)
National Film Award 2023: 69 ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ವಿಜೇತರ ಘೋಷಣೆ ಕೆಲವು ಚಿತ್ರಗಳನ್ನು ವಿಶೇಷಗೊಳಿಸಿದೆ. ಇದೀಗ ಈ ಸಿನಿಮಾಗಳನ್ನು ವೀಕ್ಷಿಸಬೇಕೆಂಬ ಕುತೂಹಲ ಸಹಜವಾಗಿಯೇ ಜನರಲ್ಲಿ ಮೂಡಿರುತ್ತದೆ. ಹೆಚ್ಚಿನ ಚಲನಚಿತ್ರಗಳು OTT ನಲ್ಲಿ ಲಭ್ಯವಿವೆ. ಯಾವ ಪ್ಲಾಟ್‌ಫಾರ್ಮ್‌ಗಳಲ್ಲಿ ನೀವು ಅವುಗಳನ್ನು ವೀಕ್ಷಿಸಬಹುದು ಎಂಬುದನ್ನು ತಿಳಿದುಕೊಳ್ಳಿ.
ಅತ್ಯುತ್ತಮ ಚಲನಚಿತ್ರ - ರಾಕೆಟ್ರಿ: ದಿ ನಂಬಿ ಎಫೆಕ್ಟ್. ಚಿತ್ರವನ್ನು ಪ್ರೈಮ್ ವಿಡಿಯೋ, ಜಿಯೋ ಸಿನಿಮಾ, ವೂಟ್ ಸೆಲೆಕ್ಟ್ ನಲ್ಲಿ ಸ್ಟ್ರೀಮ್ ಮಾಡಲಾಗುತ್ತಿದೆ.
ನರ್ಗೀಸ್‌ ದತ್ ಪ್ರಶಸ್ತಿ - ಈ ಪ್ರಶಸ್ತಿಯನ್ನು ದಿ ಕಾಶ್ಮೀರ್ ಫೈಲ್ಸ್ ಪಡೆದಿದೆ. ರಾಷ್ಟ್ರೀಯ ಏಕೀಕರಣದ ಅತ್ಯುತ್ತಮ ಚಿತ್ರಕ್ಕಾಗಿ ಸ್ವೀಕರಿಸಿದೆ. ಇದನ್ನು ಜೀ 5 ನಲ್ಲಿ ವೀಕ್ಷಿಸಬಹುದು. ದಿ ಕಾಶ್ಮೀರ್ ಫೈಲ್ಸ್ ನಲ್ಲಿನ ನಟನೆಗಾಗಿ ಪಲ್ಲವಿ ಜೋಶಿ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿಯನ್ನು ಸಹ ಪಡೆದಿದ್ದಾರೆ.
ಅತ್ಯುತ್ತಮ ಜನಪ್ರಿಯ ಚಿತ್ರ - RRR. ಈ ಚಲನಚಿತ್ರವು Netflix, Zee5, Disney Plus Hotstar ನಲ್ಲಿ ಲಭ್ಯವಿದೆ. ಎಂಎಂ ಕೀರವಾಣಿ ಅವರಿಗೆ ಹಿನ್ನೆಲೆ ಸಂಗೀತಕ್ಕಾಗಿ ಅತ್ಯುತ್ತಮ ಸಂಗೀತ ನಿರ್ದೇಶಕ ಪ್ರಶಸ್ತಿ ಲಭಿಸಿದೆ. ಅದೇ ರೀತಿ, ಆರ್‌ಆರ್‌ಆರ್‌ನ ಕೊಮುರಂ ಭೀಮುಡೋ ಹಾಡಿಗೆ ಕಾಲ ಭೈರವ್‌ಗೆ ಅತ್ಯುತ್ತಮ ಪುರುಷ ಹಿನ್ನೆಲೆ ಗಾಯಕ ಪ್ರಶಸ್ತಿಯನ್ನು ನೀಡಲಾಯಿತು. ಚಿತ್ರಕ್ಕಾಗಿ ವಿ.ಶ್ರೀನಿವಾಸ ಮೋಹನ್ ಅವರಿಗೆ ಅತ್ಯುತ್ತಮ ವಿಎಫ್‌ಎಕ್ಸ್ ಪ್ರಶಸ್ತಿ ನೀಡಲಾಗಿದೆ.
