Weather Update: ବଦଳିଲା ପାଣିପାଗର ମିଜାଜ, ଦିଲ୍ଲୀ ସମେତ ଅନେକ ରାଜ୍ୟରେ ତଳମୁହାଁ ପାରଦ

Weather Update: ନୂଆଦିଲ୍ଲୀ: ତମାମ ଦେଶରେ ଏବେ ପ୍ରବଳ ତାତିରେ ଆଉଟୁ ପାଉଟୁ ହେଉଛି ଜୀବନ। ଏହାରି ମଧ୍ୟରେ ଶୁକ୍ରବାର ସନ୍ଧ୍ୟାରେ ଦିଲ୍ଲୀର ପାଗରେ ପରିବର୍ତ୍ତନ ହୋଇଛି। କାଳବୈଶାଖୀ ଓ ହାଲୁକା ବର୍ଷା କାରଣରୁ ତାପମାତ୍ରାରେ ହ୍ରାସ ଘଟିଛି। ବଜ୍ରପାତ, ଝଡ଼ତୋଫାନ ଏବଂ ବର୍ଷା ଯୋଗୁଁ ତାପମାତ୍ରା ହ୍ରାସ ପାଇଛି। ତେଣୁ ଦିଲ୍ଲୀ-ଏନସିଆର ପ୍ରବଳ ଗରମରୁ ତୁରନ୍ତ ଆଶ୍ୱସ୍ତି ମିଳିଛି। ଆଜି ମଧ୍ୟ ରାଜଧାନୀର ଅନେକ ଅଞ୍ଚଳରେ ବର୍ଷା ନେଇ ପାଣିପାଗ ବିଭାଗ (ଆଇଏମଡି) ୟେଲୋ ଆଲର୍ଟ ଜାରି କରିଛି। ଆଇଏମଡି ଅନୁଯାୟୀ, କିଛି ଦିନ ହେବ ଦିଲ୍ଲୀ ଏବଂ ଏନସିଆରରେ ଗ୍ରୀଷ୍ମ ଲହରରୀରୁ ମୁକ୍ତି ମିଳିବ। ସର୍ବାଧିକ ତାପମାତ୍ରା ନିୟନ୍ତ୍ରଣରେ ରହିବ। ବର୍ତ୍ତମାନ ଏଠାରେ କୌଣସି ହିଟ ୱେଭର ସୂଚନା ନାହିଁ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି।

ଦିଲ୍ଲୀ ଓ ଏନସିଆରରେ ଏଭଳି ରହିବ ପାଣିପାଗ
ଶୁକ୍ରବାର ଦିନ ଦିଲ୍ଲୀରେ ରେକର୍ଡ ହୋଇଥିବା ସର୍ବନିମ୍ନ ତାପମାତ୍ରା ୨୭.୭ ଡିଗ୍ରୀ ସେଲସିୟସ ଥିଲା, ଯାହା ଏହି ଋତୁର ହାରାହାରି ତାପମାତ୍ରା ଠାରୁ ତିନି ଡିଗ୍ରୀ କମ୍ ଥିଲା। ଦିଲ୍ଲୀର ଆପେକ୍ଷିକ ଆର୍ଦ୍ରତା ସ୍ତର ସକାଳ ୮.୩୦ରେ ୬୪ ପ୍ରତିଶତ ରେକର୍ଡ କରାଯାଇଥିଲା। ଦିଲ୍ଲୀ ବ୍ୟତୀତ ଆଜି ଗାଜିଆବାଦ, ନୋଏଡା, ଗୁରୁଗ୍ରାମ ଏବଂ ଫରିଦାବାଦରେ ମଧ୍ୟ ପ୍ରବଳ ବର୍ଷା ହୋଇପାରେ।

ପାଣିପାଗ ବିଭାଗର ପୂର୍ବାନୁମାନ ଅନୁଯାୟୀ ମେ ୧୫ ପର୍ଯ୍ୟନ୍ତ ପାଗ ଖରାପ ରହିବ। ଆଜି ବି ମେଘୁଆ ରହିବ ଏବଂ ହାଲୁକା ବର୍ଷା ହେବାର ସମ୍ଭାବନା ଅଛି। ଘଣ୍ଟା ପ୍ରତି ୩୦ ରୁ ୪୦ କିଲୋମିଟର ବେଗରେ ପବନ ବହିପାରେ। ସର୍ବାଧିକ ତାପମାତ୍ରା ୩୯ ଏବଂ ସର୍ବନିମ୍ନ ୨୯ ଡିଗ୍ରୀ ହେବ ବୋଲି ଆଶା କରାଯାଉଛି। ମେ ୧୨ରେ ମଧ୍ୟ ମେଘ ରହିବ ଏବଂ ହାଲୁକା ବର୍ଷା ହୋଇପାରେ। ପବନ ବହିବ, ଯେଉଁଥିପାଇଁ ସର୍ବାଧିକ ତାପମାତ୍ରା ୩୭ରେ ରହିପାରେ। 

