EPFO: ಹೊಸ ಪಿಂಚಣಿ ಯೋಜನೆ ಜಾರಿಗೆ ತರಲು ಸರ್ಕಾರದ ಸಿದ್ಧತೆ: ಹೋಳಿಗೆ ಮುನ್ನವೇ ಸಿಗಲಿದೆ ಬಿಗ್ ಗಿಫ್ಟ್!

EPFO New Pension Scheme: ನೀವು ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಯ (ಇಪಿಎಫ್‌ಒ) ಸದಸ್ಯರಾಗಿದ್ದರೆ ಈ ಸುದ್ದಿ ನಿಮಗಾಗಿ. ವರದಿಗಳ ಪ್ರಕಾರ, ನಿವೃತ್ತಿ ನಿಧಿ ಸಂಸ್ಥೆಯಾದ ಇಪಿಎಫ್‌ಒ ಸಂಘಟಿತ ವಲಯದ ಉದ್ಯೋಗಿಗಳಿಗೆ ಹೊಸ ಪಿಂಚಣಿ ಯೋಜನೆಯನ್ನು ತರಲು ಚಿಂತಿಸುತ್ತಿದೆ. ವಾಸ್ತವವಾಗಿ, ತಿಂಗಳಿಗೆ 15,000 ರೂ.ಗಿಂತ ಹೆಚ್ಚು ಮೂಲ ವೇತನವನ್ನು ಪಡೆಯುವ ನೌಕರರು ಪಿಂಚಣಿ ಯೋಜನೆ 1995 (ಇಪಿಎಸ್-95) ಅಡಿಯಲ್ಲಿ ಒಳಪಡುವುದಿಲ್ಲ. ಪ್ರಸ್ತುತ, ಸಂಘಟಿತ ವಲಯದ ಉದ್ಯೋಗಿಗಳ ಮೂಲ ವೇತನ (ಮೂಲ ವೇತನ ಮತ್ತು ತುಟ್ಟಿಭತ್ಯೆ) ರೂ. 15,000 ವರೆಗೆ ಕಡ್ಡಾಯವಾಗಿ EPS-95 ರ ಅಡಿಯಲ್ಲಿ ಒಳಗೊಂಡಿದೆ.

ಮುಂದಿನ ತಿಂಗಳು ಸಿಬಿಟಿ ಸಭೆ ನಡೆಯಲಿದೆ:

ಪಿಟಿಐನ ಸುದ್ದಿ ಪ್ರಕಾರ, ಇಪಿಎಫ್‌ಒ (EPFO) ಮೂಲವೊಂದು ಇಪಿಎಫ್‌ಒ ಸದಸ್ಯರಲ್ಲಿ ಹೆಚ್ಚಿನ ಕೊಡುಗೆಯ ಮೇಲೆ ಹೆಚ್ಚಿನ ಪಿಂಚಣಿಗಾಗಿ ಬೇಡಿಕೆಯಿದೆ ಎಂದು ಹೇಳಿದೆ. ಹೀಗಾಗಿ ಮಾಸಿಕ ಮೂಲ ವೇತನ 15,000 ರೂ.ಗಿಂತ ಹೆಚ್ಚು ಇರುವವರಿಗೆ ಹೊಸ ಪಿಂಚಣಿ ಉತ್ಪನ್ನ ಅಥವಾ ಯೋಜನೆಯನ್ನು ಸಕ್ರಿಯವಾಗಿ ಪರಿಗಣಿಸಲಾಗುತ್ತಿದೆ. ಮೂಲಗಳ ಪ್ರಕಾರ, ಮಾರ್ಚ್ 11 ಮತ್ತು 12 ರಂದು ಗುವಾಹಟಿಯಲ್ಲಿ ಇಪಿಎಫ್‌ಪಿಯ ಉನ್ನತ ನಿರ್ಧಾರ ತೆಗೆದುಕೊಳ್ಳುವ ಸಂಸ್ಥೆಯಾದ ಸೆಂಟ್ರಲ್ ಬೋರ್ಡ್ ಆಫ್ ಟ್ರಸ್ಟಿಗಳ (ಸಿಬಿಟಿ) ಸಭೆಯಲ್ಲಿ ಈ ಹೊಸ ಪಿಂಚಣಿ ಕುರಿತು ಪ್ರಸ್ತಾವನೆ ಬರಬಹುದು. ಸಭೆಯಲ್ಲಿ, ನವೆಂಬರ್, 2021 ರಲ್ಲಿ CBT ಯಿಂದ ರಚಿಸಲಾದ ಪಿಂಚಣಿ ಸಂಬಂಧಿತ ಸಮಸ್ಯೆಗಳ ಉಪ ಸಮಿತಿಯು ತನ್ನ ವರದಿಯನ್ನು ಸಹ ಸಲ್ಲಿಸುತ್ತದೆ.

