪೊಲೀಸಪ್ಪನ ದುರಾಸೆಯಿಂದ ಸಂಸಾರದ ಗುಟ್ಟು ರಟ್ಟಾಗುವಂತೆ ಮಾಡಿದೆ.

ಇದನ್ನೂ ಓದಿ-Photo Gallery: ಕೃಷ್ಣೆಯ ಜಲಧಿಗೆ ಸಿಎಂ ಸಿದ್ದರಾಮಯ್ಯ ಬಾಗೀನ ಅರ್ಪಣೆ

 

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/watch?v=uzXzteRDY-k
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.