Auto-Taxi ದರ ಹೆಚ್ಚಳ, ಹೊಸ ದರಗಳನ್ನು ತ್ವರಿತವಾಗಿ ಪರಿಶೀಲಿಸಿ

ಮುಂಬೈ : Auto-Taxi Fare Hike: ಪೆಟ್ರೋಲ್-ಡೀಸೆಲ್ ಬೆಲೆಗಳು ದಿನೇ ದಿನೇ ಆಕಾಶ ಮುಟ್ಟುತ್ತಿದೆ. ಎಲ್‌ಪಿಜಿ ಸಿಲಿಂಡರ್ ಮತ್ತೆ 25 ರೂ.ಗಳಷ್ಟು ದುಬಾರಿಯಾಗಿದೆ. ಇದರ ಬೆನ್ನಲ್ಲೇ ಈಗ ಸಿಎನ್‌ಜಿ ಆಟೋ ಮತ್ತು ಟ್ಯಾಕ್ಸಿ ದರಗಳು ಕೂಡ ಹೆಚ್ಚಾಗಿದೆ. ಮುಂಬೈಯಲ್ಲಿ ಸಿಎನ್‌ಜಿ ನಡೆಸುವ ಆಟೋಗಳು ಮತ್ತು ಟ್ಯಾಕ್ಸಿಗಳ ದರವನ್ನು ಕನಿಷ್ಠ 3 ರೂಪಾಯಿಗಳಷ್ಟು ಹೆಚ್ಚಿಸಲಾಗಿದೆ. ಆಟೋ ಮತ್ತು ಟ್ಯಾಕ್ಸಿಗಳ ಹೆಚ್ಚಿದ ದರಗಳು ಇಂದಿನಿಂದ ಜಾರಿಗೆ ಬಂದಿವೆ.

ಮುಂಬೈನಲ್ಲಿ ಆಟೋ-ಟ್ಯಾಕ್ಸಿ ಶುಲ್ಕ ಹೆಚ್ಚಾಗಿದೆ :

ಮುಂಬೈ ಮಹಾನಗರ ಪ್ರದೇಶದಲ್ಲಿ ಸುಮಾರು 60 ಸಾವಿರ ಟ್ಯಾಕ್ಸಿಗಳು ಮತ್ತು 4.6 ಲಕ್ಷ ಆಟೋ (Auto) ರಿಕ್ಷಾಗಳು ಓಡುತ್ತವೆ. ಅವುಗಳಲ್ಲಿ ಕೆಲವು ಪೆಟ್ರೋಲ್‌ನೊಂದಿಗೆ ಸಹ ಓಡುತ್ತವೆ. ಆರ್‌ಟಿಒ ಪ್ರಕಾರ ಟ್ಯಾಕ್ಸಿಯಲ್ಲಿ 1.5 ಕಿ.ಮೀ ದೂರಕ್ಕೆ ಕನಿಷ್ಠ ಶುಲ್ಕವನ್ನು ಈಗ 22 ರೂ.ನಿಂದ 25 ರೂ.ಗೆ ಹೆಚ್ಚಿಸಲಾಗಿದೆ. ಆಟೋ ರಿಕ್ಷಾಗಳಿಗೆ ಕನಿಷ್ಠ ಶುಲ್ಕವನ್ನು 18 ರೂ. ನಿಂದ 21 ಕ್ಕೆ ಹೆಚ್ಚಿಸಲಾಗಿದೆ ಎಂದು ತಿಳಿದುಬಂದಿದೆ.

ಅಂತೆಯೇ, ಆಟೋ ರಿಕ್ಷಾಗೆ ರಾತ್ರಿ (ಮಧ್ಯರಾತ್ರಿಯಿಂದ ಬೆಳಿಗ್ಗೆ) ಕನಿಷ್ಠ ಆಟೋ ರಿಕ್ಷಾ ಶುಲ್ಕ ₹ 27 ಮತ್ತು ಕನಿಷ್ಠ ಟ್ಯಾಕ್ಸಿ (Taxi) ಶುಲ್ಕ ಈಗ ₹ 32 ಆಗಿದೆ.

ಇದನ್ನೂ ಓದಿ - New guidelines: ಅಂತಹದ್ದೇನಾಗಿದೆ.? ವಿದೇಶಿ ವಿಮಾನಗಳ ಹಾರಾಟಕ್ಕೆ ಭಾರತ ಬ್ರೇಕ್ ಹಾಕಿದ್ದು ಯಾಕೆ?

