)
ನವದೆಹಲಿ : ಪಾಕಿಸ್ತಾನಅಕ್ರಮಿಸಿಕೊಂಡಿರುವ ಕಾರಕೋರಂ ಹೆದ್ದಾರಿಯನ್ನು ಗಿಲ್ಗಿಟ್-ಬಾಲ್ಟಿಸ್ತಾನ್‌ನ (Gilgit-Baltistan) ಆಸ್ಟರ್‌ನೊಂದಿಗೆ ಸಂಪರ್ಕಿಸುವ ರಸ್ತೆ ನಿರ್ಮಿಸಲು ಚೀನಾ ನಿರ್ಧರಿಸಿದೆ. ಈ ಮೂಲಕ ಬೀಜಿಂಗ್ (Bijing) ಮತ್ತು ಇಸ್ಲಾಮಾಬಾದ್ (Islamabad) ಗಳು ಲಡಾಕ್ (Ladak) ಪ್ರದೇಶದ ಮೇಲೆ ಒತ್ತಡ ಹೆಚ್ಚಿಸಲು ಮುಂದಾಗಿವೆ.
ರಸ್ತೆ ನಿರ್ಮಾಣದಿಂದ ಭಾರತಕ್ಕೆ ಅಪಾಯ :
ಇದನ್ನೂ ಓದಿ - ಗಿಲ್ಗಿಟ್ ಬಾಲ್ಟಿಸ್ತಾನಕ್ಕೆ ತಾತ್ಕಾಲಿಕ ಪ್ರಾಂತ್ಯ ಸ್ಥಾನ – ಪಾಕ್ ನಿರ್ಧಾರ ತಿರಸ್ಕರಿಸಿದ ಭಾರತ
ಆಸ್ಟರ್ ಜಿಲ್ಲೆಯು ಪಾಕಿಸ್ತಾನದ (Pakistan) ವಿಭಾಗದ ಪ್ರಧಾನ ಕಚೇರಿಯ ಸ್ಕಾರ್ಡು ಪಶ್ಚಿಮಕ್ಕೆ ಇದೆ. ಅದರಿಂದ ಲಡಾಕ್ ದೂರದಲ್ಲಿಲ್ಲ. ಲಡಾಖ್‌ನ ಅನೇಕ ಸ್ಥಳಗಳಲ್ಲಿ ಚೀನಾ ಮತ್ತು ಭಾರತ ನಡುವೆ ಬಹಳ ವರ್ಷಗಳಿಂದ ಸಂಘರ್ಷ ನಡೆಯುತ್ತಿದೆ. ಆಸ್ಟರ್‌ನ ಪ್ರಧಾನ ಕಚೇರಿ ಇಡ್ಗಾದಲ್ಲಿದೆ ಮತ್ತು ಇದು ಗಿಲ್ಗಿಟ್-ಬಾಲ್ಟಿಸ್ತಾನದ (Gilgit-Baltistan) 14 ಜಿಲ್ಲೆಗಳಲ್ಲಿ ಒಂದಾಗಿದೆ. ಕಡಿಮೆ ಗುಣಮಟ್ಟದ ರಸ್ತೆ ಪ್ರಸ್ತುತ ಇಡ್ಗಾವನ್ನು ಕಾರಕೋರಂ ಹೆದ್ದಾರಿಗೆ ಸಂಪರ್ಕಿಸುತ್ತದೆ. ಇದು 43 ಕಿಲೋಮೀಟರ್ ದೂರದಲ್ಲಿದೆ. ಹೊಸ ರಸ್ತೆಯ ನಿರ್ಮಾಣವು ಚೀನಾ ಮತ್ತು ಪಾಕಿಸ್ತಾನದ ನಡುವಿನ ಕಾಶ್ಮೀರದಲ್ಲಿ ಭಾರತದ ವಿರುದ್ಧ ಎರಡು-ಮುಂಭಾಗದ ಯುದ್ಧವನ್ನು ಪ್ರಾರಂಭಿಸುವ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ ಎಂದು ವಿಶ್ಲೇಷಕರು ಹೇಳುತ್ತಾರೆ.
ಚೀನಾದಿಂದ ಯುದ್ಧ ತಂತ್ರದ ಮಹತ್ವದ ನಿಯೋಜನೆ ಇದಾಗಿದ್ದು ಆರಂಭಿಕ ಕಾರ್ಯತಂತ್ರದ ಯಶಸ್ವಿಯಾದರೆ ಹಿಮಾಲಯದಲ್ಲಿ ಮಾತ್ರವಲ್ಲದೆ ಇಂಡೋ-ಪೆಸಿಫಿಕ್ ನೀರಲ್ಲಿಯೂ ಪ್ರತೀಕಾರ ತೀರಿಸಿಕೊಳ್ಳಲು ಸಿದ್ಧತೆ ನಡೆಸುತ್ತಿದೆ ಎಂಬ ಸ್ಪಷ್ಟ ಸೂಚನೆ ಇದಾಗಿದೆ.
ಇದನ್ನೂ ಓದಿ - ಪಾಕ್ ಗೆ ಏಕಾಏಕಿ ಶಾಕ್ ನೀಡಿದ ಸೌದಿ ಅರೇಬಿಯಾ ಮಾಡಿದ್ದೇನು ಗೊತ್ತೇ?
ಈ ಹಿನ್ನೆಲೆಯಲ್ಲಿ ಭಾರತವು ಮಹತ್ವದ ಮೈಲಿಗಲ್ಲುಗಳನ್ನು ದಾಟಿದೆ. ಜಪಾನ್ (Japan) ಮತ್ತು ಯುಎಸ್ (US) ಸಹಭಾಗಿತ್ವದಲ್ಲಿ ಚೀನಾವನ್ನು ಎದುರಿಸಲು ಆಲೋಚನೆ ಮಾಡಿದೆ. ಅಂಡಮಾನ್-ನಿಕೋಬಾರ್ ದ್ವೀಪಗಳ (ಎಎನ್‌ಐ) ಮೂಲಕ ಹಾದುಹೋಗುವ ಚೀನಾದ ವಾಣಿಜ್ಯ ಹಡಗುಗಳನ್ನು ನಿಯಂತ್ರಿಸಲು ಮುಂದಾಗಿದೆ ಎಂದು ತಿಳಿದುಬಂದಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
Newsletter
