ಅತ್ಯಾಚಾರದ ದೃಶ್ಯಕ್ಕೆ 'ಸೆಕ್ಸ್ ಸೀನ್' ಅಂತ ಹೆಸರಿಟ್ಟ ನೆಟಿಜನ್ಸ್‌ : ನಿಮ್ಗೂ ಅಕ್ಕ-ತಂಗಿ ಇರ್ತಾರೆ ಎಂದ ನಟಿ..!

Mehreen Pirzada : ಮಿಲನ್ ಲುಥ್ರಿಯಾ ನಿರ್ದೇಶನದ, ನಟಿ ಮೆಹ್ರೀನ್ ಪಿರ್ಜಾದಾ ಅಭಿನಯದ ವೆಬ್ ಸರಣಿ 'ಸುಲ್ತಾನ್ ಆಫ್ ದೆಹಲಿ' ಒಟಿಟಿ ಪಾದಾರ್ಪಣೆ ಮಾಡಿದೆ. ಈ ಚಿತ್ರದಲ್ಲಿ ವೈವಾಹಿಕ ಅತ್ಯಾಚಾರದ ದೃಶ್ಯವನ್ನು "ಸೆಕ್ಸ್" ಎಂದು ವಿವರಿಸಿದ್ದಕ್ಕಾಗಿ ಬೇಸರಗೊಂಡಿರುವ ನಟಿ ಮೆಹ್ರೀನ್‌ ನೆಟ್ಟಿಜನ್ಸ್‌ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.

ಹೌದು.. ʼಸುಲ್ತಾನ್‌ ಆಫ್‌ ದೆಹಲಿʼ ವೆಬ್ ಸಿರೀಸ್‌ನಲ್ಲಿ ಮೆಹ್ರೀನ್‌ ಸಂಜನಾ ಎಂಬ ಪಾತ್ರವನ್ನು ನಿರ್ವಹಿಸಿದ್ದಾರೆ. ಈ ಚಿತ್ರದಲ್ಲಿ ವೈವಾಹಿಕ ಅತ್ಯಾಚಾರದ ಭೀಕರ ದೃಶ್ಯವೊಂದಿದೆ. ಈ ಸೀನ್‌ ನೋಡಿದ ನೆಟ್ಟಿಗರು ʼಲೈಂಗಿಕ ದೃಶ್ಯʼ ಅಂತ ಕರೆಯಲಾರಂಭಿಸಿದ್ದಾರೆ. ಇದಕ್ಕೆ ನಟಿ ಸೋಷಿಯಲ್‌ ಮೀಡಿಯಾದಲ್ಲಿ ಸುದೀರ್ಘ ಬರಹದ ಮೂಲಕ ಅಸಾಮಾಧಾನ ಹೊರಹಾಕಿದ್ದಾರೆ. 

ಇದನ್ನೂ ಓದಿ:Bigg Boss 10 : ದೊಡ್ಮನೆಯಲ್ಲಿ ʼಪ್ರೀತಿ-ಸ್ನೇಹʼ ಸಮರ..! ವಿನಯ್ Vs ಸಂಗೀತ, ಕಾರ್ತಿಕ್ ಬೆಂಬಲ ಯಾರಿಗೆ..?

ಇತ್ತೀಚೆಗೆ ನಾನು ಡಿಸ್ನಿ ಹಾಟ್‌ಸ್ಟಾರ್‌ "ಸುಲ್ತಾನ್ ಆಫ್ ದೆಹಲಿ" ವೆಬ್ ಸರಣಿಯ ಮೂಲಕ OTT ಪಾದಾರ್ಪಣೆ ಮಾಡಿದೆ. ನನ್ನ ಅಭಿಮಾನಿಗಳು ಈ ಸಿನಿಮಾವನ್ನು ವೀಕ್ಷಿಸಿ ಮೆಚ್ಚಿಕೊಂಡಿದ್ದಾರೆ ಎಂದು ನಾನು ಭಾವಿಸುತ್ತೇನೆ. ಕೆಲವೊಮ್ಮೆ ಸ್ಕ್ರಿಪ್ಟ್‌ ನಿಮ್ಮ ಸ್ವಂತ ನೈತಿಕತೆಗೆ ವಿರುದ್ಧವಾಗಿ ಹೋಗಬಹುದು. ಒಬ್ಬ ವೃತ್ತಿಪರ ನಟಿಯಾಗಿ ಕಥೆಯ ಭಾಗವಾಗಿ ಕೆಲವು ದೃಶ್ಯಗಳನ್ನು ಮಾಡಬೇಕಾಗುತ್ತದೆ.

