ಐಎಎಸ್ ಅಧಿಕಾರಿಯಾಗಲು ಬಯಸಿದ್ದ 'ಫೇರ್ ಅಂಡ್ ಲವ್ಲಿ ಗರ್ಲ್' Yami Gautam

ಬೆಂಗಳೂರು: ಬಾಲಿವುಡ್ ನಟಿ ಯಾಮಿ ಗೌತಮ್ ಅವರು ಇಂದು ತಮ್ಮ ಜನ್ಮದಿನವನ್ನು ಆಚರಿಸುತ್ತಿದ್ದಾರೆ. 2012ರಲ್ಲಿ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ನಟಿ ಇಲ್ಲಿಯವರೆಗೆ ಹಲವು ಚಲನಚಿತ್ರಗಳು ಮತ್ತು ಜಾಹೀರಾತುಗಳೊಂದಿಗೆ ತಮ್ಮದೇ ಆದ ಛಾಪು ಮೂಡಿಸಿದ್ದಾರೆ. ನಾವು ಚಿತ್ರೋದ್ಯಮ ನಟಿಯರ ಶಿಕ್ಷಣದ ಬಗ್ಗೆ ಮಾತನಾಡುವ ವೇಳೆ ಯಾಮಿ ಗೌತಮ್ ಅವರ ಹೆಸರೂ ಬಹಳ ಬಾರಿ ಚರ್ಚೆಗೆ ಬಂದಿದೆ. ಯಾಮಿ ಗೌತಮ್ ಬಗೆಗಿನ 10 ವಿಶೇಷ ವಿಷಯಗಳನ್ನು ತಿಳಿದುಕೊಳ್ಳಿ.

1- ಯಾಮಿ ಗೌತಮ್ (Yami Gautam) ಹಿಮಾಚಲ ಪ್ರದೇಶದ ಬಿಲಾಸ್ಪುರದಲ್ಲಿ 1988ರ ನವೆಂಬರ್ 28 ರಂದು ಜನಿಸಿದರು. ಆದರೆ ಅವರು ಚಂಡೀಗಢದಲ್ಲಿ ಅಧ್ಯಯನ ಮಾಡಿದ್ದಾರೆ.

2- ಯಾಮಿ ಗೌತಮ್ ಅವರ ತಂದೆ ಮುಖೇಶ್ ಗೌತಮ್ (Mukesh Gautam) ಪಂಜಾಬಿ ಚಲನಚಿತ್ರ ನಿರ್ದೇಶಕರು. 'ಏಕ್ ನೂರ್' ಮತ್ತು 'ಅಖಿಯಾನ್ ಉದಿಕಾಡಿಯನ್' ಚಿತ್ರಗಳಿಗೆ ಹೆಸರುವಾಸಿಯಾಗಿದ್ದಾರೆ. ಯಾಮಿಯ ಸಹೋದರಿ ಸೂರಿಲಿ ಕೂಡ ಪಂಜಾಬಿ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.

3- ಯಾಮಿ ಗೌತಮ್ ತನ್ನ ಬಾಲಿವುಡ್ ವೃತ್ತಿಜೀವನವನ್ನು 2012 ರ 'ವಿಕ್ಕಿ ದಾನಿ' ಚಿತ್ರದೊಂದಿಗೆ ಪ್ರಾರಂಭಿಸಿದರು, ಆದರೆ ಯಾಮಿ ಅದಕ್ಕೂ ಮುಂಚೆಯೇ ಸಾಕಷ್ಟು ಪ್ರಸಿದ್ಧರಾಗಿದ್ದರು.

4- ವಾಸ್ತವವಾಗಿ 'ಫೇರ್ ಅಂಡ್ ಲವ್ಲಿ' (Fair And Lovely) ಜಾಹೀರಾತಿನಲ್ಲಿ ಯಾಮಿ ಗೌತಮ್ ಟಿವಿಯಲ್ಲಿ ಸ್ವಲ್ಪ ಸಮಯದವರೆಗೆ ಕಾಣಿಸಿಕೊಂಡಿದ್ದಾರೆ. ಈ ಜಾಹೀರಾತಿನೊಂದಿಗೆ ಅವರು ಜನರಲ್ಲಿ ಬಹಳ ಪ್ರಸಿದ್ಧರಾದರು ಮತ್ತು ಇಂದಿಗೂ ಅವರು ಅದರ ಬ್ರಾಂಡ್ ಅಂಬಾಸಿಡರ್ ಆಗಿದ್ದಾರೆ.

ಬೋಳು ತಲೆ ಯುವಕನನ್ನು ಮದುವೆಯಾಗಲಿದ್ದಾಳೆಯೇ ನಟಿ ಯಾಮಿ ಗೌತಮ್...?

