Ayodhya Ram Mandir: ਇੱਕ ਦਿਨ 'ਚ ਲੱਖਾਂ ਲੋਕ ਕਰ ਰਹੇ ਰਹੇ ਰਾਮਲਲਾ ਦੇ ਦਰਸ਼ਨ, ਪਹਿਲੇ ਦਿਨ ਆਇਆ ਕਰੋੜਾਂ ਦਾ ਦਾਨ

Ram Mandir Donation: ਅਯੁੱਧਿਆ ਰਾਮ ਮੰਦਰ ਵਿੱਚ ਪ੍ਰਾਣ ਪਤਿਸ਼ਠਾ ਦੇ ਬਾਅਦ ਪਹਿਲੇ ਦਿਨ ਸ਼ਰਧਾਲੂਆਂ ਵੱਲੋਂ 3.17 ਕਰੋੜ ਰੁਪਏ ਦਾ ਚੜ੍ਹਾਵਾ ਚੜ੍ਹਾਇਆ ਗਿਆ। ਮੰਦਰ ਦੇ ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਅਯੁੱਧਿਆ ਰਾਮ ਮੰਦਿਰ  ਪ੍ਰਾਣ ਪਤਿਸ਼ਠਾ ਬੜੀ ਧੂਮਧਾਮ ਨਾਲ ਸੰਪੰਨ ਹੋਈ। ਇਸ ਮਹਾਂਉਤਸਵ ਵਿੱਚ ਦੇਸ਼ ਦੇ ਕੋਨੇ-ਕੋਨੇ ਤੋਂ ਲੋਕ ਪਹੁੰਚੇ ਹੋਏ ਸਨ। ਅਯੁੱਧਿਆ ਰਾਮ ਮੰਦਿਰ ਦੇ ਪਵਿੱਤਰ ਸਮਾਰੋਹ ਵਿੱਚ ਅਰਬਪਤੀਆਂ ਤੋਂ ਲੈ ਕੇ ਬਾਲੀਵੁੱਡ ਹਸਤੀਆਂ ਨੇ ਸ਼ਿਰਕਤ ਕੀਤੀ। 

ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਦੇ ਟਰੱਸਟੀ ਅਨਿਲ ਮਿਸ਼ਰਾ ਨੇ ਦੱਸਿਆ ਕਿ ਪ੍ਰਾਣ ਪ੍ਰਤਿਸ਼ਠਾ ਵਾਲੇ ਦਿਨ 10 ਦਾਨ ਕਾਊਂਟਰ ਖੋਲ੍ਹੇ ਗਏ ਸਨ। 22 ਜਨਵਰੀ ਨੂੰ ਪ੍ਰਾਣ ਪ੍ਰਤਿਸ਼ਠਾ ਸਮਾਗਮ ਤੋਂ ਬਾਅਦ, ਸ਼ਰਧਾਲੂਆਂ ਨੇ ਦਾਨ ਕਾਊਂਟਰ ਅਤੇ ਆਨਲਾਈਨ ਦਾਨ ਦੇ ਰੂਪ ਵਿੱਚ 3.17 ਕਰੋੜ ਰੁਪਏ ਦਾਨ ਕੀਤੇ।

ਇਸ ਦੇ ਨਾਲ ਹੀ ਕਿਹਾ ਕਿ  23 ਜਨਵਰੀ ਨੂੰ ਪੰਜ ਲੱਖ ਤੋਂ ਵੱਧ ਸ਼ਰਧਾਲੂਆਂ ਨੇ ਦਰਸ਼ਨ ਕੀਤੇ ਸਨ। ਇੱਕ ਬਿਆਨ ਵਿੱਚ ਜ਼ਿਲ੍ਹਾ ਮੈਜਿਸਟਰੇਟ ਨਿਤੀਸ਼ ਕੁਮਾਰ ਨੇ ਕਿਹਾ ਕਿ ਪ੍ਰਾਣ ਪ੍ਰਤਿਸ਼ਠਾ ਸਮਾਰੋਹ ਦੇ ਦੂਜੇ ਦਿਨ ਬੁੱਧਵਾਰ ਰਾਤ 10 ਵਜੇ ਤੱਕ 2.5 ਲੱਖ ਤੋਂ ਵੱਧ ਸ਼ਰਧਾਲੂਆਂ ਨੇ ਮੰਦਰ ਵਿੱਚ ਦਰਸ਼ਨ ਕੀਤੇ।

