PNB Interest Rates: ಹೋಂ ಲೋನ್ ಸೇರಿದಂತೆ ಇತರಸಾಲಗಳ ಬಡ್ಡಿದರ ಹೆಚ್ಚಿಸಿದ ಬ್ಯಾಂಕ್

ಬೆಂಗಳೂರು : PNB Interest Rates : ಏರುತ್ತಿರುವ ಹಣದುಬ್ಬರದ ನಡುವೆ ಮತ್ತೊಂದು ಆಘಾತಕಾರಿ ಸುದ್ದಿ ಕೇಳಿಬಂದಿದೆ. PNB ಗ್ರಾಹಕರಾಗಿದ್ದು, ಗೃಹ ಸಾಲ ಅಥವಾ ಇನ್ನಾವುದೇ ಸಾಲವನ್ನು ತೆಗೆದುಕೊಂಡಿದ್ದರೆ, ಈ ಸುದ್ದಿ ತುಂಬಾ ಮುಖ್ಯವಾಗಿದೆ. ಪಂಜಾಬ್ ನ್ಯಾಷನಲ್ ಬ್ಯಾಂಕ್ ನಂತರ, ಈಗ PNB ಹೌಸಿಂಗ್ ಫೈನಾನ್ಸ್ ಕೂಡ ಸಾಲದ ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸಿದೆ. ಈ ಬಾರಿ PNB ಹೌಸಿಂಗ್ ಗೃಹ ಸಾಲದ ಜೊತೆಗೆ ಅನೇಕ ಚಿಲ್ಲರೆ ಸಾಲಗಳ ಮೇಲಿನ ಬಡ್ಡಿ ದರವನ್ನು 35 ಬೇಸಿಸ್ ಪಾಯಿಂಟ್‌ಗಳಷ್ಟು ಅಂದರೆ ಶೇಕಡಾ 0.35 ರಷ್ಟು ಹೆಚ್ಚಿಸಿದೆ. ಹೊಸ ದರಗಳು ಇಂದಿನಿಂದ ಅಂದರೆ ಮೇ 9 ರಿಂದಲೇ ಜಾರಿಗೆ ಬಂದಿವೆ.

PNB ಹೌಸಿಂಗ್ ಅಡಿಯಲ್ಲಿ ಗ್ರಾಹಕರು ಮನೆ ನಿರ್ಮಿಸಲು ಮತ್ತು ಮನೆ ಖರೀದಿಸಲು ಸಾಲವನ್ನು ಪಡೆಯುತ್ತಾರೆ. ಚಿಲ್ಲರೆ ಮತ್ತು ಕಾರ್ಪೊರೇಟ್ ಎರಡೂ ಇದರಲ್ಲಿ ಪಾಲನ್ನು ಹೊಂದಿವೆ. ಆದರೆ ಈಗ ಗ್ರಾಹಕರು ಇದಕ್ಕಾಗಿ ಹೆಚ್ಚಿನ ಇಎಂಐ ಪಾವತಿಸಬೇಕಾಗುತ್ತದೆ. ಇದಲ್ಲದೇ ಹೊಸದಾಗಿ ಸಾಲ ಪಡೆಯುವವರು ಕೂಡಾ ಹೆಚ್ಚಿನ ಬಡ್ಡಿ ಕಟ್ಟಬೇಕಾಗುತ್ತದೆ. ಈ ಹಿಂದೆ PNB ಬ್ಯಾಂಕ್ ಕೂಡ ತನ್ನ ಬಡ್ಡಿದರವನ್ನು ಹೆಚ್ಚಿಸಿತ್ತು.

ಇದನ್ನೂ ಓದಿ : Gold Price Today: ಇಂದು ನಿಮ್ಮ ನಗರದಲ್ಲಿ ಚಿನ್ನ ಬೆಳ್ಳಿ ದರ ಎಷ್ಟಿದೆ ತಿಳಿಯಿರಿ

