Lockdown 4.0 ನೂತನ ಮಾರ್ಗಸೂಚಿಗಳನ್ನು ಬಿಡುಗಡೆಗೊಳಿಸಿದ ಕೇಂದ್ರ ಗೃಹ ಇಲಾಖೆ

ನವದೆಹಲಿ:ದೇಶಾದ್ಯಂತ ಲಾಕ್ ಡೌನ್ ಅವಧಿಯನ್ನು ಮೇ 31, 2020ರವರೆಗೆ ವಿಸ್ತರಿಸಲಾಗಿದೆ. ಕೇಂದ್ರ ಗೃಹ ಇಲಾಖೆ ಲಾಕ್ ಡೌನ್ 4.0 ಹೊಸ ಮಾರ್ಗಸೂಚಿಗಳನ್ನು ಬಿಡುಗಡೆಗೊಳಿಸಿದೆ. ನೂತನ ಮಾರ್ಗ ಸೂಚಿಗಳು ಈ ಕೆಳಗಿನಂತೆ ಇರಲಿವೆ,

- ಮೇ 31, 2020ರವರೆಗೆ ದೇಶಾದ್ಯಂತ ಲಾಕ್ ಡೌನ್ ಮುಂದುವರೆಯಲಿದೆ.

- ದೇಶೀಯ ಹಾಗೂ ಅಂತಾರಾಷ್ಟ್ರೀಯ ನಾಗರಿಕ ವಿಮಾನ ಸೇವೆ ಬಂದ್ ಇರಲಿದೆ. ಕೇವಲ ಡೊಮೆಸ್ಟಿಕ್ ಮೆಡಿಕಲ್, ಡೊಮೆಸ್ಟಿಕ್ ಏರ್ ಅಂಬುಲೆನ್ಸ್ ಹಾಗೂ ರಕ್ಷಣಾ ಕಾರ್ಯಾಚರಣೆಗಾಗಿ ವಿಮಾನಯಾನ ಸೇವೆ ಎಂದಿನಂತೆ ಚಾಲ್ತಿಯಲ್ಲಿ ಇರಲಿದೆ.
-ಮೆಟ್ರೋ ರೈಲು ಸೇವೆ ಬಂದ್ ಇರಲಿದೆ.
- ಶಾಲಾ-ಕಾಲೇಜು, ಶೈಕ್ಷಣಿಕ/ತರಬೇತಿ/ ಕೋಚಿಂಗ್ ಸಂಸ್ಥೆಗಳು ಬಂದ್ ಇರಲಿವೆ.
-ಆನ್ಲೈನ್/ದೂರ ಶಿಕ್ಷಣ ಆರಂಭಗೊಳ್ಳಲಿವೆ.
-ಹೋಟೆಲ್, ರೆಸ್ಟೋರೆಂಟ್ ಹಾಗೂ ಇತರೆ ಹಾಸ್ಪಿಟಾಲಿಟಿ ಸೇವೆಗಳು ಬಂದ್ ಇರಲಿವೆ. ಆದರೆ, ಆಹಾರ ಸಾಮಗ್ರಿಗಳ ಹೋಮ್ ಡೆಲಿವರಿಗಾಗಿ ರೆಸ್ಟೋರೆಂಟ್ ಗಳು ತಮ್ಮ ಕಿಚನ್ ತೆರೆಯಲು ಅನುಮತಿ ನೀಡಲಾಗಿದೆ.
- ಎಲ್ಲ ರೀತಿಯ ಸಿನಿಮಾ ಹಾಲ್ ಗಳು, ಶಾಪಿಂಗ್ ಮಾಲ್ ಗಳು, ಜಿಮ್ನಾಸಿಯಂ, ಸ್ವಿಮ್ಮಿಂಗ್ ಪೂಲ್, ಎಂಟರ್ಟೈನ್ಮೆಂಟ್ ಪಾರ್ಕ್ ಗಳು, ಥೇಟರ್ ಗಳು, ಬಾರ್ ಗಳು ಮತ್ತು ಆಡಿಟೋರಿಯಂಗಳು/ಅಸೆಂಬ್ಲಿ ಹಾಲ್/ ಜನಸಂದಣಿಯುಂಟು ಮಾಡುವ ಸಾರ್ವಜನಿಕ ಪ್ರದೇಶಗಳು ಬಂದ್ ಇರಲಿವೆ.
- ಎಲ್ಲ ಸಾಮಾಜಿಕ/ರಾಜಕೀಯ/ಕ್ರೀಡಾ/ಎಂಟರ್ಟೈನ್ಮೆಂಟ್/ಶೈಕ್ಷಣಿಕ/ಸಾಂಸ್ಕೃತಿಕ/ಧಾರ್ಮಿಕ/ ಇತರೆ ಚಟುವಟಿಕೆಗಳ ಮೇಲೆ ನಿರ್ಬಂಧನೆ ಮುಂದುವರೆಯಲಿದೆ.
-ಎಲ್ಲ ಧಾರ್ಮಿಕ ಸ್ಥಳಗಳು/ಪ್ರಾರ್ಥನೆ ಸಲ್ಲಿಸುವ ಸ್ಥಳಗಳು ಸಾರ್ವಜನಿಕರಿಗೆ ಬಂದ್ ಇರಲಿದೆ, ಧಾರ್ಮಿಕ ಜಮಾವಣೆಯ ಮೇಲೂ ಕೂಡ ನಿರ್ಬಂಧನೆ ಮುಂದುವರೆಯಲಿದೆ.

