Barnala News: ਬਰਨਾਲਾ ਵਿੱਚ ZEE ਮੀਡੀਆ ਦੀ ਖ਼ਬਰ ਤੋਂ ਬਾਅਦ ਹਰਕਤ 'ਚ ਆਇਆ ਪ੍ਰਸ਼ਾਸਨ!

Barnala News/ਦਵਿੰਦਰ ਸ਼ਰਮਾ:  ਬੀਤੀ ਰਾਤ ਬਰਨਾਲਾ ਦੇ ਰਿਹਾਇਸ਼ੀ ਖੇਤਰ ਵਿੱਚ ਸਥਿਤ ਪਸ਼ੂ ਹਸਪਤਾਲ ਦੀ ਖੰਡਰ ਇਮਾਰਤ ਵਿੱਚ ਪਏ ਗੰਦਗੀ ਦੇ ਢੇਰ ਨੂੰ ਅੱਗ ਲੱਗ ਗਈ ਸੀ ਜਿਸ ’ਤੇ ਇਲਾਕਾ ਨਿਵਾਸੀਆਂ ਅਤੇ ਫਾਇਰ ਬ੍ਰਿਗੇਡ ਵਿਭਾਗ ਨੇ ਬੜੀ ਮੁਸ਼ੱਕਤ ਨਾਲ ਅੱਗ ’ਤੇ ਕਾਬੂ ਪਾਇਆ। ਇਸ ਖੰਡਰ ਵਾਲੀ ਇਮਾਰਤ ਵਿੱਚ ਦੂਰ-ਦੂਰ ਤੋਂ ਲੋਕ ਗੰਦਗੀ ਦੇ ਢੇਰ ਇੱਥੇ ਸੁੱਟ ਦਿੰਦੇ ਸਨ। ਕਈ ਲੋਕ ਟੁੱਟੀ ਹੋਈ ਇਮਾਰਤ ਵਿੱਚ ਪਨਾਹ ਲੈਂਦੇ ਸਨ ਅਤੇ ਕਈ ਹੋਰ ਇਤਰਾਜ਼ਯੋਗ ਕੰਮ ਵੀ ਕਰਦੇ ਹਨ। ਇਸ ਬਾਰੇ ਸ਼ਹਿਰ ਵਾਸੀਆਂ ਨੇ ਕਈ ਵਾਰ ਪ੍ਰਸ਼ਾਸਨ, ਸਰਕਾਰ ਅਤੇ ਨਗਰ ਕੌਂਸਲ ਨੂੰ ਦੱਸਿਆ ਪਰ ਹਰ ਕੋਈ ਅੱਗ ਨਹੀਂ ਆਇਆ ਹੈ।

ਬੀਤੀ ਰਾਤ ZEE ਮੀਡੀਆ ਨੇ ਅੱਗ ਲੱਗਣ ਦੀ ਘਟਨਾ ਦੀ ਖ਼ਬਰ ਪ੍ਰਕਾਸ਼ਿਤ ਕਰਨ ਲਈ ਪਹਿਲ ਕੀਤੀ ਜਿਸ ਤੋਂ ਬਾਅਦ ਪ੍ਰਸ਼ਾਸਨ ਹਰਕਤ ਵਿੱਚ ਆਇਆ। ਨਗਰ ਕੌਂਸਲ ਨੇ ਗੰਦਗੀ ਦੀ ਸਫ਼ਾਈ ਕਰਵਾਈ। ਸਫਾਈ ਕਰਮਚਾਰੀਆਂ ਨੇ ਕੂੜਾ ਅਤੇ ਗੰਦਗੀ ਨੂੰ ਟਰੈਕਟਰ ਟਰਾਲੀ ਵਿੱਚ ਭਰ ਕੇ ਹਟਾਇਆ, ਲੋਕਾਂ ਨੂੰ ਇਸ ਨਾਲ ਬਹੁਤ ਰਾਹਤ ਮਿਲੀ ਹੈ। ਇਲਾਕਾ ਨਿਵਾਸੀਆਂ ਨੇ ਮੰਗ ਕੀਤੀ ਕਿ ਇਹ ਸਰਕਾਰੀ ਜਗ੍ਹਾ ਹੈ, ਇਸ ਜਗ੍ਹਾ ਦੀ ਸਫ਼ਾਈ ਕਰਵਾਈ ਜਾਵੇ ਅਤੇ ਇਸ 'ਤੇ ਵਧੀਆ ਪਾਰਕ ਬਣਾਇਆ ਜਾਵੇ ਅਤੇ ਬੱਚਿਆਂ ਲਈ ਜਿੰਮ ਬਣਾਇਆ ਜਾਵੇ ਤਾਂ ਜੋ ਆਮ ਲੋਕਾਂ ਨੂੰ ਇਸ ਦਾ ਲਾਭ ਮਿਲ ਸਕੇ |

ਇਹ ਵੀ ਪੜ੍ਹੋ: Barnala Fire: ਖੰਡਰ ਇਮਾਰਤ 'ਚ ਦੇਰ ਰਾਤ ਅਚਾਨਕ ਲੱਗੀ ਅੱਗ, ਫਾਇਰ ਬ੍ਰਿਗੇਡ ਨੇ ਬੜੀ ਮੁਸਤੈਦੀ ਨਾਲ ਪਾਇਆ ਕਾਬੂ
 

