Post Office SB ಅಕೌಂಟ್ ನಿಯಮಗಳಲ್ಲಿ ಬದಲಾವಣೆ... ನೀವೂ ತಿಳಿದುಕೊಳ್ಳಿ

ನವದೆಹಲಿ: ಉಳಿತಾಯ ಖಾತೆಗೆ ಸಂಬಂಧಿಸಿದ ಕೆಲವು ನಿಯಮಗಳನ್ನು ಅಂಚೆ ಇಲಾಖೆ (Post Office) ಬದಲಾಯಿಸಿದೆ. ನಿಯಮಗಳಲ್ಲಿನ ಈ ಬದಲಾವಣೆಗಳ ಬಗ್ಗೆ ಜಾಗೃತರಾಗಿರುವುದು ಬಹಳ ಮುಖ್ಯ. ಗ್ರಾಹಕರು ಈ ನಿಯಮಗಳನ್ನು ಪಾಲಿಸದಿದ್ದರೆ ಅವರು ನಷ್ಟವನ್ನು ಭರಿಸಬೇಕಾಗಬಹುದು.

ಅಂಚೆ ಇಲಾಖೆ ಅಂಚೆ ಕಚೇರಿ ಖಾತೆಯಲ್ಲಿ ಕನಿಷ್ಠ ಬಾಕಿ ಮಿತಿಯನ್ನು 50 ರೂ.ನಿಂದ 500 ರೂ.ಗೆ ಹೆಚ್ಚಿಸಿದೆ. ನಿಮ್ಮ ಖಾತೆಯಲ್ಲಿ ಕನಿಷ್ಠ 500 ರೂಪಾಯಿಗಳಿರಬೇಕು, ಇಲ್ಲದಿದ್ದರೆ ಹಣಕಾಸಿನ ವರ್ಷದ ಕೊನೆಯ ಕೆಲಸದ ದಿನದಂದು, ಅಂಚೆ ಕಚೇರಿ ನಿಮಗೆ 100 ರೂಪಾಯಿಗಳನ್ನು ದಂಡವಾಗಿ ವಿಧಿಸಲಿದೆ ಮತ್ತು ಈ ದಂಡ ಪ್ರತಿವರ್ಷ ವಿಧಿಸಲಾಗುವುದು.

ಖಾತೆಯಲ್ಲಿ ಶೂನ್ಯ ಬ್ಯಾಲೆನ್ಸ್ ಇದ್ದರೆ, ನಂತರ ಖಾತೆಯನ್ನು ಸ್ವಯಂಚಾಲಿತವಾಗಿ ಮುಚ್ಚಲಾಗುತ್ತದೆ. ಅಂಚೆ ಕಚೇರಿ ಪ್ರಸ್ತುತ ವೈಯಕ್ತಿಕ / ಜಂಟಿ ಉಳಿತಾಯ ಖಾತೆಗಳಿಗೆ ವರ್ಷಕ್ಕೆ 4 ಪ್ರತಿಶತ ಬಡ್ಡಿಯನ್ನು ಪಾವತಿಸುತ್ತದೆ. ಉಳಿತಾಯ ಖಾತೆಯಲ್ಲಿ ಕನಿಷ್ಠ ಬಾಕಿ 500 ರೂಪಾಯಿ ಇರುವುದು ಅನಿವಾರ್ಯವಾಗಿದೆ.

ನೀವು ಸರ್ಕಾರದ ಸಬ್ಸಿಡಿಯ ಲಾಭವನ್ನು ಪಡೆಯಲು ಬಯಸಿದರೆ, ನಿಮ್ಮ ಅಂಚೆ ಕಚೇರಿ ಖಾತೆಯನ್ನು ನೀವು ಆಧಾರ್‌ನೊಂದಿಗೆ ಲಿಂಕ್ ಮಾಡಬೇಕು. ಈ ನಿಟ್ಟಿನಲ್ಲಿ ಇತ್ತೀಚೆಗೆ ಅಂಚೆ ಕಚೇರಿಯಿಂದ ಸುತ್ತೋಲೆ ಹೊರಡಿಸಲಾಗಿತ್ತು.

ಜನರು ತಮ್ಮ ಅಂಚೆ ಕಚೇರಿ ಉಳಿತಾಯ ಖಾತೆಯಲ್ಲಿ ನೇರ ಲಾಭ ವರ್ಗಾವಣೆಯನ್ನು (ಡಿಬಿಟಿ) ಪಡೆಯಬಹುದು ಎಂದು ಅಂಚೆ ಇಲಾಖೆ ಸುತ್ತೋಲೆ ಹೇಳಿದೆ. ಕಾಲಮ್ ಖಾತೆ ತೆರೆಯುವ ಅಪ್ಲಿಕೇಶನ್ ಅಥವಾ ಪರ್ಚೆಸ್ ಆಫ್ ಸರ್ಟಿಫಿಕೆಟ್ ಫಾರಂನಲ್ಲಿ ಆಧಾರ್ ಜೊತೆಗೆ ಲಿಂಕ್ ಮಾಡಲು ಹೊಸ ಕಾಲಮ್ ಅನ್ನು ಸಹ ಕಾಣಬಹುದು.

ಅಂಚೆ ಕಚೇರಿಯಲ್ಲಿ ಉಳಿತಾಯ ಖಾತೆ ತೆರೆಯಲು ಹಲವು ಸೌಲಭ್ಯಗಳಿವೆ. ಚೆಕ್ ರಹಿತ ಸೌಲಭ್ಯ ಹೊಂದಿರುವ ಖಾತೆಯಲ್ಲಿ ಕನಿಷ್ಠ ಬಾಕಿ ರೂ .50 / -. ವರ್ಷಕ್ಕೆ 10000 ರೂ.ವರೆಗೆ ಗಳಿಸಿದ ಬಡ್ಡಿ 2012-13ರ ಹಣಕಾಸು ವರ್ಷದಿಂದ ತೆರಿಗೆ ಮುಕ್ತವಾಗಿದೆ.