Power Star Pawan : ವೇದಿಕೆ ಮೇಲಿದ್ದ ʼಪವರ್ ಸ್ಟಾರ್ ಪವನ್ʼ ಮೇಲೆ ದಾಳಿ..! ವಿಡಿಯೋ ವೈರಲ್‌

Power Star Pawan : ಕಾರ್ಯಕ್ರಮವೊಂದರಲ್ಲಿ ಭೋಜ್ ಪುರಿ ಚಿತ್ರರಂಗದ ಖ್ಯಾತ ಗಾಯಕ ಹಾಗೂ ನಟ ಪವನ್ ಸಿಂಗ್ ಮೇಲೆ ಕಲ್ಲು ತೂರಾಟ ನಡೆಸಿದ ಪ್ರಕರಣ ಮುನ್ನೆಲೆಗೆ ಬಂದಿದೆ. ಲೈವ್ ಶೋ ವೇಳೆ ಪವನ್ ಸಿಂಗ್ ಮೇಲೆ ಕಲ್ಲು ತೂರಾಟ ನಡೆಸಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮತ್ತು ವೈರಲ್ ವೀಡಿಯೊದಲ್ಲಿ, ಪವನ್ ಸಿಂಗ್ ವೇದಿಕೆಯಲ್ಲಿ ಪ್ರದರ್ಶನ ನೀಡುತ್ತಿರುವಾಗ ಅವರ ಕಿವಿಯ ಹತ್ತಿರ ಕಲ್ಲು ತಾಗಿದ್ದು, ಕಂಡುಬಂದಿದೆ. ಆದರೆ ವರದಿಗಳ ಪ್ರಕಾರ, ಕಲ್ಲು ತೂರಾಟದಲ್ಲಿ ಭೋಜ್‌ಪುರಿ ಗಾಯಕ ಗಂಭೀರವಾಗಿ ಗಾಯಗೊಂಡಿಲ್ಲ ಎನ್ನಲಾಗಿದೆ.

ಈ ಇಡೀ ಘಟನೆ ನಡೆದಿರುವುದು ಉತ್ತರ ಪ್ರದೇಶದ ಬಲ್ಲಿಯಾ ಜಿಲ್ಲೆಯಲ್ಲಿ ಎನ್ನಲಾಗಿದೆ. ನಾಗ್ರಾ ಪೊಲೀಸ್ ಠಾಣೆ ವ್ಯಾಪ್ತಿಯ ಗ್ರಾಮದಲ್ಲಿ ಖಾಸಗಿ ಕಾರ್ಯಕ್ರಮಕ್ಕೆ ಪವನ್ ಸಿಂಗ್ ಆಗಮಿಸಿದ್ದರು. ಇಲ್ಲಿ ಸ್ಟೇಜ್ ಶೋ ನಡೆಸುತ್ತಿದ್ದಾಗ ಯಾರೋ ಪವನ್ ಸಿಂಗ್ ಮೇಲೆ ಕಲ್ಲು ಎಸೆದಿದ್ದಾರೆ. ಕಲ್ಲು ನೇರವಾಗಿ ಅವರ ಮುಖಕ್ಕೆ ಬಡಿದಿದೆ ಎಂದು ಹೇಳಲಾಗಿದೆ. ಘಟನೆಯಲ್ಲಿ ಪವನ್ ಸಿಂಗ್ ಗಂಭೀರವಾಗಿ ಗಾಯಗೊಂಡಿಲ್ಲ. ಪವರ್ ಸ್ಟಾರ್ ಪವನ್ ಸಿಂಗ್ ಭೋಜ್‌ಪುರಿ ಇಂಡಸ್ಟ್ರಿಯಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ.

भोजपुरी सुपरस्टार पवन सिंह के ऊपर शो के दौरान फेंका पत्थर, यूपी के बलिया जिले में हो रहा था शो...#PawanSingh #bhojpuri #BhojpuriActor #UP #Baliya pic.twitter.com/VCoBidrgHR

— Sadhna Mishra (@SadhnaaMishraa) March 8, 2023

ಇದನ್ನೂ ಓದಿ: Andrea jeremiah : ʼಮಹಿಳಾ ದಿನಾಚರಣೆ ದಿನʼವೇ ಟಾಪ್‌ಲೆಸ್‌ ಆದ ʼನಟಿ ಆಂಡ್ರಿಯಾ..!

ಕೇಳಿದ ಹಾಡನ್ನು ಹಾಡಲಿಲ್ಲ ಎಂಬ ಕಾರಣಕ್ಕೆ ಗುಂಪಿನಲ್ಲಿದ್ದ ಅಪರಿಚಿತ ಯುವಕ ಪವನ್ ಸಿಂಗ್ ಮೇಲೆ ಕಲ್ಲು ಎಸೆದಿದ್ದಾನೆ ಎನ್ನಲಾಗಿದೆ. ಪವನ್ ಸಿಂಗ್ ಮೇಲೆ ಕಲ್ಲು ತೂರಾಟ ನಡೆದಿದ್ದು, ಈ ವೇಳೆ ಗದ್ದಲ ಉಂಟಾಯಿತು. ಕೆಲವರು ಪವನ್ ಸಿಂಗ್ ಅವರಿಗೆ ಇಷ್ಟವಾದ ಹಾಡುಗಳನ್ನು ಹಾಡುವಂತೆ ಕೇಳಿದರೂ ಅವರು ಹಾಡಲಿಲ್ಲ ಎಂದು ಹೇಳಿದ್ದರಿಂದ ಕೋಪಗೊಂಡ ವ್ಯಕ್ತಿ ಪವನ್ ಸಿಂಗ್ ಮೇಲೆ ಕಲ್ಲು ಎಸೆದಿದ್ದಾನೆ ಎಂದು ಹೇಳಲಾಗುತ್ತಿದೆ.

ಅಲ್ಲದೆ, ಜನಸಂದಣಿಯಲ್ಲಿ ಅಡಗಿಕೊಂಡು ಕಲ್ಲು ತೂರಾಟ ನಡೆಸುತ್ತಿರುವ ವ್ಯಕ್ತಿ ಯಾರು ಎಂದು ವೇದಿಕೆಯಿಂದಲೇ ಪ್ರಶ್ನಿಸಿದ ಪವನ್ ಸಿಂಗ್, ದೈರ್ಯವಿದ್ದರೆ ಮುಂದೆ ಬರಲಿ ಎಂದರು. ಪವನ್ ಸಿಂಗ್ ಅವರನ್ನು ಇದುವರೆಗೆ ತಡೆಯಲು ಯಾರಿಂದಲೂ ಸಾಧ್ಯವಾಗಿಲ್ಲ, ಈ ರೀತಿಯ ಕಲ್ಲುಗಳು ಕೂಡ ಅವರನ್ನು ತಡೆಯಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ. ಈ ಘಟನೆಯ ನಂತರ ಗುಂಪಿನಲ್ಲಿ ನೂಕುನುಗ್ಗಲು ಉಂಟಾಯಿತು. ಈ ಸಂದರ್ಭದಲ್ಲಿ ಪೊಲೀಸರು ಲಘು ಲಾಠಿ ಪ್ರಹಾರ ನಡೆಸಿ ಗುಂಪನ್ನು ಚದುರಿಸಿದರು. ನಾಗ್ರಾ ಪ್ರದೇಶದ ಕವಾಯಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ ಎನ್ನಲಾಗಿದೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.