IND vs SA Final: ਦੱਖਣੀ ਅਫਰੀਕਾ ਦੇ ਇਹ ਖਿਡਾਰੀ ਟੀਮ ਇੰਡੀਆ 'ਤੇ ਪੈ ਸਕਦੇ ਭਾਰੀ!

India vs South Africa T20 World Cup 2024 Final: T20 ਵਿਸ਼ਵ ਕੱਪ 2024 ਦਾ ਫਾਈਨਲ ਮੁਕਾਬਲਾ ਬਹੁਤ ਮਹੱਤਵਪੂਰਨ ਹੈ। ਅੱਜ ਟੀਮ ਇੰਡੀਆ ਦਾ ਸਾਹਮਣਾ ਦੱਖਣੀ ਅਫਰੀਕਾ ਨਾਲ ਹੋਵੇਗਾ. ਇਹ ਮੈਚ ਬਾਰਬਾਡੋਸ ਦੇ ਕੇਨਸਿੰਗਟਨ ਓਵਲ ਮੈਦਾਨ 'ਤੇ ਖੇਡਿਆ ਜਾਵੇਗਾ। ਟੀਮ ਇੰਡੀਆ ਦਾ ਇਸ ਟੂਰਨਾਮੈਂਟ 'ਚ ਸ਼ਾਨਦਾਰ ਪ੍ਰਦਰਸ਼ਨ ਰਿਹਾ ਹੈ। ਟੀਮ ਦੱਖਣੀ ਅਫਰੀਕਾ ਦੀ ਗੱਲ ਕਰੀਏ ਤਾਂ ਉਹ ਵੀ ਇਸ ਟੂਰਨਾਮੈਂਟ 'ਚ ਅਜੇਤੂ ਰਹੀ ਹੈ। 

 ਵਿਰਾਟ ਕੋਹਲੀ ਬਨਾਮ ਕਾਗਿਸੋ ਰਬਾਡਾ
ਇਸ ਟੂਰਨਾਮੈਂਟ ਵਿੱਚ ਵਿਰਾਟ ਕੋਹਲੀ ਦਾ ਫਾਰਮ ਖ਼ਰਾਬ ਰਿਹਾ ਹੈ, ਉਨ੍ਹਾਂ ਨੇ ਸੱਤ ਮੈਚਾਂ ਵਿੱਚ 10.71 ਦੀ ਔਸਤ ਨਾਲ ਸਿਰਫ਼ 75 ਦੌੜਾਂ ਬਣਾਈਆਂ ਹਨ। ਵਿਰਾਟ ਨੂੰ ਰਬਾਡਾ ਦੀ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਜਿਸ ਨੇ ਅੱਠ ਮੈਚਾਂ ਵਿੱਚ 5.88 ਦੀ ਸ਼ਾਨਦਾਰ ਇਕਨੋਮੀ ਨਾਲ 12 ਵਿਕਟਾਂ ਲਈਆਂ ਹਨ। ਰਬਾਡਾ ਨੇ 13 ਟੀ-20 ਅੰਤਰਰਾਸ਼ਟਰੀ ਪਾਰੀਆਂ 'ਚ ਚਾਰ ਵਾਰ ਕੋਹਲੀ ਨੂੰ ਆਊਟ ਕੀਤਾ ਹੈ ਜਿਸ 'ਚ ਉਸ ਨੇ ਸਿਰਫ 51 ਦੌੜਾਂ ਦਿੱਤੀਆਂ ਹਨ।

