Viral news: ਵਿਆਹ ਕੀ ਹੁੰਦਾ ਹੈ ? ਵਿਦਿਆਰਥੀ ਵੱਲੋਂ ਦਿੱਤੇ ਗਿਆ ਅਜੀਬ ਜਵਾਬ ਸੁਣ ਲੋਕ ਹੋਏ ਹੈਰਾਨ!

Viral news: ਵਿਆਹ ਸਮਾਜ ਦੀ ਅਜਿਹੀ ਸਚਾਈ ਹੈ ਜਿਸ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਵਿਆਹ ਨੂੰ ਲੈ ਕੇ ਕਈ ਤਰ੍ਹਾਂ ਦੇ ਚੁਟਕਲੇ ਵੀ ਕੀਤੇ ਜਾਂਦੇ ਹਨ ਪਰ ਜੇਕਰ ਇਮਤਿਹਾਨ ਵਿੱਚ ਵਿਆਹ ਨਾਲ ਸੰਬੰਧਿਤ ਸਵਾਲ ਪੁੱਛਿਆ ਜਾਵੇ ਤਾਂ ਕੀ ਹੋਵੇਗਾ। ਦੱਸ ਦੇਈਏ ਕਿ ਸੋਸ਼ਲ ਮੀਡੀਆ 'ਤੇ ਤਸਵੀਰ ਵਾਇਰਲ ਹੋ ਰਹੀ ਹੈ। ਇਸ ਤਸਵੀਰ ਨੂੰ @srpdaa ਨਾਮ ਦੇ ਪੇਜ 'ਤੇ ਸ਼ੇਅਰ ਕੀਤਾ ਗਿਆ ਹੈ। ਇਸ ਪੋਸਟ ਵਿੱਚ ਇੱਕ ਪ੍ਰਸ਼ਨ ਪੱਤਰ ਪੁੱਛਿਆ ਗਿਆ ਹੈ ਕਿ ਵਿਆਹ ਕੀ ਹੁੰਦਾ ਹੈ?  ਆਂਸਰ ਸ਼ੀਟ  'ਚ ਦੇਖਿਆ ਜਾ ਸਕਦਾ ਹੈ ਕਿ ਵਿਆਹ ਕੀ ਹੁੰਦਾ ਹੈ ਦੇ ਜਵਾਬ 'ਚ ਇੱਕ ਵਿਦਿਆਰਥੀ ਵੱਲੋਂ ਅਜੀਬੋ-ਗਰੀਬ ਜਵਾਬ ਦਿੱਤੇ ਗਏ ਹਨ। ਇਹ ਜਵਾਬ ਪੜ੍ਹ ਕੇ ਜੇਕਰ ਤੁਸੀਂ ਨਹੀਂ ਹੱਸੇ ਤਾਂ ਤੁਸੀਂ ਆਪਣੇ ਆਪ ਨੂੰ ਯੋਧਾ ਸਮਝ ਸਕਦੇ ਹੋ।

ਵਿਦਿਆਰਥੀ ਵੱਲੋਂ 'ਵਿਆਹ ਕੀ ਹੁੰਦਾ ਹੈ' ਦੇ ਦਿੱਤੇ ਜਵਾਬ ਤੋਂ ਅਧਿਆਪਕ ਅਸੰਤੁਸ਼ਟ ਹੋ ਗਿਆ ਅਤੇ ਉਸ ਨੇ ਲਾਲ ਪੈੱਨ ਨਾਲ ਇਹ ਲੇਖ ਕੱਟ ਕੇ ਵਿਦਿਆਰਥੀ ਨੂੰ 10 ਵਿੱਚੋਂ 0 ਅੰਕ ਦਿੱਤੇ ਹਨ। ਵਿਦਿਆਰਥੀ ਦੀ ਆਂਸਰ ਸ਼ੀਟ 'ਤੇ ਅੰਗਰੇਜ਼ੀ 'ਚ ਬਕਵਾਸ ਲਿਖਣ ਦੇ ਨਾਲ ਹੀ ਕਿਹਾ ਕਿ ਆਓ ਅਤੇ ਮੈਨੂੰ ਮਿਲੋ। ਇਸ ਸਵਾਲ ਦੇ ਜਵਾਬ 'ਚ ਵਿਦਿਆਰਥੀ ਵੱਲੋਂ ਦਿੱਤੇ ਜਵਾਬ ਤੋਂ ਅਧਿਆਪਕ ਭਾਵੇਂ ਅਸੰਤੁਸ਼ਟ ਹੋਏ ਹੋਣ ਪਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਤੋਂ ਬਾਅਦ ਲੋਕ ਇਸ ਨੂੰ ਕਾਫੀ ਪਸੰਦ ਕਰ ਰਹੇ ਹਨ। 

