Weather Update: ନୂଆଦିଲ୍ଲୀ: ଆଜି ଦେଶ ୭୫ତମ ଗଣତନ୍ତ୍ର ଦିବସ ପାଳନ କରୁଛି। ସମଗ୍ର ଦେଶ ହାଡଭଙ୍ଗା ଜାଡ଼ର ଶିକାର ହୋଇଛି। ଆଜି ଦିଲ୍ଲୀରେ କର୍ତ୍ତବ୍ୟପଥରେ ବିଶ୍ୱ ଭାରତର ଶକ୍ତି ଦେଖିବାକୁ ପାଇବ। ସେପଟେ କିନ୍ତୁ ଦିଲ୍ଲୀ ପାଣିପାଗ ସମସ୍ତଙ୍କୁ ଅସ୍ତବ୍ୟସ୍ତ କରି ରଖିଛି। ଯଦିଓ ଭାରତୀୟ ପାଣିପାଗ ବିଭାଗ (ଆଇଏମଡି) ରେ ଦିଲ୍ଲୀ-ଏନସିଆରରେ ବର୍ଷା ହେବାର ସତର୍କତା ନାହିଁ, କିନ୍ତୁ ଘନ କୁହୁଡ଼ି ସମସ୍ତଙ୍କ ଜୀବନକୁ ଅସ୍ତବ୍ୟସ୍ତ କରି ରଖିଛି। ଆଜିଠାରୁ ସାରା ଦେଶରେ ପାଗ ପରିବର୍ତ୍ତନ ହେବ। ଆସନ୍ତା ୩ ଦିନ ପାଇଁ ପାହାଡିଆ ଅଞ୍ଚଳରେ ତୁଷାରପାତ ଏବଂ ସମତଳ ଅଞ୍ଚଳରେ ବର୍ଷା ହେବାର ପାଣିପାଗ ବିଭାଗ ସତର୍କ ସୂଚନା ଜାରି କରିଛି। କେତେକ ରାଜ୍ୟରେ ଘନ କୁହୁଡି ଦେଖାଯିବା ନେଇ ପାଣିପାଗ ବିଭାଗ ଆର୍ଲଟ ଜାରି କରିଛି।
Fog conditions observed (at 0530 hours IST of today): Very dense fog in isolated pockets of Punjab, northwest Rajasthan, Uttar Pradesh and Bihar; Dense fog in isolated pockets of northwest Madhya Pradesh and Tripura; Moderate fog in isolated pockets of Delhi and West Bengal. pic.twitter.com/Ymj2LeH8tg
— India Meteorological Department (@Indiametdept) January 26, 2024
ଆଜି ଠାରୁ ଜାନୁୟାରୀ ୩୦ ପର୍ଯ୍ୟନ୍ତ କିନ୍ନୌର, ଲାହୋଲ୍-ସ୍ପିତି ଏବଂ ଚାମ୍ବା ଜିଲ୍ଲାର ପାହାଡ଼ିଆ ଅଞ୍ଚଳରେ ବର୍ଷା ଓ ତୁଷାରପାତ ସମ୍ପର୍କରେ ପାଣିପାଗ ବିଭାଗ ସତର୍କ ସୂଚନା ଜାରି କରିଛି। ୨୮ ଓ ୨୯ ତାରିଖରେ କୁଲୁ, ମଣ୍ଡି, ଶିମଲା, କାଙ୍ଗଡ଼ା, ସିରମୌରର ପାହାଡ଼ିଆ ଅଞ୍ଚଳରେ ବର୍ଷା ଓ ତୁଷାରପାତ ହେବା ନେଇ ପାଣିପାଗ ବିଭାଗ ଆକଳନ କରିଛି। ଜାନୁଆରୀ ୩୦ରେ ପାହାଡ ଏବଂ ସମତଳିଆ ଅଞ୍ଚଳରେ ବର୍ଷା ହେବାର ପୂର୍ବାନୁମାନ କରାଯାଇଛି। ବାସ୍ତବରେ ରାଜ୍ୟରେ ପାଶ୍ଚାତ୍ୟ ବିଶୃଙ୍ଖଳା ସକ୍ରିୟ ହେବାରେ ଲାଗିଛି। ଏଭଳି ପରିସ୍ଥିତିରେ ଫେବୃଆରୀ ୩ ପର୍ଯ୍ୟନ୍ତ ବର୍ଷା ଓ ତୁଷାରପାତ ଜାରି ରହିବ ବୋଲି ଏକ ସତର୍କ ସୂଚନା ରହିଛି। ଗୁରୁବାର ଦିନ ସୁନ୍ଦରଗଡ ସୁନ୍ଦର ନଗରରେ ବିଯୁକ୍ତ ୦.୫, କଲପାରେ ବିଯୁକ୍ତ ୩.୫, ଉନାରେ ବିଯୁକ୍ତ ୧.୨ ଡିଗ୍ରୀ, କେଲୋଙ୍ଗ, କୁକୁମସେରୀରେ ବିଯୁକ୍ତ ୧୦ ଡିଗ୍ରୀ, ନାରକଣ୍ଡରେ ବିଯୁକ୍ତ ୧.୪ ଡିଗ୍ରୀ, ରେକଙ୍ଗ ପିଓରେ ବିଯୁକ୍ତ ୦.୫ ଡିଗ୍ରୀ, ସେଓବାଗ ବିଯୁକ୍ତ ୦.୩ ଡିଗ୍ରୀ, ସମଦୋରେ ବିଯୁକ୍ତ ୫.୩ ଡିଗ୍ରୀ, ବରଠିଂରେ ବିଯୁକ୍ତ ୦.୬ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି।