Bones Pain: ଅଳ୍ପ କାମ କରିବା ପରେ ଆପଣ କ୍ଲାନ୍ତ ଅନୁଭବ କରୁଛନ୍ତି କି ? ଯଦି ହଁ, ତେବେ ଏହା ଶରୀରରେ ହାଡର ଦୁର୍ବଳତାକୁ ସୂଚାଇପାରେ । ସ୍ୱାସ୍ଥ୍ୟ ବିଶେଷଜ୍ଞଙ୍କ ଠାରୁ ଜାଣନ୍ତୁ କେଉଁ ଭିଟାମିନ୍ର ଅଭାବ ଆପଣଙ୍କ ଶରୀରରେ ଯନ୍ତ୍ରଣା ଦେଇଥାଏ ।
ଆମ ଶରୀର ପାଇଁ ଭିଟାମିନ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଯାହାର ଅଭାବ ଶରୀରରେ ଅନେକ ସମସ୍ୟା ସୃଷ୍ଟି କରିଥାଏ । ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ ଭିଟାମିନ୍ ଡି ଚର୍ବିରେ ଦ୍ରବୀଭୂତ ଅଟେ । ସ୍ୱାସ୍ଥ୍ୟ ଦୃଷ୍ଟିକୋଣରୁ ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହା କେବଳ ଆମର ହାଡକୁ ଶକ୍ତିଶାଳୀ ରଖେ ନାହିଁ ବରଂ ଏହା କେଶ ପାଇଁ ମଧ୍ୟ ବହୁତ ଗୁରୁତ୍ୱପୂର୍ଣ୍ଣ । ମାନସିକ ସ୍ୱାସ୍ଥ୍ୟ ଦୃଷ୍ଟିକୋଣରୁ ମଧ୍ୟ ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।
ସ୍ବାସ୍ଥ୍ୟ ବିଶେଷଜ୍ଞଙ୍କ ଅନୁସାରେ ଶରୀରରେ ଭିଟାମିନ୍ ଡି ର ଅଭାବ ଚାପ, ହାଡ ସମସ୍ୟା ଏବଂ ଥକ୍କାପଣ ଭଳି ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ । ଏହା ସହି ଏହାର ଅଭାବରୁ ଶରୀରରେ ଯନ୍ତ୍ରଣା ହେବାର ସମ୍ଭାବନା ଥାଏ । ଆସନ୍ତୁ ଜାଣିବା ଶରୀରରେ ଭିଟାମିନ୍ ଡି ଅଭାବ ହେତୁ ଶରୀରର କେଉଁ କେଉଁ ସ୍ଥାନରେ ଯନ୍ତ୍ରଣା ହୁଏ ।
ହାଡରେ ସମସ୍ୟା
ଶରୀରରେ ଭିଟାମିନ୍ D ର ଅଭାବ ହାଡରେ ଯନ୍ତ୍ରଣା ଦେଇଥାଏ । ଯେତେବେଳେ ଆମ ଶରୀରରେ ଭିଟାମିନ୍ D ର ସ୍ତର କମ୍ ହୁଏ ସେତେବେଳେ ଆମେ କ୍ୟାଲସିୟମ୍ ଏବଂ ଫସଫରସ୍ ସଠିକ୍ ଭାବରେ ଶୋଷଣ କରି ପାରିନଥାଉ । ଏହି ପରିପ୍ରେକ୍ଷୀରେ ହାଡରେ ଯନ୍ତ୍ରଣା ହେବା କିମ୍ବା ଭାଙ୍ଗିବାର ସମ୍ଭାବନା ଥାଏ । ଏହି ପ୍ରକାରର ସମସ୍ୟା ଅଧିକାଂଶ ବୟସ୍କଙ୍କ ନିକଟରେ ଦେଖାଯାଏ ।
ମାଂସପେଶୀରେ ଯନ୍ତ୍ରଣା
ଶରୀରରେ ଭିଟାମିନ୍ D ର ଅଭାବ ହେତୁ ମାଂସପେଶୀରେ ଯନ୍ତ୍ରଣା ଆରମ୍ଭ ହୁଏ । ସ୍ବାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ ଯେତେବେଳେ ଆମ ଶରୀରରେ ଭିଟାମିନ୍ ଡି ର ଅଭାବ ଥାଏ ସେହି ସମୟରେ ଶରୀରରେ ପୋଷକ ତତ୍ତ୍ୱର ଅବଶୋଷଣ କମିଯାଏ। ଏହି କାରଣରୁ ମାଂସପେଶୀରେ ଯନ୍ତ୍ରଣା ଆରମ୍ଭ ହୁଏ ।
ଗଣ୍ଠିରେ ଯନ୍ତ୍ରଣା
ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ ଶରୀରରେ ଭିଟାମିନ୍ ଡି ଅଭାବ ହେତୁ ଗଣ୍ଠି ଯନ୍ତ୍ରଣା ମଧ୍ୟ ଆରମ୍ଭ ହୁଏ। ଏହି ଭିଟାମିନ୍ ର ଅଭାବ ହେତୁ ହାଡ ଦୁର୍ବଳ ହେବାକୁ ଲାଗେ । ଏହି କାରଣରୁ ଯନ୍ତ୍ରଣା ହେବାର ସମ୍ଭାବନା ଅଧିକ ଥାଏ । ଯଦି ଆପଣଙ୍କର କୌଣସି ପ୍ରକାରର ଗଣ୍ଠି ଯନ୍ତ୍ରଣା ଥାଏ ତାହେଲେ ଧାକ୍ତରଙ୍କ ସହ ପରାମର୍ଶ କରନ୍ତୁ ।