ಇದನ್ನೂ ಓದಿ: ದೇಶಾದ್ಯಂತ ಮೆಚ್ಚುಗೆ ಪಡೆದ 'ಜೈ ಭೀಮ್' ಚಿತ್ರಕ್ಕೆ ಸಿಗದ ರಾಷ್ಟ್ರ ಪ್ರಶಸ್ತಿ : ನಟ ನಾನಿ ಬೇಸರ
ಅತ್ಯುತ್ತಮ ನಟ - ಅಲ್ಲು ಅರ್ಜುನ್. ಪುಷ್ಪಾ: ದಿ ರೈಸ್‌ಗಾಗಿ ಈ ಪ್ರಶಸ್ತಿಯನ್ನು ನೀಡಲಾಗಿದೆ. ಚಿತ್ರವು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿದೆ. ಈ ಚಿತ್ರಕ್ಕಾಗಿ ದೇವಿ ಶ್ರೀ ಪ್ರಸಾದ್ ಅತ್ಯುತ್ತಮ ಸಂಗೀತ ನಿರ್ದೇಶಕ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನೂ ಪಡೆದಿದ್ದಾರೆ.
ಅತ್ಯುತ್ತಮ ನಟಿ - ಆಲಿಯಾ ಭಟ್ ಮತ್ತು ಕೃತಿ ಸನೂನ್. ಆಲಿಯಾಗೆ ಗಂಗೂಬಾಯಿ ಕಥಿಯಾವಾಡಿ ಮತ್ತು ಕೃತಿಗೆ ಮಿಮಿ ಸಿನಿಮಗಾಗಿ ಈ ಪ್ರಶಸ್ತಿ ದಕ್ಕಿದೆ. ಎರಡೂ ಚಲನಚಿತ್ರಗಳು ನೆಟ್‌ಫ್ಲಿಕ್ಸ್‌ನಲ್ಲಿವೆ. ಮಿಮಿಗಾಗಿ ಪಂಕಜ್ ತ್ರಿಪಾಠಿ ಅತ್ಯುತ್ತಮ ಪೋಷಕ ನಟ ಪ್ರಶಸ್ತಿಯನ್ನು ಸಹ ಪಡೆದಿದ್ದಾರೆ. ಈ ಚಿತ್ರಕ್ಕಾಗಿ ಸಂಜಯ್ ಲೀಲಾ ಬನ್ಸಾಲಿ ಮತ್ತು ಉತ್ಕರ್ಷಿಣಿ ವಶಿಷ್ಟ್ ಅತ್ಯುತ್ತಮ ಚಿತ್ರಕಥೆ ಪ್ರಶಸ್ತಿಯನ್ನು ಸಹ ಪಡೆದಿದ್ದಾರೆ. ಇದೇ ಚಿತ್ರಕ್ಕಾಗಿ ಉತ್ಕರ್ಷಿಣಿ ವಶಿಷ್ಠ ಮತ್ತು ಪ್ರಕಾಶ್ ಕಪಾಡಿಯಾ ಅತ್ಯುತ್ತಮ ಸಂಭಾಷಣೆ ಬರಹಗಾರ ಪ್ರಶಸ್ತಿಯನ್ನು ಪಡೆದರು. ಸಂಜಯ್ ಲೀಲಾ ಬನ್ಸಾಲಿ ಅವರು ಗಂಗೂಬಾಯಿ ಕಥಿವಾಡಿ ಚಿತ್ರಕ್ಕಾಗಿ ಅತ್ಯುತ್ತಮ ಸಂಪಾದಕ ಪ್ರಶಸ್ತಿಯನ್ನು ಪಡೆದರು. ಅದೇ ಸಮಯದಲ್ಲಿ ಪ್ರಿತಿಶಿಲ್ ಸಿಂಗ್ ಡಿಸೋಜಾ ಅವರು ಅತ್ಯುತ್ತಮ ಮೇಕಪ್ ಕಲಾವಿದ ಪ್ರಶಸ್ತಿಯನ್ನು ಸ್ವೀಕರಿಸಿದ್ದಾರೆ.
ಅತ್ಯುತ್ತಮ ಬಾಲ ಕಲಾವಿದ - ಗುಜರಾತಿ ಚಲನಚಿತ್ರ ಛೆಲೋ ಶೋಗಾಗಿ ಭವಿನ್ ರಬಾರಿ ಪ್ರಶಸ್ತಿ ಪಡೆದರು. ಚಿತ್ರವು ನೆಟ್‌ಫ್ಲಿಕ್ಸ್‌ನಲ್ಲಿ ಗುಜರಾತಿ/ಇಂಗ್ಲಿಷ್‌ ಭಾಷೆಯಲ್ಲಿ ಲಭ್ಯವಿದೆ.
