ಕಾನ್ಪುರದ ಸಮೀಪ ಹಳಿತಪ್ಪಿದ ಪೂರ್ವಾ ಎಕ್ಸ್ಪ್ರೆಸ್ 12 ಬೋಗಿಗಳು, ಹಲವರಿಗೆ ಗಾಯ

ಕಾನ್ಪುರ: ಉತ್ತರಪ್ರದೇಶದ ಕಾನ್ಪುರದಲ್ಲಿರುವ ರೂಮಾ ರೈಲ್ವೆ ನಿಲ್ದಾಣದ ಸಮೀಪ ಪೂರ್ವಾ ಎಕ್ಸ್ಪ್ರೆಸ್ (12303) ನ 12 ಬೋಗಿಗಳು ಹಳಿತಪ್ಪಿದ ಪರಿಣಾಮ ಹಲವರು ಗಾಯಗೊಂಡಿದ್ದಾರೆ. ಹೌರಾ ಮತ್ತು ಹೊಸದಿಲ್ಲಿ ನಡುವೆ ಸಂಚಾರ ನಡೆಸುವ ಈ ರೈಲು ಪ್ರಯಾಗ್ ನಿಂದ ನವದೆಹಲಿಗೆ ಸಾಗುತ್ತಿದ್ದ ವೇಳೆ ರಾತ್ರಿ 12.54ರ ಸುಮಾರಿಗೆ ಈ ಅಪಘಾತ ಸಂಭವಿಸಿದೆ. ಇಲ್ಲಿಯವರೆಗೆ ಯಾವುದೇ ಸಾವು ಸಂಭವಿಸಿರುವ ಬಗ್ಗೆ ವರದಿಯಾಗಿಲ್ಲ.

ಅಪಘಾತದ ಸಮಯದಲ್ಲಿ, ರೈಲು ವೇಗವು ಗಂಟೆಗೆ 100 ಕಿಲೋಮೀಟರ್ ಇತ್ತು. ಕಂಪ್ಲಿಂಗ್ ಮುರಿದಿದ್ದ ಚಲಿಸುತ್ತಿದ್ದ ರೈಲಿನ ಇಂಜಿನ್ ಹಾಗೂ ಮುಂದಿನ 5 ಬೋಗಿಗಳು ಮುಂದೆ ಸಾಗಿ 12 ಬೋಗಿಗಳು ಸಂಪರ್ಕ ಕಳೆದುಕೊಂಡವು ಎಂದು ಹೇಳಲಾಗಿದೆ. ಈ ಘಟನೆ ಕಾನ್ಪುರದಿಂದ ಸುಮಾರು 20 ಕಿಲೋಮೀಟರ್ ದೂರದಲ್ಲಿ ನಡೆದಿದೆ.

ರೈಲು ಅಪಘಾತದ ಮಾಹಿತಿಯನ್ನು ಸ್ವೀಕರಿಸಿದ ನಂತರ, ಸ್ಥಳೀಯ ಆಡಳಿತ ಮತ್ತು ರೈಲ್ವೆ ಆಡಳಿತವು ತಕ್ಷಣ ಸ್ಥಳಕ್ಕೆ ಧಾವಿಸಿದರವು. ರಕ್ಷಣಾ ಕಾರ್ಯಕ್ಕಾಗಿ ಎನ್ಡಿಆರ್ಎಫ್ ತಂಡವನ್ನು ಸ್ಥಳದಲ್ಲಿ ನಿಯೋಜಿಸಲಾಗಿದೆ. ಈ ಅಪಘಾತದಲ್ಲಿ ಯಾವುದೇ ಸಾವು ಸಂಭವಿಸಲಿಲ್ಲ. 20 ಜನರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಅವರನ್ನು  ಹತ್ತಿರದ ಆಸ್ಪತ್ರೆಗಳಲ್ಲಿ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಅಪಘಾತದ ಸ್ಥಳದಲ್ಲಿ 15-20 ಅಂಬ್ಯುಲನ್ಸ್ಗಳನ್ನು ನಿಯೋಜಿಸಲಾಗಿದೆ ಎಂದು ರೈಲ್ವೆ ಅಧಿಕಾರಿಗಳು ಹೇಳಿದ್ದಾರೆ.

ಸಹಾಯವಾಣಿ ಸಂಖ್ಯೆ;
ಈ ರೈಲಿನಲ್ಲಿ ನಿಮ್ಮ ಪರಿಚಿತರಾರಾದರೂ ಪ್ರಯಾಣ ಬೆಳೆಸಿದ್ದಲ್ಲಿ ಅವರ ಬಗ್ಗೆ ಮಾಹಿತಿ ಪಡೆಯಲು ಸಹಾಯವಾಗಿ ರೈಲ್ವೇ ಇಲಾಖೆ ಸಂಖ್ಯೆಯನ್ನು ಬಿಡುಗಡೆ ಮಾಡಿದೆ. ಹೆಲ್ಪ್ಲೈನ್ ಸಂಖ್ಯೆ (033) 26402241, 26402242, 26402243, 26413660.