Recently I made my OTT Debut in the web series, “Sultan of Delhi” on Disney Hotstar. I hope my fans have enjoyed watching the series. Sometimes scripts demand certain actions which might go against your own morals. As a professional actor who considers acting an art and at the…

— Mehreen Pirzada👑 (@Mehreenpirzada) October 17, 2023

ʼದೆಹಲಿ ಸುಲ್ತಾನ್'ನಲ್ಲಿ ಕ್ರೂರ ವೈವಾಹಿಕ ಅತ್ಯಾಚಾರವನ್ನು ಚಿತ್ರಿಸುವ ದೃಶ್ಯವಿತ್ತು. ವೈವಾಹಿಕ ಅತ್ಯಾಚಾರದಂತಹ ಗಂಭೀರ ವಿಷಯವನ್ನು ಮಾಧ್ಯಮಗಳಲ್ಲಿ ಅನೇಕರು "ಲೈಂಗಿಕ ದೃಶ್ಯ" ಎಂದು ವಿವರಿಸಿರುವುದನ್ನು ನೋಡಿ ನನಗೆ ನೋವುಂಟಾಗಿದೆ. ಇದು ಪ್ರಪಂಚದಾದ್ಯಂತ ಅನೇಕ ವೈವಾಹಿಕ ಮಹಿಳೆಯರು ಪ್ರಸ್ತುತ ಅನುಭವಿಸುತ್ತಿರುವ ಗಂಭೀರ ಸಮಸ್ಯೆಯಾಗಿದೆ.

ಇದನ್ನೂ ಓದಿ: ನಟ ಪವನ್ ಕಲ್ಯಾಣ್ ಮಾಜಿ ಪತ್ನಿ ರೇಣು ದೇಸಾಯಿ ಎರಡನೇ ಮದುವೆ..!?

ಈ ರೀತಿಯ ಕ್ರೂರತೆಗೆ ಕೆಲವು ಜನ ಲೈಂಗಿಕ ದೃಶ್ಯ ಅಂತ ಹೇಳುತ್ತಿದ್ದಾರೆ. ಈ ಜನರು ತಮಗೂ ಸಹೋದರಿಯರು ಮತ್ತು ಹೆಣ್ಣುಮಕ್ಕಳಿದ್ದಾರೆ ಎಂದು ಅರ್ಥಮಾಡಿಕೊಳ್ಳಬೇಕು. ಎಂದಿಗೂ ಅವರು ಇಂತಹ ಆಘಾತಕ್ಕೆ ಒಳಗಾಗಬಾರದು ಎಂದು ನಾನು ದೇವರನ್ನು ಪ್ರಾರ್ಥಿಸುತ್ತೇನೆ. ಇಂತಹ ಕ್ರೌರ್ಯ ಮತ್ತು ಮಹಿಳೆಯರ ಮೇಲಿನ ದೌರ್ಜನ್ಯದ ಚಿಂತನೆಯು ಅಸಹ್ಯಕರವಾಗಿದೆ ಎಂದು ನಟಿ ಬೇಸರ ವ್ಯಕ್ತಪಡಿಸಿದ್ದಾರೆ.

ʼಸುಲ್ತಾನ್‌ ಆಫ್‌ ದೆಹಲಿʼ ಸಿನಿಮಾ ಅಕ್ಟೋಬರ್ 13 ರಂದು ಡಿಸ್ನಿ+ ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆಯಾಯಿತು. ಇದು ಅರ್ನಾಬ್ ರೇ ಅವರ ಕಾದಂಬರಿ "ಸುಲ್ತಾನ್ ಆಫ್ ದೆಹಲಿ: ಅಸೆನ್ಶನ್" ಆಧರಿತ ಸಿನಿಮಾ ಆಗಿದೆ. ತಾಹಿರ್ ರಾಜ್ ಭಾಸಿನ್, ಮೌನಿ ರಾಯ್, ಅಂಜುಮ್ ಶರ್ಮಾ, ವಿನಯ್ ಪಾಠಕ್, ಅನುಪ್ರಿಯಾ ಗೋಯೆಂಕಾ, ನಿಶಾಂತ್ ದಹಿಯಾ, ಮೆಹ್ರೀನ್ ಪಿರ್ಜಾದಾ, ಹರ್ಲೀನ್ ಸೇಥಿ ಸೇರಿದಂತೆ ಹಲವು ಖ್ಯಾತ ನಟರ ದಂಡೇ ಈ ಸಿನಿಮಾದಲ್ಲಿದೆ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://tinyurl.com/7jmvv2nz
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.