ಇದನ್ನೂ ಓದಿ- DL ಅವಧಿ ಮುಗಿದಿದೆಯೇ? ಹಾಗಿದ್ರೆ, Online ನಲ್ಲಿ ಹೇಗೆ ನವೀಕರಿಸಬೇಕು? ಇಲ್ಲಿದೆ ಮಾಹಿತಿ 

ಈಗ ಕಡಿಮೆ ಪಿಂಚಣಿ ಸಿಗುತ್ತದೆ:
15,000 ಕ್ಕಿಂತ ಹೆಚ್ಚು ಮಾಸಿಕ ಮೂಲ ವೇತನವನ್ನು ಪಡೆಯುತ್ತಿರುವ ಇಪಿಎಫ್‌ಒ  (EPFO) ಚಂದಾದಾರರು ಇದ್ದಾರೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ, ಆದರೆ ಅವರು ಇಪಿಎಸ್-95 ಅಡಿಯಲ್ಲಿ ಶೇಕಡಾ 8.33 ರ ಕಡಿಮೆ ದರದಲ್ಲಿ ಕೊಡುಗೆ ನೀಡಲು ಸಮರ್ಥರಾಗಿದ್ದಾರೆ. ಈ ರೀತಿಯಾಗಿ ಅವರು ಕಡಿಮೆ ಪಿಂಚಣಿ ಪಡೆಯುತ್ತಾರೆ. ಇಪಿಎಫ್‌ಒ 2014 ರಲ್ಲಿ ಮಾಸಿಕ ಪಿಂಚಣಿ ಮೂಲ ವೇತನವನ್ನು 15,000 ರೂ. ಗಳಿಗೆ ಮಿತಿಗೊಳಿಸಲು ಯೋಜನೆಯನ್ನು ತಿದ್ದುಪಡಿ ಮಾಡಿತ್ತು. ರೂ. 15,000 ಮಿತಿಯು ಸೇವೆಗೆ ಸೇರುವ ಸಮಯದಲ್ಲಿ ಮಾತ್ರ ಅನ್ವಯಿಸುತ್ತದೆ. ಸಂಘಟಿತ ವಲಯದಲ್ಲಿ ವೇತನ ಪರಿಷ್ಕರಣೆ ಮತ್ತು ಬೆಲೆ ಏರಿಕೆಯಿಂದಾಗಿ 1ನೇ ಸೆಪ್ಟೆಂಬರ್ 2014 ರಿಂದ ಜಾರಿಗೆ ಬರುವಂತೆ ಇದನ್ನು ರೂ. 6,500 ರಿಂದ ಮೇಲ್ಮುಖವಾಗಿ ಪರಿಷ್ಕರಿಸಲಾಯಿತು.

ಇದನ್ನೂ ಓದಿ- Bank Holiday March 2022: ಮಾರ್ಚ್ ತಿಂಗಳಲ್ಲಿ 13 ದಿನಗಳವರೆಗೆ ಬ್ಯಾಂಕುಗಳು ಬಂದ್ ಇರಲಿವೆ, ಈ ಪಟ್ಟಿ ನಿಮ್ಮ ಬಳಿಯೂ ಇರಲಿ

ಬಡ್ಡಿ ದರವೂ ಹೆಚ್ಚಾಗಬಹುದು:
ಮುಂದಿನ ತಿಂಗಳು ನಡೆಯಲಿರುವ ಸಭೆಯಲ್ಲಿ 2021-22ನೇ ಹಣಕಾಸು ವರ್ಷದ ಬಡ್ಡಿ ದರದ ಬಗ್ಗೆಯೂ ತೀರ್ಮಾನ ಕೈಗೊಳ್ಳಲಾಗುವುದು. ಕೇಂದ್ರ ಕಾರ್ಮಿಕ ಸಚಿವ ಭೂಪೇಂದ್ರ ಯಾದವ್ ಸಭೆಯ ಬಗ್ಗೆ ಮಾಹಿತಿ ನೀಡಿದ್ದರು. 2021-22ರ ಬಡ್ಡಿದರಗಳನ್ನು ನಿಗದಿಪಡಿಸುವ ಪ್ರಸ್ತಾವನೆಯನ್ನು ಈ ಸಭೆಯಲ್ಲಿ ಪಟ್ಟಿ ಮಾಡಲಾಗಿದೆ ಎಂದು ಅವರು ತಿಳಿಸಿದ್ದರು. ಯಾದವ್ ಅವರು CBT ಮುಖ್ಯಸ್ಥರಾಗಿದ್ದಾರೆ. ಗಮನಾರ್ಹವಾಗಿ, ಹಿಂದಿನ ಮಾರ್ಚ್ 2021 ರಲ್ಲಿ, CBT 2020-21 ರ ಆರ್ಥಿಕ ವರ್ಷಕ್ಕೆ EPF ಠೇವಣಿಗಳ ಮೇಲೆ 8.5 ಶೇಕಡಾ ಬಡ್ಡಿ ದರವನ್ನು ನಿಗದಿಪಡಿಸಿತ್ತು.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.