MHA issues order to further extend #lockdownindia till 31.05.2020, to fight #COVID19
New guidelines have permitted considerable relaxations in #Lockdown4 restrictions. States to decide various zones, taking into consideration parameters shared by @MoHFW_INDIA#IndiaFightsCOVID19 pic.twitter.com/AeMHvowaaH

— Spokesperson, Ministry of Home Affairs (@PIBHomeAffairs) May 17, 2020

ಕೆಲ ಷರತ್ತುಗಳ ಆಧಾರದ ಮೇಲೆ ಈ ಕೆಳಗಿನ ಚಟುವಟಿಕೆಗಳಿಗೆ ಅನುಮತಿ ನೀಡಲಾಗಿದೆ
- ಇಂಟರ್ ಸ್ಟೇಟ್ ಬಸ್ ಹಾಗೂ ವಾಹನಗಳ ಸೇವೆಗೆ ಷರತ್ತುಬದ್ಧ ಅನುಮತಿ.(ಎರಡು ರಾಜ್ಯ/ ಕೇಂದ್ರಾಡಳಿತ ಪ್ರದೇಶಗಳ ಪರಸ್ಪರ ಸಮ್ಮತಿ ಅಗತ್ಯ)
- ಇಂಟ್ರಾ-ಸ್ಟೇಟ್ ಟ್ಯಾಕ್ಸಿ, ಕ್ಯಾಬ್  ಮತ್ತು ಬಸ್ ಸೇವೆಗಳಿಗೆ ಷರತ್ತುಬದ್ಧ ಅನುಮತಿ (ಆಯಾ ರಾಜ್ಯ /ಕೇಂದ್ರಾಡಳಿತ ಪ್ರದೇಶ ಸರ್ಕಾರಗಳು ಅನುಮತಿ ನೀಡಿದರೆ ಮಾತ್ರ)
- ಈ ಮೊದಲು ಅಸ್ತಿತ್ವದಲ್ಲಿರುವ ಪ್ರಮಾಣಿತ ಕಾರ್ಯಾಚರಣೆಯ ವಿಧಾನಗಳು ಮುಂದುವರೆಯಲಿವೆ.
- ಆರೋಗ್ಯ ಇಲಾಖೆಯ ಮಾನದಂಡಗಳನ್ನು ಆಧರಿಸಿ ಯಾವ ಯಾವ ಜೋನ್ ಗಳು ರೆಡ್, ಗ್ರೀನ್, ಆರೆಂಜ್, ಕಂಟೆನ್ ಮೆಂಟ್, ಬಫರ್ ಇತ್ಯಾದಿಗಲಾಗಿರಲಿವೆ ಎಂಬುದನ್ನು ರಾಜ್ಯ ಸರ್ಕಾರ ಹಾಗೂ ಸಂಬಂಧಿತ ಜಿಲ್ಲಾಡಳಿತಗಳು ತೀರ್ಮಾನ ಕೈಗೊಳ್ಳಲಿವೆ.
- ಯಾವ ರಾಜ್ಯಗಳಲ್ಲಿ ಯಾವ ಅಂಗಡಿ-ಮುಂಗಟ್ಟುಗಳು ತೆರೆಯಲಿವೆ ಅಥವಾ ಬಂದ್ ಇರಲಿವೆ ಎಂಬುದರ ಕುರಿತು ರಾಜ್ಯ ಸರ್ಕಾರಗಳೇ ತೀರ್ಮಾನಿಸಲಿವೆ.
- ಸಂಜೆ 7 ಗಂಟೆಯಿಂದ ಬೆಳಗ್ಗೆ 7 ಗಂಟೆಯವರೆಗೆ ಕರ್ಫ್ಯೂ ಜಾರಿಯಲ್ಲಿರಲಿದೆ. ಅಗತ್ಯ ಸೇವೆಗಳನ್ನು ಹೊರತುಪಡಿಸಿ, ಸಾರ್ವಜನಿಕ ಸಂಚಾರಕ್ಕೆ ನಿರ್ಬಂಧ.