ಅತ್ಯುತ್ತಮ ನಿರ್ದೇಶಕ - ಮರಾಠಿ ಚಿತ್ರ ಗೋದಾವರಿಗಾಗಿ ನಿಖಿಲ್ ಮಹಾಜನ್ ಈ ಪ್ರಶಸ್ತಿಯನ್ನು ಪಡೆದರು. ಚಿತ್ರ ಜಿಯೋ ಸಿನಿಮಾದಲ್ಲಿದೆ.
ಅತ್ಯುತ್ತಮ ಮೂಲ ಸ್ಕ್ರಿಪ್ಟ್ - ಮಲಯಾಳಂ ಚಿತ್ರ ನಯಟ್ಟು ಗಾಗಿ ಶಾಹಿ ಕಬೀರ್. ಚಿತ್ರವು ನೆಟ್‌ಫ್ಲಿಕ್ಸ್‌ನಲ್ಲಿದೆ.
ಇದನ್ನೂ ಓದಿ: ಜೈಲರ್ ಒಟ್ಟು ಕಲೆಕ್ಷನ್ ಎಷ್ಟು ಕೋಟಿ ಗೊತ್ತೇ? ಮತ್ತೊಂದು ದಾಖಲೆ ಬರೆದ ರಜನಿ ಸಿನಿಮಾ!
ಇಂದಿರಾ ಗಾಂಧಿ ಪ್ರಶಸ್ತಿ - ನಿರ್ದೇಶಕರು ಈ ಪ್ರಶಸ್ತಿಯನ್ನು ಅತ್ಯುತ್ತಮ ಮೊದಲ ಚಿತ್ರಕ್ಕಾಗಿ ಪಡೆಯುತ್ತಾರೆ. ಮಲಯಾಳಂನ ಮೆಪ್ಪಾಡಿಯನ್ ಚಿತ್ರಕ್ಕೆ ವಿಷ್ಣು ಮೋಹನ್ ಗೆ ಈ ಪ್ರಶಸ್ತಿ ಸಿಕ್ಕಿದೆ. ಚಿತ್ರವು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿದೆ.
ವಿಶೇಷ ತೀರ್ಪುಗಾರರ ಪ್ರಶಸ್ತಿ - ಹಿಂದಿ ಚಲನಚಿತ್ರ ಶೇರ್ ಶಾ. ಚಿತ್ರವು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿದೆ.
ಅತ್ಯುತ್ತಮ ಹಿಂದಿ ಚಿತ್ರ - ಸರ್ದಾರ್ ಉದಾಮ್. ಇದನ್ನು ಪ್ರೈಮ್ ವಿಡಿಯೋದಲ್ಲಿ ನೋಡಬಹುದು. ಚಿತ್ರವು ಅತ್ಯುತ್ತಮ ಛಾಯಾಗ್ರಹಣ (ಅವಿಕ್ ಮುಖೋಪಾಧ್ಯಾಯ), ಅತ್ಯುತ್ತಮ ಆಡಿಯೋಗ್ರಫಿ (ಅನಿಶ್ ಬಸು), ಅತ್ಯುತ್ತಮ ಮರು-ರೆಕಾರ್ಡಿಂಗ್ (ಸಿನೋಯ್ ಜೋಸೆಫ್), ಅತ್ಯುತ್ತಮ ನಿರ್ಮಾಣ ವಿನ್ಯಾಸ (ದಿಮಿತ್ರಿ ಮಲಿಕ್ ಮತ್ತು ಮಾನ್ಸಿ ಧ್ರುವ್ ಮೆಹ್ತಾ), ಅತ್ಯುತ್ತಮ ವಸ್ತ್ರ ವಿನ್ಯಾಸಕ (ವೀರಾ ಕಪೂರ್) ಪ್ರಶಸ್ತಿಗಳನ್ನು ಗೆದ್ದಿದೆ.
ಸಿನಿಮಾ ಕುರಿತ ಅತ್ಯುತ್ತಮ ಪುಸ್ತಕ - ಸಂಗೀತ ಲಕ್ಷ್ಮೀಕಾಂತ್ ಪ್ಯಾರೆಲಾಲ್ - ದಿ ಇನ್‌ಕ್ರೆಡಿಬ್ಲಿ ಮೆಲೋಡಿಯಸ್ ಜರ್ನಿ (ಲೇಖಕರು: ರಾಜೀವ್ ವಿಜಯ್ಕರ್) ನೀವು ಪುಸ್ತಕವನ್ನು ಆನ್‌ಲೈನ್‌ನಲ್ಲಿ ಆರ್ಡರ್ ಮಾಡಬಹುದು.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/watch?v=uzXzteRDY-k
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
Newsletter