ਰਿਸ਼ਭ ਪੰਤ ਬਨਾਮ ਕੇਸ਼ਵ ਮਹਾਰਾਜ
ਪੰਤ ਨੇ ਸੱਤ ਮੈਚਾਂ ਵਿੱਚ 129 ਦੀ ਸਟ੍ਰਾਈਕ ਰੇਟ ਨਾਲ 171 ਦੌੜਾਂ ਬਣਾਈਆਂ ਹਨ ਜਦਕਿ ਮਹਾਰਾਜ ਨੇ 5 ਹੀ ਮੈਚਾਂ ਵਿੱਚ 9 ਵਿਕਟਾਂ ਲਈਆਂ ਹਨ। ਤੀਜੇ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਵਾਲੇ ਪੰਤ ਨੂੰ ਜਲਦੀ ਹੀ ਮਹਾਰਾਜ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਜਸਪ੍ਰੀਤ ਬੁਮਰਾਹ ਬਨਾਮ ਕਵਿੰਟਨ ਡੀ ਕਾਕ
143 ਦੀ ਸਟ੍ਰਾਈਕ ਰੇਟ ਨਾਲ 8 ਮੈਚਾਂ ਵਿੱਚ 204 ਦੌੜਾਂ ਬਣਾਉਣ ਵਾਲੇ ਦੱਖਣੀ ਅਫਰੀਕਾ ਦੇ ਚੋਟੀ ਦੇ ਸਕੋਰਰ ਡੀ ਕਾਕ ਦਾ ਸਾਹਮਣਾ ਬੁਮਰਾਹ ਨਾਲ ਹੋਵੇਗਾ, ਜਿਸ ਨੇ 7 ਮੈਚਾਂ ਵਿੱਚ 4.12 ਦੀ ਇਕਨੋਮੀ ਨਾਲ 13 ਵਿਕਟਾਂ ਲਈਆਂ ਹਨ। ਡੀ ਕਾਕ ਨੂੰ ਬੁਮਰਾਹ ਦੇ ਖਿਲਾਫ ਦੌੜਾਂ ਬਣਾਉਣ ਅਤੇ ਆਪਣਾ ਵਿਕਟ ਗੁਆਉਣ ਤੋਂ ਬਚਣ ਲਈ ਆਪਣਾ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਕਰਨਾ ਹੋਵੇਗਾ।

ਅਕਸ਼ਰ ਪਟੇਲ/ਕੁਲਦੀਪ ਯਾਦਵ ਬਨਾਮ ਹੇਨਰਿਕ ਕਲਾਸੇਨ
ਸਪਿਨ ਦੇ ਖਿਲਾਫ ਆਪਣੀ ਕਾਬਲੀਅਤ ਲਈ ਜਾਣੇ ਜਾਂਦੇ ਕਲਾਸਨ ਨੇ ਇਸ ਵਿਸ਼ਵ ਕੱਪ ਵਿੱਚ ਸੰਘਰਸ਼ ਕੀਤਾ ਹੈ ਅਤੇ 8 ਮੈਚਾਂ ਵਿੱਚ 112 ਦੀ ਸਟ੍ਰਾਈਕ ਰੇਟ ਨਾਲ 138 ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਦਾ ਸਾਹਮਣਾ ਅਕਸ਼ਰ ਅਤੇ ਕੁਲਦੀਪ ਨਾਲ ਹੋਵੇਗਾ, ਜਿਨ੍ਹਾਂ ਨੇ ਆਪਣੀ ਸਟੀਕ ਲਾਈਨ ਨਾਲ ਬੱਲੇਬਾਜ਼ਾਂ ਨੂੰ ਪਰੇਸ਼ਾਨ ਕੀਤਾ ਹੈ। ਦੱਖਣੀ ਅਫਰੀਕਾ ਦੇ ਮੱਧਕ੍ਰਮ ਦੇ ਪ੍ਰਦਰਸ਼ਨ ਨੂੰ ਸੁਧਾਰਨ ਲਈ ਕਲਾਸੇਨ ਨੂੰ ਆਪਣੀ ਫਾਰਮ ਨੂੰ ਮੁੜ ਹਾਸਲ ਕਰਨਾ ਹੋਵੇਗਾ।

