Ghaziabad News: ਪੰਜਾਬ ਦੀ ਸ਼ਰਾਬ ਕ੍ਰਾਈਮ ਬ੍ਰਾਂਚ ਨੇ ਯੂਪੀ 'ਚ ਫੜੀ, ਤਸਕਰ ਬਿਹਾਰ ਲੈ ਕੇ ਜਾ ਰਿਹਾ ਸੀ ਸ਼ਰਾਬ

Ghaziabad News: ਗਾਜ਼ੀਆਬਾਦ ਕ੍ਰਾਈਮ ਬ੍ਰਾਂਚ ਨੇ ਇਕ ਸ਼ਰਾਬ ਤਸਕਰ ਨੂੰ ਗ੍ਰਿਫਤਾਰ ਕੀਤਾ ਹੈ ਜੋ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਪੰਜਾਬ ਤੋਂ ਗੈਰ-ਕਾਨੂੰਨੀ ਸ਼ਰਾਬ ਦੀ ਤਸਕਰੀ ਕਰਕੇ ਵੱਖ-ਵੱਖ ਸੂਬਿਆਂ ਨੂੰ ਸਪਲਾਈ ਕਰ ਰਿਹਾ ਸੀ। ਪੁਲਿਸ ਨੇ ਇਸ ਦੇ ਕਬਜ਼ੇ 'ਚੋਂ 501 ਪੇਟੀਆਂ ਬਰਾਮਦ ਕੀਤੀਆਂ ਹਨ, ਜਿਨ੍ਹਾਂ ਦੀ ਅੰਦਾਜ਼ਨ ਕੀਮਤ 30 ਲੱਖ ਰੁਪਏ ਦੱਸੀ ਜਾ ਰਹੀ ਹੈ। ਪੁਲਿਸ ਨੇ ਇੱਕ ਟਰੱਕ ਵੀ ਕਬਜ਼ੇ ਵਿੱਚ ਲਿਆ ਹੈ। ਫੜੀਆਂ ਗਈਆਂ ਸ਼ਰਾਬ ਦੀ ਖੇਪ ਵਿੱਚ ਵਿਸਕੀ ਅਤੇ ਬੀਅਰ ਵੀ ਸ਼ਾਮਲ ਹੈ।

ਸ਼ਰਾਬ ਤਸਕਰ ਗ੍ਰਿਫਤਾਰ
ਗਾਜ਼ੀਆਬਾਦ ਕਮਿਸ਼ਨਰੇਟ ਪੁਲਿਸ ਨੇ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਸ਼ਰਾਬ ਦੀ ਵੱਡੀ ਖੇਪ ਬਰਾਮਦ ਕੀਤੀ ਹੈ। ਪੁਲਿਸ ਪੁੱਛਗਿੱਛ 'ਚ ਸਾਹਮਣੇ ਆਇਆ ਕਿ ਸ਼ਰਾਬ ਤਸਕਰ ਪੰਜਾਬ ਤੋਂ ਬਿਹਾਰ ਨੂੰ ਗੈਰ-ਕਾਨੂੰਨੀ ਢੰਗ ਨਾਲ ਸ਼ਰਾਬ ਸਪਲਾਈ ਕਰ ਰਿਹਾ ਸੀ। ਕ੍ਰਾਈਮ ਬ੍ਰਾਂਚ ਨੂੰ ਗੁਪਤ ਸੂਚਨਾ ਮਿਲੀ ਸੀ ਕਿ ਇੱਕ ਟਰੱਕ ਵਿੱਚ ਨਾਜਾਇਜ਼ ਸ਼ਰਾਬ ਲਿਆਂਦੀ ਜਾ ਰਹੀ ਹੈ। ਪੁਲਿਸ ਨੇ ਟਰੱਕ ਨੂੰ ਟਰੇਸ ਕਰਕੇ ਮੁਰਾਦਨਗਰ ਇਲਾਕੇ ਤੋਂ ਕਾਬੂ ਕਰ ਲਿਆ ਹੈ। ਪੁਲਿਸ ਪੁੱਛਗਿੱਛ ਦੌਰਾਨ ਮੁਲਜ਼ਮ ਨੇ ਦੱਸਿਆ ਕਿ ਉਹ ਟਰੱਕ ਡਰਾਈਵਰ ਦਾ ਕੰਮ ਕਰਦਾ ਸੀ ਪਰ ਆਮਦਨ ਜ਼ਿਆਦਾ ਨਾ ਹੋਣ ਕਾਰਨ ਉਹ ਨਾਜਾਇਜ਼ ਸ਼ਰਾਬ ਦੀ ਤਸਕਰੀ ਕਰਨ ਲੱਗਾ। ਮੁਲਜ਼ਮ ਨੇ ਪੁਲਿਸ ਨੂੰ ਇਹ ਵੀ ਦੱਸਿਆ ਕਿ ਉਸ ਕੋਲੋਂ ਟਰੱਕ ਬਿਹਾਰ ਭੇਜਣ ਦੇ 50 ਹਜ਼ਾਰ ਰੁਪਏ ਲਏ ਜਾਂਦੇ ਸਨ। 