ਇਹ ਵੀ ਪੜ੍ਹੋ:  Punjab News: ਹੁਸ਼ਿਆਰਪੁਰ 'ਚ ਵਾਪਰਿਆ ਵੱਡਾ ਹਾਦਸਾ, ਇੱਕੋ ਪਰਿਵਾਰ ਦੇ 3 ਲੋਕਾਂ ਦੀ ਮੌਤ, 8 ਜ਼ਖ਼ਮੀ

ਇਸ ਪੋਸਟ 'ਤੇ ਲੋਕ ਵੱਖ-ਵੱਖ ਤਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ ਅਤੇ ਕੁਝ ਲੋਕ ਬੱਚੇ ਦੇ ਜਵਾਬ ਨੂੰ ਸੱਚ ਦੱਸ ਰਹੇ ਹਨ ਪਰ ਜੋ ਵੀ ਹੋਵੇ, ਇਸ ਪੋਸਟ ਨੂੰ ਦੇਖ ਕੇ ਤੁਸੀਂ ਵੀ ਹੱਸਦੇ ਕੇ ਰਹਿ ਜਾਓਗੇ। ਕੁਝ ਲੋਕਾਂ ਨੇ ਤਾਂ ਇੱਥੋਂ ਤੱਕ ਕਿਹਾ ਕਿ ਇਸ ਬੱਚੇ ਨੂੰ ਮੈਡਲ ਦੇ ਕੇ ਸਨਮਾਨਿਤ ਕੀਤਾ ਜਾਣਾ ਚਾਹੀਦਾ ਹੈ।

What is marriage? = pic.twitter.com/tM8XDNd12P

— Paari | Panchavan Paarivendan (@srpdaa) October 11, 2022

ਪ੍ਰਸ਼ਨ ਪੱਤਰ ਵਿੱਚ ਪੁੱਛੇ ਗਏ ਸਵਾਲ ਦੇ ਜਵਾਬ ਵਿੱਚ ਕਿ ਵਿਆਹ ਕੀ ਹੁੰਦਾ ਹੈ, ਵਿਦਿਆਰਥੀ ਨੇ ਆਂਸਰ ਸ਼ੀਟ ਵਿੱਚ ਲਿਖਿਆ - ਵਿਆਹ ਉਦੋਂ ਹੁੰਦਾ ਹੈ ਜਦੋਂ ਲੜਕੀ ਦੇ ਮਾਤਾ-ਪਿਤਾ ਉਸਨੂੰ ਦੱਸਦੇ ਹਨ ਕਿ ਹੁਣ ਤੂੰ ਵੱਡੀ ਹੋ ਗਈ ਹੈ। ਅਸੀਂ ਤੁਹਾਨੂੰ ਹੋਰ ਭੋਜਨ ਨਹੀਂ ਦੇ ਸਕਦੇ। ਚੰਗਾ ਹੋਵੇਗਾ ਜੇਕਰ ਤੁਹਾਨੂੰ ਕੋਈ ਅਜਿਹਾ ਆਦਮੀ ਮਿਲ ਜਾਵੇ ਜੋ ਤੁਹਾਨੂੰ ਭੋਜਨ ਦੇ ਸਕੇ। ਫਿਰ ਇੱਕ ਕੁੜੀ ਇੱਕ ਲੜਕੇ ਨੂੰ ਮਿਲਦੀ ਹੈ ਜਿਸਦੇ ਮਾਪੇ ਉਸਨੂੰ ਚੀਕਦੇ ਰਹਿੰਦੇ ਹਨ ਅਤੇ ਕਹਿੰਦੇ ਹਨ ਕਿ ਤੂੰ ਹੁਣ ਵੱਡਾ ਹੋ ਗਿਆ ਹੈ। ਦੋਵੇਂ ਆਪਣੇ ਆਪ ਨੂੰ ਪਰਖਦੇ ਹਨ ਅਤੇ ਖੁਸ਼ ਹੋ ਜਾਂਦੇ ਹਨ। ਇਸ ਤੋਂ ਬਾਅਦ ਉਹ ਇਕੱਠੇ ਰਹਿਣ ਲੱਗਦੇ ਹਨ ਅਤੇ ਫਿਰ ਬੱਚੇ ਕਰਦੇ ਹਨ।