ਟੀਮ ਇੰਡੀਆ ਦੀ ਪਲੇਇੰਗ ਇਲੈਵਨ 'ਚ ਕੋਈ ਬਦਲਾਅ ਨਹੀਂ 
ਫਾਈਨਲ 'ਚ ਵਿਰਾਟ ਕੋਹਲੀ ਅਤੇ ਸ਼ਿਵਮ ਦੂਬੇ ਤੋਂ ਅਹਿਮ ਯੋਗਦਾਨ ਦੀ ਉਮੀਦ ਕਰਦੇ ਹੋਏ ਟੀਮ ਇੰਡੀਆ ਪਲੇਇੰਗ ਇਲੈਵਨ ਨਾਲ ਖੇਡਣ ਲਈ ਤਿਆਰ ਹੈ। ਵਿਰਾਟ ਕੋਹਲੀ, ਰੋਹਿਤ ਸ਼ਰਮਾ (C), ਰਿਸ਼ਭ ਪੰਤ (wk), ਸੂਰਿਆਰੁਮਾਰ ਯਾਦਵ, ਹਾਰਦਿਕ ਪੰਡਯਾ, ਸ਼ਿਵਮ ਦੂਬੇ, ਰਵਿੰਦਰ ਜਡੇਜਾ, ਅਕਸ਼ਰ ਪਟੇਲ, ਕੁਲਦੀਪ ਯਾਦਵ, ਅਰਸ਼ਦੀਪ ਸਿੰਘ, ਜਸਪ੍ਰੀਤ ਬੁਮਰਾਹ।

ਬਿਨ੍ਹਾਂ ਕਿਸੇ ਬਦਲਾਅ ਦੇ ਉੱਤਰ ਸਕਦੀ ਦੱਖਣੀ ਅਫਰੀਕਾ 
ਦੱਖਣੀ ਅਫਰੀਕਾ ਵੀ ਬਿਨ੍ਹਾਂ ਕਿਸੇ ਬਦਲਾਅ ਦੇ ਆਪਣੇ ਪਲੇਇੰਗ ਇਲੈਵਨ ਨੂੰ ਮੈਦਾਨ 'ਚ ਉਤਾਰ ਸਕਦਾ ਹੈ। ਟੀਮ ਨੂੰ ਸਲਾਮੀ ਬੱਲੇਬਾਜ਼ ਕਵਿੰਟਨ ਡੀ ਕਾਕ ਅਤੇ ਰੀਜ਼ਾ ਹੈਂਡਰਿਕਸ ਤੋਂ ਮਜ਼ਬੂਤ ​​ਪ੍ਰਦਰਸ਼ਨ ਦੀ ਉਮੀਦ ਹੈ। ਡੀ ਕਾਕ ਵਿਰੋਧੀ ਟੀਮ 'ਤੇ ਗੰਭੀਰ ਦਬਾਅ ਬਣਾਉਣ 'ਚ ਸਮਰੱਥ ਹੈ। ਆਪਣੀ ਵਿਨਾਸ਼ਕਾਰੀ ਬੱਲੇਬਾਜ਼ੀ ਲਈ ਜਾਣੇ ਜਾਂਦੇ ਕਪਤਾਨ ਏਡਨ ਮਾਰਕਰਮ ਅਤੇ ਹੇਨਰਿਕ ਕਲਾਸੇਨ ਨੂੰ ਭਾਰਤ ਦੇ ਸਪਿਨ ਖ਼ਤਰੇ ਵਿਰੁੱਧ ਦੌੜਾਂ ਬਣਾਉਣ ਦੀ ਲੋੜ ਹੈ। 
ਕੁਇੰਟਨ ਡੀ ਕਾਕ (WK), ਰੀਜ਼ਾ ਹੈਂਡਰਿਕਸ, ਏਡਨ ਮਾਰਕਰਮ (C), ਹੇਨਰਿਚ ਕਲਾਸੇਨ, ਡੇਵਿਡ ਮਿਲਰ, ਟ੍ਰਿਸਟਨ ਸਟੱਬਸ, ਮਾਰਕੋ ਜੈਨਸਨ, ਕੇਸ਼ਵ ਮਹਾਰਾਜ, ਕਾਗਿਸੋ ਰਬਾਦਾ, ਐਨਰਿਕ ਨੌਰਟਜੇ, ਤਬਰੇਜ਼ ਸ਼ਮਸੀ।