ਇਹ ਵੀ ਪੜ੍ਹੋ: Electoral Bonds Case: ਸੁਪਰੀਮ ਕੋਰਟ ਵਿੱਚ SBI ਦਾ ਹਲਫਨਾਮਾ ; 22,217 ਚੋਣ ਬਾਂਡ 2019 ਤੋਂ 2024 ਤੱਕ ਖਰੀਦੇ ਗਏ

ਟਰੱਕ ਵੀ ਕਬਜ਼ੇ ਵਿੱਚ ਲਿਆ 
ਦੱਸ ਦੇਈਏ ਕਿ ਫੜੀ ਗਈ ਨਜਾਇਜ਼ ਸ਼ਰਾਬ ਪੰਜਾਬ ਮਾਰਕਾ ਹੈ, ਜਿਸ ਵਿੱਚ ਵ੍ਹਾਈਟ ਐਂਡ ਬਲੂ, ਮੈਕਡੋਨਲਡ, ਰਾਇਲ ਗ੍ਰੀਨ ਸ਼ਾਮਲ ਹੈ। ਕਿੰਗ ਫਿਸ਼ਰ ਦੀ ਬੀਅਰ ਵੀ ਸ਼ਾਮਲ ਹੈ। ਪੁਲਿਸ ਨੇ ਨਾਜਾਇਜ਼ ਸ਼ਰਾਬ ਦੀ ਤਸਕਰੀ ਲਈ ਵਰਤਿਆ ਜਾਣ ਵਾਲਾ ਟਰੱਕ ਵੀ ਕਾਬੂ ਕੀਤਾ ਹੈ। ਮੁਲਜ਼ਮ ਅਨੂਪ ਖ਼ਿਲਾਫ਼ ਕੁੱਲ ਦੋ ਦੋਸ਼ ਦਰਜ ਕੀਤੇ ਗਏ ਹਨ। ਕ੍ਰਾਈਮ ਬ੍ਰਾਂਚ ਪੁਲਿਸ ਮੁਲਜ਼ਮਾਂ ਦੇ ਹੋਰ ਸਾਥੀਆਂ ਦੀ ਵੀ ਭਾਲ ਕਰ ਰਹੀ ਹੈ।

ਇਹ ਵੀ ਪੜ੍ਹੋ: Haryana Floor Test: ਅੱਜ ਨਾਇਬ ਸਿੰਘ ਸੈਣੀ ਸਰਕਾਰ ਦਾ ਫਲੋਰ ਟੈਸਟ, CM ਬੋਲੇ- ਸਾਡੇ 48 ਵਿਧਾਇਕਾਂ ਦਾ ਸਮਰਥਨ