ਨਗਰ ਕੌਂਸਲ ਅਧਿਕਾਰੀ ਨੇ ਦਾਅਵਾ ਕੀਤਾ ਕਿ ਜਲਦੀ ਹੀ ਇਸ ਸਮੱਸਿਆ ਦਾ ਹੱਲ ਕਰ ਦਿੱਤਾ ਜਾਵੇਗਾ, ਉਥੇ ਪਈ ਗੰਦਗੀ ਨੂੰ ਉਥੋਂ ਹਟਾਇਆ ਜਾ ਰਿਹਾ ਹੈ ਅਤੇ ਜਲਦੀ ਹੀ ਇਸ ਖੰਡਰ ਹੋ ਚੁੱਕੀ ਇਮਾਰਤ ਨੂੰ ਵੀ ਸਬੰਧਤ ਵਿਭਾਗ ਵੱਲੋਂ ਦੁਬਾਰਾ ਹੱਲ ਕਰਵਾਇਆ ਜਾਵੇਗਾ।

ਬਰਨਾਲਾ ਸ਼ਹਿਰ ਦਾ ਇਹ ਬਹੁਤ ਹੀ ਵੱਡਾ ਅਤੇ ਪੁਰਾਣਾ ਜਨਤਕ ਮਸਲਾ ਹੈ, ਜੋ ਕਿ ਬਰਨਾਲਾ ਦੇ ਵਾਰਡ ਨੰਬਰ 9 ਵਿੱਚ ਲੰਬੇ ਸਮੇਂ ਤੋਂ ਚੱਲ ਰਿਹਾ ਹੈ ਅਤੇ ਇਸ ਪਸ਼ੂ ਹਸਪਤਾਲ ਦਾ ਕੁਝ ਹਿੱਸਾ ਹੁਣ ਖੰਡਰ ਇਮਾਰਤ ਵਿੱਚ ਤਬਦੀਲ ਹੋ ਚੁੱਕਾ ਹੈ। ਕੁਝ ਮਹੀਨੇ ਪਹਿਲਾਂ ਪੰਜਾਬ ਸਰਕਾਰ ਨੇ ਇੱਕ ਮੁਹੱਲਾ ਕਲੀਨਿਕ ਵੀ ਬਣਾਇਆ ਸੀ ਪਰ ਇਸ ਖੰਡਰ ਵਾਲੀ ਇਮਾਰਤ ਦਾ ਕੁਝ ਹਿੱਸਾ ਗੰਦਗੀ ਦੇ ਢੇਰਾਂ ਨਾਲ ਨਰਕ ਬਣ ਗਿਆ ਹੈ, ਜਿਸ ਵਿੱਚ ਦੂਰ-ਦੂਰ ਤੋਂ ਲੋਕ ਗੰਦਗੀ ਦੇ ਢੇਰ ਟੁੱਟੀਆਂ ਕੰਧਾਂ ਅਤੇ ਖਿੜਕੀਆਂ ਰਾਹੀਂ ਅੰਦਰ ਸੁੱਟਦੇ ਹਨ। ਬਿਲਡਿੰਗ ਵਿੱਚ ਨਸ਼ਾ ਕਰਨ ਵਾਲੇ ਅਤੇ ਚੋਰ ਵੀ ਪਨਾਹ ਲੈਂਦੇ ਹਨ, ਨਸ਼ਾਖੋਰੀ ਵੀ ਹੁੰਦੀ ਹੈ ਅਤੇ ਕਈ ਵਾਰ ਇਤਰਾਜ਼ਯੋਗ ਹਰਕਤਾਂ ਵੀ ਹੁੰਦੀਆਂ ਹਨ, ਇਸ ਬਾਰੇ ਵਾਰਡ ਵਾਸੀਆਂ ਨੇ ਪ੍ਰਸ਼ਾਸਨ, ਸਰਕਾਰ ਅਤੇ ਨਗਰ ਕੌਂਸਲ ਨੂੰ ਕਈ ਵਾਰ ਦੱਸਿਆ ਹੈ ਪਰ ਹਰ ਕੋਈ ਕੁੰਭਕਰਨੀ ਨੀਂਦ ਸੁੱਤਾ ਪਿਆ ਸੀ ਪਰ ਹੁਣ ਹਰਕਤ ਵਿੱਚ ਆਇਆ ਅਤੇ ਉੱਥੇ ਸਫ਼ਾਈ ਕਰਵਾਈ ਗਈ ਹੈ।

ਇਹ ਵੀ ਪੜ੍ਹੋ:  Fatehgarh Sahib Weather: ਤੇਜ਼ ਹਨੇਰੀ ਕਾਰਨ ਬਿਜਲੀ ਦਾ ਖੰਭਾ ਟੁੱਟ ਕੇ ਵਿਅਕਤੀ 'ਤੇ ਡਿੱਗਿਆ, ਹੋਈ ਮੌਤ