ନ୍ୟୁନତମ ତାପମାତ୍ରା ୨୮ ଡିଗ୍ରୀ ରହିବା ବୋଲି ପାଣିପାଗ ବିଭାଗ ଆକଳନ କରିଛି। ମେ ୧୩ରେ ମଧ୍ୟ ରାଜଧାନୀର ପାଗ ଖରାପ ରହିବ। ଆଂଶିକ ମେଘ ରହିବ ଏବଂ ହାଲୁକା ବର୍ଷା ହୋଇପାରେ। ସର୍ବାଧିକ ତାପମାତ୍ରା ୩୮ ଏବଂ ସର୍ବନିମ୍ନ ୨୮ ଡିଗ୍ରୀ ହେବ ବୋଲି ଆଶା କରାଯାଉଛି। ୧୪ ରୁ ୧୬ ମେ ପର୍ଯ୍ୟନ୍ତ ପାଗ ସ୍ପଷ୍ଟ ରହିବ। ସର୍ବାଧିକ ତାପମାତ୍ରା ୪୧ ରୁ ୪୨ ଡିଗ୍ରୀ ହୋଇପାରେ। ସର୍ବନିମ୍ନ ତାପମାତ୍ରା ୨୭ ରୁ ୨୮ ଡିଗ୍ରୀ ମଧ୍ୟରେ ରହିବ। ତା’ପରେ ଉତ୍ତାପ ତରଙ୍ଗ ଆପଣଙ୍କୁ ହଇରାଣ କରିବ।

ଉତ୍ତର-ପୂର୍ବ ରାଜସ୍ଥାନ ଏବଂ ଏହାର ଆଖପାଖରେ ଏକ ସାଇକ୍ଲୋନିକ୍ ଝଡ଼ କ୍ଷେତ୍ର ସୃଷ୍ଟି ହୋଇଛି। କେନ୍ଦ୍ରୀୟ ମହାରାଷ୍ଟ୍ର ଏବଂ ଉତ୍ତର ପଶ୍ଚିମ ରାଜସ୍ଥାନ ଅଞ୍ଚଳରେ ସାଇକ୍ଲୋନିକ୍ ପବନର ଏକ କ୍ଷେତ୍ର ସୃଷ୍ଟି ହୋଇଛି। ଗତ ୨୪ ଘଣ୍ଟା ମଧ୍ୟରେ ଗାଙ୍ଗେୟ ପଶ୍ଚିମବଙ୍ଗ, ଓଡ଼ିଶାର ଉତ୍ତର ତଟ ଏବଂ ବିଦର୍ଭରେ ମଧ୍ୟମରୁ ପ୍ରବଳ ବର୍ଷା ହୋଇଥିଲା। ପୂର୍ବ ମଧ୍ୟପ୍ରଦେଶ, ଓଡିଶା, ଉତ୍ତର ପୂର୍ବ ଭାରତ, ପୂର୍ବ ବିହାର, ଝାଡଖଣ୍ଡ, ଉତ୍ତର ପୂର୍ବ ମଧ୍ୟପ୍ରଦେଶ, ଦକ୍ଷିଣ ଆଭ୍ୟନ୍ତରୀଣ କର୍ଣ୍ଣାଟକ, କେରଳ, ଆଭ୍ୟନ୍ତରୀଣ ତାମିଲନାଡୁ ଏବଂ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜରେ ହାଲୁକା ରୁ ମଧ୍ୟମ ବର୍ଷା ଏବଂ ବଜ୍ରପାତ ଘଟିଛି। ପୂର୍ବ ଉତ୍ତରପ୍ରଦେଶ, ବିହାର, ଝାଡଖଣ୍ଡ, ପଶ୍ଚିମବଙ୍ଗ, ଉପକୂଳ ଆନ୍ଧ୍ରପ୍ରଦେଶ, ଉପକୂଳ ତାମିଲନାଡୁ, ହିମାଚଳ ପ୍ରଦେଶ, ଉତ୍ତରପ୍ରଦେଶ, ଉତ୍ତର ପୂର୍ବ ରାଜସ୍ଥାନ, ଉତ୍ତର ପୂର୍ବ ଭାରତ ଏବଂ ସିକ୍କିମରେ ହାଲୁକା ବର୍ଷା ହୋଇଛି। ଶୁକ୍ରବାର ଦିନ ଦେଶର କେତେକ ସ୍ଥାନରେ ହିଟ ୱେଭ ମଧ୍ୟ ଘଟିଛି।