ಕನಿಷ್ಠ ಶುಲ್ಕವನ್ನು 3 ರೂ. ಹೆಚ್ಚಿಸಲಾಗಿದೆ: 
ಕಳೆದ ವಾರ ಮಹಾರಾಷ್ಟ್ರ (Maharashtra)  ಮುಖ್ಯ ಸಾರಿಗೆ ಕಾರ್ಯದರ್ಶಿ ನೇತೃತ್ವದ ಮುಂಬೈ ಮಹಾನಗರ ಪ್ರದೇಶ ಸಾರಿಗೆ ಪ್ರಾಧಿಕಾರದ (ಎಂಎಂಆರ್ಟಿಎ) ಸಭೆಯಲ್ಲಿ ಟ್ಯಾಕ್ಸಿ ಮತ್ತು ಆಟೋ ರಿಕ್ಷಾ ಶುಲ್ಕವನ್ನು ಕನಿಷ್ಠ 3 ರೂ.ಗೆ ಹೆಚ್ಚಿಸುವ ನಿರ್ಧಾರ ತೆಗೆದುಕೊಳ್ಳಲಾಗಿದೆ. 

ಆರ್‌ಟಿಒ ಅಧಿಕಾರಿಯ ಪ್ರಕಾರ, ನಾಲ್ಕು ಸದಸ್ಯರ ಖತುವಾ ಸಮಿತಿ ಸೂಚಿಸಿದ ಸೂತ್ರದಿಂದ ಶುಲ್ಕ ಹೆಚ್ಚಳವನ್ನು ಲೆಕ್ಕಹಾಕಲಾಗಿದೆ. ಇದರಲ್ಲಿ ಟ್ಯಾಕ್ಸಿಗೆ 2.09 ರೂ ಮತ್ತು ಆಟೋ ರಿಕ್ಷಾಗೆ 2.01 ರೂ ಹೆಚ್ಚಳವಾಗಿದೆ ಎಂದು ಹೇಳಲಾಗಿದೆ.  

ಇದನ್ನೂ ಓದಿ - Flight Emergency Landing : ಕಳ್ಳ ಬೆಕ್ಕಿಗೆ ಹೆದರಿ ಎಮರ್ಜೆನ್ಸಿ ಲ್ಯಾಂಡ್ ಆದ ವಿಮಾನ.!

6 ವರ್ಷಗಳ ನಂತರ ಹೆಚ್ಚಿದ ಬಾಡಿಗೆ :
ಕೊನೆಯ ಬಾರಿಗೆ ಶುಲ್ಕವನ್ನು 1 ಜೂನ್ 2015 ರಂದು ಹೆಚ್ಚಿಸಲಾಯಿತು. 6 ವರ್ಷಗಳ ನಂತರ ಆಟೋ ಮತ್ತು ಟ್ಯಾಕ್ಸಿ ದರವನ್ನು ಹೆಚ್ಚಿಸಲಾಗುತ್ತಿದೆ ಎಂದು ಮಹಾರಾಷ್ಟ್ರ ಸಾರಿಗೆ ಸಚಿವ ಅನಿಲ್ ಪರಬ್ ಕಳೆದ ವಾರ ಹೇಳಿದ್ದಾರೆ. ಇದು ಬಹಳ ಸಮಯದಿಂದ ಬಾಕಿ ಇತ್ತು. ಟ್ಯಾಕ್ಸಿಗಳು ಮತ್ತು ಆಟೋಗಳನ್ನು ನಿರ್ವಹಿಸುವ ಚಾಲಕರು ಮಾರ್ಚ್ 31 ರೊಳಗೆ ತಮ್ಮ ವಾಹನಗಳಲ್ಲಿ ಎಲೆಕ್ಟ್ರಾನಿಕ್ ಫೇರ್ ಮೀಟರ್‌ಗಳನ್ನು ಅಳವಡಿಸಬೇಕಾಗುತ್ತದೆ. ಅಲ್ಲಿಯವರೆಗೆ ಅವರು ಪರಿಷ್ಕೃತ ಸುಂಕ ಕಾರ್ಡ್‌ನಿಂದ ಹೆಚ್ಚಿದ ಶುಲ್ಕವನ್ನು ಸಂಗ್ರಹಿಸಬಹುದು ಎಂದು ಹೇಳಲಾಗಿದೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe 
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.