5- ಯಾಮಿ ಗೌತಮ್ ಚಿತ್ರಗಳಲ್ಲಿ ಕಾಣಿಸಿಕೊಳ್ಳುವ ಮೊದಲು ಸಣ್ಣ ಪರದೆಯಲ್ಲಿ ಕಾಣಿಸಿಕೊಂಡರು. ಈ ಜಾಹೀರಾತು ಮಾತ್ರವಲ್ಲ, ಟಿವಿ ಧಾರಾವಾಹಿಗಳಾದ 'ಚಾಂದ್ ಕೆ ಪಾರ್ ಚಲೋ' ಮತ್ತು 'ಯೆ ಪ್ಯಾರ್ ನಾ ಹೊಗಾ ಕಮ್' ನಲ್ಲಿಯೂ ಕಾಣಿಸಿಕೊಂಡರು.

ನಾನು ಯಾವತ್ತೂ ಕನ್ನಡ ಚಿತ್ರರಂಗವನ್ನು ಮರೆಯುವುದಿಲ್ಲ- ಯಾಮಿ ಗೌತಮಿ

6- ಬಾಲಿವುಡ್ ಚಿತ್ರಗಳಿಗೆ ಬರುವ ಮೊದಲು ಯಾಮಿ ಗೌತಮ್ ಕನ್ನಡ ಚಿತ್ರ 'ಉಲ್ಲಾಸ ಉತ್ಸಹ'ದಲ್ಲಿ ಕಾಣಿಸಿಕೊಂಡರು. ಈ ಚಿತ್ರದಲ್ಲಿ ಯಾಮಿ ನಟನೆಗೆ ಹೆಚ್ಚು ಮೆಚ್ಚುಗೆ ವ್ಯಕ್ತವಾಯಿತು.

7- ಇದರ ನಂತರ ಅವರು ಈಶ್ವರ್ ನಿವಾಸ್ ಅವರ ಟೋಟಲ್ ಸಿಯಾಪಾ ಚಿತ್ರದಲ್ಲಿ ಕಾಣಿಸಿಕೊಂಡರು. ಈ ಚಿತ್ರದಲ್ಲಿ ಯಾಮಿ ಜೊತೆ ಅಲಿ ಜಾಫರ್ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದಲ್ಲದೆ ಚಿತ್ರದಲ್ಲಿ ಅನುಪಮ್ ಖೇರ್ ಮತ್ತು ಕಿರಣ್ ಖೇರ್ ಪೋಷಕ ಪಾತ್ರಗಳನ್ನು ನಿರ್ವಹಿಸಿದ್ದಾರೆ.

8- ಯಾಮಿ ಅಜಯ್ ದೇವಗನ್ (Ajay Devagan) ಅವರೊಂದಿಗೆ 'ಆಕ್ಷನ್ ಜಾಕ್ಸನ್', ವರುಣ್ ಧವನ್ ಅವರೊಂದಿಗೆ 'ಬದ್ಲಾಪುರ', ಹೃತಿಕ್ ರೋಷನ್ ಅವರೊಂದಿಗೆ 'ಕಾಬಿಲ್' ಮತ್ತು ಪುಲ್ಕಿತ್ ಸಾಮ್ರಾಟ್ ಅವರೊಂದಿಗೆ 'ಸನಮ್ ರೇ' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಮ್ಯಾಕ್ಸಿಮ್ ಇಂಡಿಯಾದಲ್ಲಿ ಮಿಂಚಿದ 'ಉಲ್ಲಾಸ್ ಉತ್ಸಾಹ' ದ ಬೆಡಗಿ ಯಾಮಿ ಗೌತಮಿ

9- ಯಾಮಿ ಗೌತಮ್ ಅವರ 'ಕಬಿಲ್'(Kabil) ಚಿತ್ರಕ್ಕಾಗಿ ಹೆಚ್ಚು ಮೆಚ್ಚುಗೆ ಪಡೆದರು. ಈ ಚಿತ್ರದಲ್ಲಿ ಅವರು ಕುರುಡು ಮಹಿಳೆಯ ಪಾತ್ರವನ್ನು ನಿರ್ವಹಿಸಿದ್ದಾರೆ. ಈ ಚಿತ್ರವು 2017 ರ ಜನವರಿಯಲ್ಲಿ ಬಿಡುಗಡೆಯಾಗಿದ್ದು ಭಾರಿ ಯಶಸ್ಸನ್ನು ಕಂಡಿತು.

10- ಯಾಮಿ ಐಎಎಸ್ ಅಧಿಕಾರಿಯಾಗಲು ಬಯಸಿದ್ದರು. ಅವರು ಕಾನೂನು ಅಧ್ಯಯನ ಮಾಡಿದರು ಮತ್ತು ಯುಪಿಎಸ್ಸಿಗೆ (UPSC) ದೀರ್ಘಕಾಲದವರೆಗೆ ಸಿದ್ಧರಾದರು. ಆದಾಗ್ಯೂ, ನಂತರ ಅವರ ಪ್ರವೃತ್ತಿ ನಟನೆಯ ಕಡೆಗೆ ಬರಲು ಪ್ರಾರಂಭಿಸಿತು ಮತ್ತು ಅವರು ಕಾನೂನು ಅಧ್ಯಯನವನ್ನು ತೊರೆದು ನಟನೆಯಲ್ಲಿ ವೃತ್ತಿಯನ್ನು ಮಾಡುವ ಬಗ್ಗೆ ಯೋಚಿಸಿದರು.