Russia Moon Mission: ਰੂਸ ਦਾ 'ਚੰਦਰਮਾ ਮਿਸ਼ਨ' ਅਸਫਲ! Luna 25 spacecraft ਕਰੈਸ਼!

Russia Moon Mission News: ਰੂਸ ਦੇ ਚੰਦਰਮਾ ਮਿਸ਼ਨ ਨੂੰ ਵੱਡਾ ਝਟਕਾ ਲੱਗਾ ਹੈ। ਰੂਸ ਦਾ ਲੂਨਾ-25 ਮਿਸ਼ਨ ਚੰਦਰਮਾ 'ਤੇ ਕਰੈਸ਼ ਹੋ ਗਿਆ ਹੈ। ਦਰਅਸਲ ਇਸ ਦਾ ਪੁਲਾੜ ਯਾਨ ਲੂਨਾ-25 ਸੋਮਵਾਰ ਨੂੰ ਚੰਦਰਮਾ ਦੀ ਸਤ੍ਹਾ 'ਤੇ ਉਤਰਨ ਦੀ ਤਿਆਰੀ 'ਚ ਕ੍ਰੈਸ਼ ਹੋ ਗਿਆ ਹੈ। ਇਸ ਦੀ ਪੁਸ਼ਟੀ ਰੂਸ ਦੀ ਪੁਲਾੜ ਏਜੰਸੀ ਨੇ ਕੀਤੀ ਹੈ। ਏਜੰਸੀ ਨੇ ਕਿਹਾ ਕਿ ਲੂਨਾ-25 ਪ੍ਰੋਪਲਸ਼ਨ ਚਾਲ ਦੌਰਾਨ ਚੰਦਰਮਾ ਦੀ ਸਤ੍ਹਾ ਨਾਲ ਟਕਰਾ ਗਿਆ। ਇਸ ਕਾਰਨ ਉਹ ਹਾਦਸੇ ਦਾ ਸ਼ਿਕਾਰ ਹੋ ਗਿਆ ਹੈ।

ਜ਼ਿਕਰਯੋਗ ਹੈ ਕਿ ਇਕ ਦਿਨ ਪਹਿਲਾਂ ਲੂਨਾ-25 ਪੁਲਾੜ ਯਾਨ 'ਚ ਤਕਨੀਕੀ ਖਰਾਬੀ ਆ ਗਈ ਸੀ। ਰੋਸਕੋਸਮੌਸ ਨੇ ਇਕ ਦਿਨ ਪਹਿਲਾਂ ਕਿਹਾ ਸੀ ਕਿ ਲੈਂਡਿੰਗ ਤੋਂ ਪਹਿਲਾਂ ਆਰਬਿਟ ਨੂੰ ਬਦਲਦੇ ਸਮੇਂ ਅਸਧਾਰਨ ਸਥਿਤੀ ਪੈਦਾ ਹੋ ਗਈ ਸੀ, ਜਿਸ ਕਾਰਨ ਲੂਨਾ-25 ਔਰਬਿਟ ਨੂੰ ਸਹੀ ਢੰਗ ਨਾਲ ਨਹੀਂ ਬਦਲ ਸਕਿਆ। ਪੁਲਾੜ ਏਜੰਸੀ ਨੇ ਕਿਹਾ ਕਿ ਮਾਹਰ ਫਿਲਹਾਲ ਅਚਾਨਕ ਆਈ ਸਮੱਸਿਆ ਨਾਲ ਨਜਿੱਠਣ ਵਿਚ ਅਸਮਰੱਥ ਹਨ। ਉਹ ਇਸ 'ਤੇ ਲਗਾਤਾਰ ਕੰਮ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ ਰੂਸੀ ਏਜੰਸੀ ਨੇ ਕਿਹਾ ਸੀ ਕਿ ਲੂਨਾ 21 ਅਗਸਤ ਨੂੰ ਚੰਦਰਮਾ ਦੀ ਸਤ੍ਹਾ 'ਤੇ ਉਤਰੇਗੀ।

ਇਹ ਵੀ ਪੜ੍ਹੋ: Chandrayaan-3 Update: ਚੰਦਰਯਾਨ-3 ਨਿਸ਼ਚਿਤ ਰਫ਼ਤਾਰ ਨਾਲ ਵੱਧ ਰਿਹਾ ਅੱਗੇ,'ਲੈਂਡਰ ਵਿਕਰਮ' ਚੰਦਰਮਾ ਦੇ ਸਭ ਤੋਂ ਨਜ਼ਦੀਕ ਪਹੁੰਚਿਆ!