ਇਹ ਵੀ ਪੜ੍ਹੋ: Ayodhya Ram lalla: ਅੱਜ ਤੋਂ ਰਾਮਲਲਾ ਦੇ ਦਰਸ਼ਨ ਕਰ ਸਕਣਗੇ ਆਮ ਸ਼ਰਧਾਲੂਆਂ, ਸਵੇਰੇ ਹੀ ਲੱਗੀਆਂ ਲੰਬੀਆਂ ਕਤਾਰਾਂ

ਦੱਸਿਆ ਗਿਆ ਕਿ ਦੂਜੇ ਦਿਨ ਵੀ ਕਰੀਬ 2.5 ਲੱਖ ਸ਼ਰਧਾਲੂਆਂ ਨੇ ਰਾਮਲਲਾ ਦੇ ਦਰਸ਼ਨ ਕੀਤੇ। ਭੀੜ ਨੂੰ ਸਹੀ ਢੰਗ ਨਾਲ ਸੰਭਾਲਣ ਲਈ ਪ੍ਰਸ਼ਾਸਨ ਨੇ ਬਹੁ-ਮੰਤਵੀ ਤੀਰਥ ਯਾਤਰੀ ਸੁਵਿਧਾ ਕੇਂਦਰ ਸ਼ੁਰੂ ਕੀਤਾ ਹੈ। ਇਸ ਦੌਰਾਨ ਪਹਿਲੇ ਹੀ ਦਿਨ ਰਾਮਲਲਾ ਲਈ ਭਾਰੀ ਦਾਨ ਆਇਆ। ਦੱਸਿਆ ਗਿਆ ਕਿ ਰਾਮ ਭਗਤਾਂ ਨੇ ਪਹਿਲੇ ਦਿਨ 3.17 ਕਰੋੜ ਰੁਪਏ ਦਾਨ ਕੀਤੇ ਹਨ। ਰਾਮਲਲਾ ਲਈ ਦਾਨ ਦੇਣ ਲਈ ਲੋਕਾਂ ਦੀ ਭੀੜ ਵੀ ਨਹੀਂ ਆਈ ਅਤੇ ਭੀੜ ਹੋਣ ਦੇ ਬਾਵਜੂਦ ਲੋਕਾਂ ਨੇ ਖੁੱਲ੍ਹੇ ਦਿਲ ਨਾਲ ਦਾਨ ਦਿੱਤਾ।

ਦੂਜੇ ਪਾਸੇ ਰਾਮ ਲੱਲਾ ਦੇ ਪ੍ਰਾਣ ਪਤਿਸ਼ਠਾ ਤੋਂ ਬਾਅਦ ਆਮ ਲੋਕਾਂ ਲਈ ਖੋਲ੍ਹੇ ਗਏ ਅਯੁੱਧਿਆ ਮੰਦਰ 'ਚ ਬੁੱਧਵਾਰ ਨੂੰ ਦੂਜੇ ਦਿਨ ਵੀ ਸ਼ਰਧਾਲੂਆਂ ਦੀ ਭਾਰੀ ਭੀੜ ਦੇਖਣ ਨੂੰ ਮਿਲੀ। ਰਾਮਪਥ ਅਤੇ ਮੰਦਰ ਦੇ ਆਲੇ-ਦੁਆਲੇ ਸਵੇਰ ਤੋਂ ਹੀ ਸ਼ਰਧਾਲੂਆਂ ਦੀਆਂ ਲੰਬੀਆਂ ਕਤਾਰਾਂ ਦੇਖਣ ਨੂੰ ਮਿਲੀਆਂ। ਕੜਾਕੇ ਦੀ ਠੰਡ, ਧੁੰਦ ਅਤੇ ਸੀਤ ਲਹਿਰ ਦੇ ਵਿਚਕਾਰ ਲੋਕ ਮੰਦਰ ਦੇ ਬਾਹਰ ਕਤਾਰਾਂ ਵਿੱਚ ਖੜੇ ਦੇਖੇ ਗਏ। ਸ਼ਰਧਾਲੂ 'ਜੈ ਸ਼੍ਰੀ ਰਾਮ' ਦੇ ਨਾਅਰੇ ਲਗਾਉਂਦੇ ਦੇਖੇ ਗਏ।

ਇਹ ਵੀ ਪੜ੍ਹੋ: . Ayodhya Ram Mandir: PM ਨਰਿੰਦਰ ਮੋਦੀ ਨੇ ਪ੍ਰਾਣ ਪ੍ਰਤੀਸਥਾ ਦਾ ਪੂਰਾ ਵੀਡੀਓ ਕੀਤਾ ਸਾਂਝਾ, ਕਹੀ ਇਹ ਭਾਵੁਕ ਗੱਲ