ಬ್ಯಾಂಕ್ ನೀಡಿದೆ ಮಾಹಿತಿ :
ಈ ಬಗ್ಗೆ ಪಿಎನ್ ಬಿ ಹೌಸಿಂಗ್ ವಿವರವಾದ ಮಾಹಿತಿ ನೀಡಿದೆ. ಅದರಂತೆ, ಹೊಸ ಬಡ್ಡಿದರಗಳು ವಿವಿಧ ದಿನಾಂಕಗಳಿಂದ ಅನ್ವಯಿಸುತ್ತವೆ. ಹೊಸ ಗ್ರಾಹಕರಿಗೆ RLLR ಮೇ 7, 2022 ರಿಂದ ಜಾರಿಗೆ ಬರಲಿದ್ದು, ಅಸ್ತಿತ್ವದಲ್ಲಿರುವ ಗ್ರಾಹಕರಿಗೆ ರೆಪೊ ಲಿಂಕ್ಡ್ ಲೆಂಡಿಂಗ್ ದರ ಜೂನ್ 1, 2022 ರಿಂದ 6.90 ಪ್ರತಿಶತ ಇರಲಿದೆ.  

ಈ ಹಿಂದೆ PNB ಕೂಡ ಬಡ್ಡಿದರವನ್ನು ಹೆಚ್ಚಿಸಿತ್ತು. ಇದರ ಅಡಿಯಲ್ಲಿ ಬಡ್ಡಿದರವನ್ನು ಶೇಕಡಾ 0.40 ರಿಂದ ಶೇಕಡಾ 6.90 ಕ್ಕೆ ಹೆಚ್ಚಿಸಲಾಗಿದೆ. ಜೂನ್ 1, 2022 ರಿಂದ ಜಾರಿಗೆ ಬರುವಂತೆ, ಅಸ್ತಿತ್ವದಲ್ಲಿರುವ ಗ್ರಾಹಕರಿಗೆ RLLR ಶೇಕಡಾ 6.50 ರಿಂದ 6.90 ಕ್ಕೆ ಹೆಚ್ಚಾಗಿದೆ ಎಂದು PNB ಷೇರು ಮಾರುಕಟ್ಟೆಗೆ ತಿಳಿಸಿದೆ. 

ಇದನ್ನೂ ಓದಿ : Petrol Diesel Price may 9th : ದಾಖಲೆ ಮಟ್ಟದಲ್ಲಿ ಏರಿಕೆಯಾದ ಕಚ್ಚಾ ತೈಲ ಬೆಲೆ, ಮತ್ತೆ ಹೆಚ್ಚುತ್ತದೆಯೇ ಪೆಟ್ರೋಲ್-ಡೀಸೆಲ್ ದರ ?

ರೆಪೋ ದರ ಹೆಚ್ಚಿಸಿದ RBI  : 
ಮೇ 4 ರಂದು, RBI ರೆಪೊ ದರವನ್ನು 4 ಪ್ರತಿಶತದಿಂದ 4.40 ಪ್ರತಿಶತಕ್ಕೆ ಹೆಚ್ಚಿಸಲು ಘೋಷಿಸಿತ್ತು. ಜಾಗತಿಕ ಮಾರುಕಟ್ಟೆಯಲ್ಲಿ ಹೆಚ್ಚುತ್ತಿರುವ ವಸ್ತುಗಳ ಬೆಲೆ ಮತ್ತು ಪೆಟ್ರೋಲ್, ಡೀಸೆಲ್ ಸೇರಿದಂತೆ ಇತರ ಇಂಧನಗಳ ಬೆಲೆ ಹೆಚ್ಚುತ್ತಿರುವ ಕಾರಣ ರೆಪೋ ದರವನ್ನು ಬದಲಾಯಿಸಬೇಕಾಗಿದೆ ಎಂದು ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಹೇಳಿದ್ದಾರೆ. ಅಂದಿನಿಂದ, ಬ್ಯಾಂಕ್‌ಗಳು ಬಡ್ಡಿದರವನ್ನು ಹೆಚ್ಚಿಸುತ್ತಿವೆ. ಈ ಅನುಕ್ರಮದಲ್ಲಿ, ಇಲ್ಲಿಯವರೆಗೆ ಐಸಿಐಸಿಐ ಬ್ಯಾಂಕ್, ಬ್ಯಾಂಕ್ ಆಫ್ ಬರೋಡಾ ಮತ್ತು ಬ್ಯಾಂಕ್ ಆಫ್ ಇಂಡಿಯಾ ಕೂಡ ರೆಪೋ ಆಧಾರಿತ ಬಡ್ಡಿದರಗಳನ್ನು ಹೆಚ್ಚಿಸಿವೆ. 

 

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.